עס איז צייט צו רעדן וועגן VPNs - חלק (1)

ארטיקלען און באטראכטונגען איבער דער חרדי'שער געזעלשאפט און קולטור

עס איז צייט צו רעדן וועגן VPNs - חלק (1)

הודעהדורך טאמבל סאס » זונטאג סעפטעמבער 25, 2022 9:17 am

עס איז צייט צו רעדן וועגן VPNs (ווירטואלע פריוואטע נעטווארקס) (1)

איר האט שוין אמאל געהערט פון דעם אויסדרוק, "הע, רעדן איז א קונץ? לאמיר זעהן טוה עפעס!". יא, רעדן איז א קונץ! און דא רעד איך נישט פון דעם סארט 'רעדן' וואס רוב איינגעשטעלטע אין א קאמפאני טוען דורכאויס ענדלאזע מיטינגס, אוואו מען רעדט און מען רעדט וועגן 'טוהן' אבער טוהן למעשה טוהט מען נישט. איך באציה מיך דא צו די סארט "פערסוועסיוו רעדן" , רעדן (און אין אונזער קעיס – שרייבן) צו איבערצייגן אדער אריבערווינען עמיצן צו אן עפיניען, דעה אדער באגריף וואס איך אדוואקיר פאַר. אזא סארט רעדן איז יא א קונץ. מען לערנט זיך דאס און מען שארפט דאס אויס דורך יארן ארבעט, פיין און עקספיריענס. אלזא, קום עס נישט אוועקמאכן.

פארוואס זאג איך דאס? ווייל מיין טאכטער איז נישט לאנג צוריק אהיימגעקומען אז איר טיטשער האט געזאגט דאס רעדן, מיינט זי, וויי טוהן עמיצן מיט רייד איז ערגער ווי יענעם וויי-טוהן פיזיש. האב איך איר געענטפערט אז ס'איז בעלאוניס: קום, איך וועל דיר געבן א פראַסק און דו טארסט מיר גארנישט צוריק-טוהן אחוץ רעדן ווייל איך האב דיר נאָר געשלאגן. ס'ארא נארישקייטן.

סאוי איך האב דאס איבערפארציילט פאר א פריינדינע וואס איז זעהר אבסעסירט מיט אנטיסעמיטן און אזעלכע וואס רעדן אָנליין קעגן אידן. אז מען ברויך זיי נאכשפיאנירן, בּענ-ען, בּלאָקן, אויפדעקן און אויסראטן וכו' וכו'. האט זי כמובן מסכים געווען מיט מיין טאכטער'ס מחנכת. והא ראיה זאגט זי, קוק היטלער, ער האט גוט גערעדט, געהאט א געראטענעם כח הדיבור און איז געווען זעהר פערסוועיסיוו. מען האט אים נישט אפגעשטעלט אין צייט און קוק וואס איז ארויסגעקומען.. נאכדעם איז זי אנגעגאנגען מיט די אלע אמתלות פון "רייד שטעכט אין הארץ..", "מענטל דעמידזש איז אסאך ארגער און לענגער דויערהאפטנד.." וכו' וכו'. איז, חוץ פון אירע שוואכע אמונה אז מיר, אלס מענטשן און אלס אידן בפרט, קענען און מעגן נישט קאנטראלירן, אדער מיינען אז מיר קענען קאנטראלירן, אלצדינג אויף דער וועלט -- אינקלודינג וואס מענטשן זאגן און טראכטן אנליין -- שטעקט דא, אין איר צוגאנג, אסאך א טיפערע און פעלערהאפטיגערע געדאנקען גאנג:

נאָר אזעלכע מענטשן וואס האלטן זיך עליטע און באטראכטן ס'רוב איבריגע המון עם ווי מאשינען וואס קענען נאר און מוזן פאלגן בלינדערהייט וואס מען הייסט זיי, אהנע שוקל זיין, טאקע דייקא אזעלכע וועלן האלטן אז רעדן איז ערגער ווי טוהן. פארוואס? ווייל ווען סתם מענטשן באגייען ווייעלענס ווייל זיי זענען נשפע געווארן פון זייערע פירער אדער באאיינפלוסער, טאר מען זיי דאך נישט באשולדיגן ווייל עס איז דאך גוט אז זיי פאלגן אהן טראכטן. זיי דארפן פאררעכנט ווערן ווי ראבאטן, סיי אין פרידנס צייטן און אויך אין די זעלטענע קריגס צייטן. אבער וועמען דארף מען אנשטאט באשולדיגן? די וואס רעדן, די וואס האבן אן איינפלוס. אפילו ווען זיי האבן גארנישט פערזענליך געטוהן. אזא געדאנקענגאנג איז דאך ריינע כפירה; אוועקנעמען די בחירה פון דעם אינדיווידועל; פון אלע אינדיווידועלן אין פאקט. און עס גיבן היטלער'ן!?. (און די זעלבע נקודה איז אמת בנוגע קרימינאלע קעיסעס, אויף אן אינדיווידועלע לעוול, אוואו דער פּרעוועלענט מיינונג איז היינט אז דער LOWLY רוצח האט נישט קיין בחירה; איז נאר א ראבאט וועלכער פאלגט אויס באפעלן אדער וועלכער ווערט פלוצים נתעורר מתוך כעס צו עקשאן און קען נישט באשולדיגט ווערן עפ"ל..; עס איז די "פלאנירער" און די "אויטאריזירער" וואס קריגן די מערסטע עטענשאן און בלעים.)

נאך מער, נאכשפיאנירן און נאכיאגן די וואס סך הכול טוהען זיי רעדן זייער אָפּיניען בגלוי וועט וואס אן אמת גארנישט אויפטוהן – ווייל די רייד (און דער רעדנער) איז נאר א סימן נישט א סיבה. דאס איז א צייכן אז עפעס קאכט זיך אין אויוון. אדרבה, אויב היטלער האט מצליח געווען מיט זיין רעדן צו איבערצייגן אזויפיהל מענטשן צו מאכן א מאָוו, און אפּטוהן אזעלכע רשעות, ווייזט דאס מער אויף א געברויך (וואס מען האט ליידער פארפאסט) זיך צו דערגרינטעווען פארוואס ער האט ביי אזויפיהל מענטשן געטראפן אן אפן אויער ווי איידער אויף א געברויך אפצוהאקן דעם קאפ פון יעדעם וואס נעמט די פאדיום נאך איידער זיי האבן אפילו א שאנס צו זאגן וואס זיי ווילן זאגן? אפשר וועט ער דיר דינען פאר א גוטע סימן מגלה צו זיין וואס עס טוהט וויי פאר אזויפיהל אנדערע מענטשן וואס האבן נאר נישט די כוח עס צו קאמיוניקירן.

ווארשיינליך זענען די מאסן שוין געווען שונאי ישראל אסאך פריער, משום כל מיני סיבות שונים - כולל אזעלכע וואס זענען בארעכטיגט געווען, (און צווישן זיי האבן זיך מסתמא געפינען גענוג געשולטע מדברים צו ריפּלעיסן היטלער אפי' אויב דו וואלסט פטור געווארן פון אים נאך אין תרצ"ג) נאר היטלער איז געווען א שאנס פון צווישן אלע אנדערע איקוואלי פאטענציעל שאנסן, צו רעפרעזענטירן און מגלה זיין אין זיך, א סינגל עמבאדימענט און פּרי פון אזויפיהל פיין און אנגעגעסנקייט פון א גאנצער געזעלשאפט; א פיין וואס האט זיך ארויסגעשיילט אין א פיגור וואס האט נאר מיט געציילטע ווערטער געקענט דרייוון א מאסע פון מיליאנען מענטשן, פון א רצון – א פאטענציעל – וואס איז שוין לאנג דארטן געווען - צו פיזיקעל עקשאן. אזא כח הדיבור וואס קען דרייוון צו אזא [נידריגע] לעוול פון עקשאן, ברויך קומען פון אן אונגעהויערע מאס פון סאָפערינג (און מסתמא אויכעט אחרי אהן א שיעור שיתוקים פון קלענערע רעדנער בעפאר אים..). זאת ועוד, אז דו וועסט פארשווייגן דעם אבער נישט יורד זיין צום אמת'ן פראבלעם און נישט דיעלן דערמיט וועט מארגן אויפשטיין א צווייטער היטלער, און אפשר גאר אן ערגערן.

(איך קוילער מיך אייביג פאר געלעכטער ווען אימער איך הער פון עפעס אן א.ג. אקעדעמיק אדער האלאוקאוסט עקספערט -- געווענליך געדונגען ביי עפעס א דזשואיש מאגנאט, פאונדעישאן, טינק-טאנק גרופע אדער יוניווערסיטי וואס קיינער האט קיינמאל נישט געהערט פון -- וואס האט שטודירט אנטיסעמטיזים און איז געקומען צום מסקנא אז ס'איז אומערקלערבאר! אנטיסעמיטיזם איז אַן אומראציאנאלע פענאמענאן. רול אף נעטשור. מורא'דיג, שוין באלד ווי מעשי מרכבה. שכוח, די טויזנטע ארימע, געפייניגטע און אנידערגעשלאגענע מענטשן, איבער דאס לאנד, וואס ליידן זיך אהן פון ארבייטסגעבער, לענדלארדס, געלט גייציקע געשעפט אייגענטומער און הונגעריקע יוטילעטי קאמפאניס, און סיי וועלכע גאווערנמענט סערוויס וואס איז אינפעסטעד מיט אַפּאטיע, ביוראקראטיע און רויטע-טעיפ האבן נישט קיין איבעריגע פאנדס צו 'קויפן' אקאדעמיקער און גאנצעטע אקאדעמישע אינסטיטוציעס אויפצובּאַקן נייע אומנויטיגע און נישט געשטויגענע תחומים, און זעלבסט-אינטערעסע דינענדיקע שטודיעס, כדי צו באאיינפלוסן און דרייוון נאך מער געלט-גייציגקייט און פוילקייט, נאך גאווערנמענט ביוראקראטיע און נאך ליידיגע און מיינונגס לאזע טיטלען און דזשאבס אינערהאלב די סיוויל סערוויס. גיי ארום און פרעג אויס די אויסגעהארעוועטע מענטשן וואס ארבעטן שווער אגאנצן טאג על המחיה ועל הכלכלה נאר אהיימצוקומען און אריינפאלן תיכף ומיד, מאכטלאז אין בעט, וחוזר חלילה, נאר צו זעהן זייער געלט אויסרינען פאר מענטשן, באדערפענישן און אַפּירענסעס, וואס זיי דארפן נישט, האבן זיך נישט געוועלט, האבן נישט ליב, און, וואס זענען זיי גארנישט, פערזענליך מרוויח. ווייסט וואס, גיי נישט צו גוים. קום פרעג ביי אונז אליין; אינגעלייט וואס זענען אויפגעוואקסן מיט די גאר גוט באקאנטע, וויסטע ראסיזם און זענעפאביע וואס אונזערע אייגענע מוסדות און פירער קאָמערן אונז טאג איין טאג אויס און מיר וועלן אייך שוין פונטקליך "ערקלערן" וואס אנטיסעמיטיזם איז, פארוואס זי קומט און ווי אזוי מען קען זי עוואוידן אין די צוקונפט.. אקאדעמיקער..! כא!)

נאכדעם איז דא די נקודה פון ווערדע. דהיינו, זענען די מענטשן אפילו ווערד אויסצוהערן און זיך מטפל זיין מיט זיי? ווי כאילו, אלס וואס זיי קענען בסך הכול איז רעדן.. איזי!? און דא קומען מיר צוריק צו די אויסשפריך מיט וואס איך האב אויבן אונגעפאנגען: געווענליך, די מענטשן, די סארט ווי מיין פריינדינע, וואס קענען נישט סובל זיין די וואס באזיצן די כח פון רעדן און זוכן זיי צו פּערסעקיוטן אויף יעדע געלעגנהייט זענען אזעלכע וואס באזיצן אליינס נישט דער סקילל. דערפאר, זענען די איינציגסטע מיטלען עוועילעבל פאר זיי צו קורבּן די לעצטע, דורכ'ן זיך באנוצן מיט גארווערנמענט רעגולעישן (סטעיט-ווייעלענס) אדער סענסורשיפ. (ביידע וואס זענען כח הזרוע ווייל אפילו סענסורשיפ קען נאר דערגרייכט ווערן דורך רעגולעישנס אימפאוזד ביי די גאווערנמענט אויף טעכּ קאמפאניס.) אין אנדערע ווערטער, פארשווייגן דיע וועמען זיי קענען נישט פארליידן אדער זיך פארשטאָפּן די אויער פון צוהערן זייערע רייד.

וואלט אבער נישט פיהל בעסער געווען ווען דו לערנסט דיך אויס אליינס צוריק צורעדן, און אננעמען זיך פאר דיר אליינס? אלא מאי, דו קענסט נישט. ביסט מודה אז דו פעהלסט דער סקילל און דו האלטסט אז אנדערע זענען צו נאריש אדער פרעדזשייל אליינס אפצומאכן וואס איז אמת און עטיש (דאס איז אין א פאל וואס דו אליינס גלייבסט כאטשיג אז דער אמת און יושר ליגט ביי דיר; ווען דו ווייסט אז דו ביסט שקר ביסטו דאך אפי' נישט ווערד א רעפרענץ) במילא בלייבט פאר דיר די איינציגסטע מיטל, זיי צו שיעלדן און שעלטערן פון די אינפארמאציע וואס דו גלייכסט נישט. אבער געוואלד, ווי אזוי לערנט מען זיך דער כישרון? אלס א בעל אמונה ברויך א מענטש זיך פרעגן די קשיא, ווי קומט דאס צו גאט אז ער גיבט צו אזעלכע העיטערס אזוינע אויסגעשארפטע סקילס און צו מיר, דער כלומרשט אויסגעארבעטער, גוטער און ליבעראלער מענטש, נישטאמאל די מעגליכקייט איבערצוצייגן א צוהערער, אפילו אין די זעלטענע מאלן וואס איר זאג טאקע דעם אמת – אז איך זאג דאַן דעם אמת? מיין נקודה: דאס אז זיי האבן אזא כח, אזא כאריזמע און קענען אזוי לייכט אריבערברענגען אזויפיהל מענטשן צו זייערע אפינען, מיט אביסל רייד, איז א שטארקע טענה פאר זיך אליינס און לאזט נישט, א בעל אמונה, זיי אוועקמאכן כלאחר יד אדער לכה"פ [נישט] זאגן זיי זענען ערגער ווי די וואס טועהן. א ראיה: אז זיי זענען נושאי חן ביי אזויפיהל מענטשן. איי, די אלע מענטשן זענען סטופיד און גוליבּעל לדעתך? ווייטער, מי שמך לראש אוועקצומאכן אזא מאסע מענטשן, צוזאגן אז זיי זענען סטופיד און אז זיי האבן נישט קיין רייט טו וואוט סאו טו סעי? מ'שטיינס געזאגט, ביסטאך א דעמאקראט!? זו היא די טענה פון דער אגיטאטור: דו מאכסט אוועק און ביסט זיך מתעלם פון אזויפיהל מענטשן, יצורים פון גאט פונקט אזוי ווי דיינע אידישע ברודער!?

און דער אמת איז אז גאט קערט נישט צו דו ביסט א גוטער מענטש אדער נישט. צו דו ביסט אן אוהב ישראל צו נישט. נישט אין דעם איז תלוי דיין כח הדיבור. קיינער ווערט נישט געבוירן קענענדיג גוט רעדן. דער כח הדיבור שאפט מען זיך דורך יארן ליידן און שווייגן טאקע פון די בעלי זרוע. פון די זעלביגע וועמען דו טענה'סט זענען בעסער פון די וואס רעדן. פארוואס? ווייל פארלירן גלייכוויכט און אויפהייבן די האנט אויף א צווייטן פאדערט פיהל ווייניגער איינגעהאלטנקייט און ענדורענץ ווי דאס ליידן און שווייגן אפילו אין א סיטואציע וואו דו מיינסט אדער ווייסט אז דו האסט סייווי נישט די כח צו רי-טאַליעיטן פיזיש. ווייל מיט דעם גראבן און מגושםדיגן קערפער ווערט מען געבוירן אבער דעם קאפ און מויל ברויך מען אויסשארפן. אלזא צוריק צו די ענטפער וואס איך האב געגיבן מיין טאכטער: ביסט טאקע קליינטשיק און שוואך אבער א מויל האסטו און דו ביסט נאך אינג, קענסטו ארבעטן אויף דעם. לערן דיך דעם סקילל – דעם כח הדיבור פון וואס מיר האבן אויבן גערעדט – וועסטו סיי האבן באגאנגען דעם קלענערן זינד (אויב בכלל – מען רעדט דאך נישט פון אנהויבן א געפעכט; נאָר זיך פארטיידיגן) און סיי עררייכן די מעגליכקייט פון באאיינפלוסן אנדערע דיר צו זיין צוהילף בעת מצור; און ועל כל זה קענען זיך באנוצן דערמיט צו באשיצן אנדערע נרדפים פון בּוליס, בעלי זרוע.

לאז דיך נישט פון די אלע מענטשן וואס זאגן אז רעדן איז ערגער ווייל זיי זאגן נאר אזוי ווייל ס'פעהלט זיי דער סקיל און זיי זענען צו לעיזי און מגושםדיג זיך דאס צו לערנען. זיי קענען עס נישט האבן ביידע וועגן – שלאגן און פאטשן וועם ס'לאזט זיך און נאכדעם פארשרייען יעדער וואס רעדט ארויס קעגן זיי, אלס אנטיסעמיט אדער העיט פארשפרייטער.

אלזא וואס האט דאס צוטוהן מיט VPN? עס האט שוין איינמאל. ווי אזוי שפיאנירן זיי, די שונאי דיבור חופשי אדער חופש הביטו? דורכ'ן לאקערן און טעפּן אונזערע טעכּ דיווייסעס, טשעט אפליקאציעס, ראוטערס, אינטערנעט נעטווארק טראפיק און די וועבסייטס וואס מיר באזוכן טעגליך. דאס דערגרייכן זיי דורכ'ן ארבעטן האנט ביי האנט מיט געוויסע פון די קאמפאניס וואס דעוועלאופן, אפערירן און פראוויידען די פארשידענע סערוויסעס, מיט די ענפארסמענט אויטאריטעטן און מיט מענטשן אין פאזיציעס פון אויטאריטעט צווישן אונז, אין אונזערע אייגענע קהילות (ווי מענטשן מיט קשרים אין די פאליציי, סאושעל סערוויסעס אדער אקאדעמישע אנשטאלטן, טראנסלעיטערס און טעכּ פראוויידערס) צו איינזאמלען, סארטירן, אנאלאזירן און שערן אונזער דאטא אויף א מאסיווע און סיסטעמאטישע פארנעם, אפטמאל לייוו, עז דעי העפּען, וואס תסמר שערות אנוש אויב וואלט איך אייך פארציילט די געשיכטעס וואס פאסירן יום יום, די מעגליכקייטן וואס מען קען אלס טוהן מיט די מערסט מאדערנע טעכנעלאגיע אוועילעבל היינט צוטאגס און די פילצאליגע מאטיוון און יוז-קעיסעס פון די סארט טונקעלע אקטיוויטעטן.

געוויסע זאג איך, ווייל נישט אלע. לאקעלי זענען נאך דא מענטשן און קאמפאניס, אפטמאל טאלאנטפולע, וואס האלטן שטענדיג מענטשן'ס פריוועסי ווי א שוויתי פאר די אויגן און געבן זיך נישט אונטער צו גאווערנמענט פרעשור, ווערן נישט פארבלענדעט פון געלט-גייציגקייט און וויכטיגסטע: האלטן זיך נישט און האבן זיך נישט זעלבסט דערקלערט אלס גאט פערזארגער, אז זיי ברויכן זיכער מאכן אז מענטשן האבן אפי' נישט די בחירה צו באגייען קריים און אז זיי ברויכן קענען אויסרעכענען וואס א מענטשנ'ס מעשים וועלן מארגן זיין בעיסד אָן וואס ער האט נעכטן געשריבן אויף עפעס א סאושעל נעטווארקינג סייט; די מענטשן און קאמפאניס דעוועלאופן און אפערן סערוויסעס וואס ערלויבן פשוטע מענטשן, אהן צו דארפן וויסן צופיהל זייערע איננער ווארקינגס, זיך באנוצן מיט די טולס צו קענען סוירפן די אינטערנעט און אויסדרוקן זייער דעה אוואו זיי זעהען ריכטיג.

אין די נעקסטע חלק וועל איך פאוקעסן אויף וועלכע VPN צו נוצן און די פארשידענע אפשענס און פארעמען VPNs זענען אוועילעבל אין.
אויב דו מיינסט אז די נומערן וועלן אלעמאל זיגן - דערמאן דיך נאר וויפיל מענטשן די גאז קאמערן האבן געקענט פארנעמען אין א איינצלנע טאג? 10,000 לכל הדעות.
באניצער אוואטאר
טאמבל סאס
שריפטשטעלער
שריפטשטעלער
 
הודעות: 3842
זיך רעגיסטרירט: דאנערשטאג מערץ 08, 2012 7:59 am
געפינט זיך: נישט דאס פלאץ.
האט שוין געלייקט: 6127 מאל
האט שוין באקומען לייקס: 3410 מאל

הודעהדורך קהל'ס נער » זונטאג סעפטעמבער 25, 2022 2:21 pm

הייליגע דיבורים.
אבער ווער זאגט אז די VPN קאמפעני וועט נישט שערן מיינע דאטא?
אויב אזוי איז שוין בעסער אז די באגאבונדן זאלן זיך מוטשען צוזאם שלעפן מיינע דאטא פון אלע וועבסייטס, ווי איידער איך זאל זיי אלעס שיין רעפרעזענטירן דורך מיין ו.פ.נ. פראוויידער, נישט אזוי?
Ironically, there is no scientific proof that the scientific method of proof is the most valid method of proof.
@זאל_זיין
באניצער אוואטאר
קהל'ס נער
שריפטשטעלער
שריפטשטעלער
 
הודעות: 1438
זיך רעגיסטרירט: זונטאג אקטאבער 25, 2020 12:25 am
געפינט זיך: ווי א נער אויפן מארק
האט שוין געלייקט: 4025 מאל
האט שוין באקומען לייקס: 2845 מאל

Re: עס איז צייט צו רעדן וועגן VPNs - חלק (1)

הודעהדורך טאמבל סאס » דינסטאג סעפטעמבער 27, 2022 4:57 pm

איך וועל שפעטער רעדן פונדעם. אבער בקיצור איז א נאו לאג פאליסי דער ענטפער.

Sent from my SM-G973F using Tapatalk
אויב דו מיינסט אז די נומערן וועלן אלעמאל זיגן - דערמאן דיך נאר וויפיל מענטשן די גאז קאמערן האבן געקענט פארנעמען אין א איינצלנע טאג? 10,000 לכל הדעות.
באניצער אוואטאר
טאמבל סאס
שריפטשטעלער
שריפטשטעלער
 
הודעות: 3842
זיך רעגיסטרירט: דאנערשטאג מערץ 08, 2012 7:59 am
געפינט זיך: נישט דאס פלאץ.
האט שוין געלייקט: 6127 מאל
האט שוין באקומען לייקס: 3410 מאל

עס איז צייט צו רעדן וועגן VPNs - חלק (1)

הודעהדורך נעקסט לעוועל » דינסטאג סעפטעמבער 27, 2022 8:14 pm

טאמבל סאס האט געשריבן:עס איז צייט צו רעדן וועגן VPNs (ווירטואלע פריוואטע נעטווארקס) (1)

טאמבל סאס בתפארתו!
ווואאף
קיפ איט אפ !
באניצער אוואטאר
נעקסט לעוועל
מאנשי שלומינו
מאנשי שלומינו
 
הודעות: 146
זיך רעגיסטרירט: דינסטאג יוני 08, 2021 11:58 am
האט שוין געלייקט: 161 מאל
האט שוין באקומען לייקס: 131 מאל

הודעהדורך תרמב » מיטוואך סעפטעמבער 28, 2022 1:38 pm

ינואר דעם זעקסטן איז א פרעזידענט געפלויגן פון אלע דאמינירנדע טעק פלאטפארמעס, ס'איז נישט אנגעגאנגען קיינעם אז דער מענטש איז אקארשט אריינגעוועלט געווארן צו פירן דאס לאנד דורך פיר און זיבעציג מיליאן מענטשן, כמעט א האלבע לאנד האט אים געטראסט צו פירן דאס לאנד, אבער עס איז נישט געווען קיין איין גרויסע טעק קאמפאני וואס זאל אים לאזן שרייבן, אין גם אחד, פרידאם אוו ספיעטש איז שוין לאנג געשטארבן אין אמעריקא.
תרמב
שריפטשטעלער
שריפטשטעלער
 
הודעות: 1074
זיך רעגיסטרירט: מיטוואך יולי 29, 2020 8:28 am
האט שוין געלייקט: 6279 מאל
האט שוין באקומען לייקס: 1572 מאל

הודעהדורך נחום הסופר » מיטוואך סעפטעמבער 28, 2022 4:28 pm

תרמב האט געשריבן:ינואר דעם זעקסטן איז א פרעזידענט געפלויגן פון אלע דאמינירנדע טעק פלאטפארמעס, ס'איז נישט אנגעגאנגען קיינעם אז דער מענטש איז אקארשט אריינגעוועלט געווארן צו פירן דאס לאנד דורך פיר און זיבעציג מיליאן מענטשן, כמעט א האלבע לאנד האט אים געטראסט צו פירן דאס לאנד, אבער עס איז נישט געווען קיין איין גרויסע טעק קאמפאני וואס זאל אים לאזן שרייבן, אין גם אחד, פרידאם אוו ספיעטש איז שוין לאנג געשטארבן אין אמעריקא.

א האלב לאנד צי מער האט אויך געטראסט היטלער'ן, ואשר על כן?

איך גלייך נישט צו טראמפ צו היטלער, ניין, אבער אז מ'זעט ווי עמיצער ווערט צודרייט, פאבריצירט קאנספיראציע טעאריעס (גע'גנב'עטע וואוטס), מאכט א רעוואלוציע (ינואר 6), איז צייט אים שטיל צו מאכן. ואם לא עכשיו אימתי? ס'טאקע נישט פרידם אוו ספיעטש, אבער פרידאם אוו ספיעטש קען אויך זיין זייער געפארפול, אלע צודרייטע נעא-נאציס און איסלאמישע ראדיקאלן באנוצן זיך מיט פרידאם אוו ספיעטש פאר זייערע צוועקן און מאכן די וועלט מער א מקום מסוכן ווי אן דעם.
נחום הסופר
מאנשי שלומינו
מאנשי שלומינו
 
הודעות: 103
זיך רעגיסטרירט: דינסטאג מערץ 13, 2018 12:04 pm
האט שוין געלייקט: 42 מאל
האט שוין באקומען לייקס: 75 מאל

הודעהדורך berlbalaguleh » מיטוואך סעפטעמבער 28, 2022 4:52 pm

ר' נחום הסופר: די זאך איז צו קוקן וואס דעם פרעזידענט'ס אגענדא און פלאן איז. פון ביידע צדדים. אויך ווער זיינע גוטע פריינט און שונאים זענען.

דער (געוועזענער) פרעזידענט טראמפ איז זיין אגענדא געווען 90% אין איינקלאנג מיט אידן, רעליגיע און מאראל. אויך האט ער געטון פערזענליכע טובות פאר אידן. ספעציעל די באפרייאונג פון ר' שלום מרדכי רובאשקין, הי"ו. פון די אנדערע זייט, דער וועלכער האט (אפיציעל) געווינען די וואלן. ער האט טאקע גערעדט זייער שיין. אבער זיינע מעשים און פראגראמען זענען געווען אפן אקעגן די אידישע רעליגיע און מאראל. אויך. ווער זיינע גוטע פריינט און שטיצערס זענען. (כמעט) אלע אויסגעשפראכענע שונאי ישראל.

למעשה זענען דא ערנסטע חששות אז די דעמאקראטן האבן געפעלשט די וואלן. און (לכאורה) בארויבט דאנאלד טראמפ פון זיינע פרעזידענטליכע רעכטן און פריווילעגיעס.
באניצער אוואטאר
berlbalaguleh
שריפטשטעלער
שריפטשטעלער
 
הודעות: 17501
זיך רעגיסטרירט: דינסטאג יולי 17, 2012 11:57 am
האט שוין געלייקט: 21347 מאל
האט שוין באקומען לייקס: 12412 מאל

הודעהדורך קהל'ס נער » מיטוואך סעפטעמבער 28, 2022 4:57 pm

נחום הסופר האט געשריבן:
תרמב האט געשריבן:ינואר דעם זעקסטן איז א פרעזידענט געפלויגן פון אלע דאמינירנדע טעק פלאטפארמעס, ס'איז נישט אנגעגאנגען קיינעם אז דער מענטש איז אקארשט אריינגעוועלט געווארן צו פירן דאס לאנד דורך פיר און זיבעציג מיליאן מענטשן, כמעט א האלבע לאנד האט אים געטראסט צו פירן דאס לאנד, אבער עס איז נישט געווען קיין איין גרויסע טעק קאמפאני וואס זאל אים לאזן שרייבן, אין גם אחד, פרידאם אוו ספיעטש איז שוין לאנג געשטארבן אין אמעריקא.

א האלב לאנד צי מער האט אויך געטראסט היטלער'ן, ואשר על כן?

איך גלייך נישט צו טראמפ צו היטלער, ניין, אבער אז מ'זעט ווי עמיצער ווערט צודרייט, פאבריצירט קאנספיראציע טעאריעס (גע'גנב'עטע וואוטס), מאכט א רעוואלוציע (ינואר 6), איז צייט אים שטיל צו מאכן. ואם לא עכשיו אימתי? ס'טאקע נישט פרידם אוו ספיעטש, אבער פרידאם אוו ספיעטש קען אויך זיין זייער געפארפול, אלע צודרייטע נעא-נאציס און איסלאמישע ראדיקאלן באנוצן זיך מיט פרידאם אוו ספיעטש פאר זייערע צוועקן און מאכן די וועלט מער א מקום מסוכן ווי אן דעם.


לאמיר לאזן דעם טראמפענען פאר די פאליטישע אשכולות.
אוואדי האט פרידאם אוו ספיטש אויכט חסרונות, אבער ווי זאגט די משנה "הוי מחשב שכר עבירה כנגד הפסדה" למעשה איז ענדעשער פרידאם אוו ספיטש מיט די חסרונות, ווי פארקערט מיט זיינע מעלות.

אויכט, היטלער קימט נישט אריין דא, ווייל העצן אויף וויילענס איז נישט אין כלל פון פרידאם אוו ספיטש.

געב א קוק וואס איז בעסער, צפון קוריאה ווי ס'נישטא קיין פרידאם אוו ספיטש אן קיין אנטיסעמיטן, אדער אמעריקא וואס האט יא (עכ"פ אפציעל יא) פרידאם אוו ספיטש, מיט די אנטיסעמיטן וואס רעדן כל מה שלבם חפץ?
Ironically, there is no scientific proof that the scientific method of proof is the most valid method of proof.
@זאל_זיין
באניצער אוואטאר
קהל'ס נער
שריפטשטעלער
שריפטשטעלער
 
הודעות: 1438
זיך רעגיסטרירט: זונטאג אקטאבער 25, 2020 12:25 am
געפינט זיך: ווי א נער אויפן מארק
האט שוין געלייקט: 4025 מאל
האט שוין באקומען לייקס: 2845 מאל

הודעהדורך נחום הסופר » מיטוואך סעפטעמבער 28, 2022 5:14 pm

כ'האלט ווי דיר, אז פרידאם אוו ספיטש איז איינע פון די סאמע יסודות פון א דעמאקראטישע געזעלשאפט, קיין צווייפל, צפון קוריאה איז נישט קיין בעסער אלטערנאטיוו, אבער כ'האלט אויך אז ס'איז דא 'אמאל' וואס מ'מעג עס באגרעניצן ווען עמיצער עביוזד דעם קאנצעפט.

צי די סאושעל מידיע פלאטפארמעס זענען די בעלי מוסר וואס האבן די רעכט אפצומאכן ווען און וואס? ניין, זיכער נישט, כ'רעד נאר אז ביסודו מעג דאס אמאל געטוהן ווערן ווען ס'פעלט אויס (לדוגמא עמיצער וואס וויל אנזייען א רעוואלוציע אין לאנד, אדער עכ"פ זיינע שטיצער טוהן דאס) און דאן איז עס נישט אין קעגנזאץ צו פרידאם אוו ספיטש.

ווער דארף דאס באשליסן? א גוטע קשיא.
נחום הסופר
מאנשי שלומינו
מאנשי שלומינו
 
הודעות: 103
זיך רעגיסטרירט: דינסטאג מערץ 13, 2018 12:04 pm
האט שוין געלייקט: 42 מאל
האט שוין באקומען לייקס: 75 מאל

הודעהדורך קהל'ס נער » מיטוואך סעפטעמבער 28, 2022 5:23 pm

גערעכט,
וואס אמאל זיכער אז נישט די טעק קאמפאניס זאלן זיין די באשליסער, ווי ס'האט זיך שוין ארויסגעוויזן, האבן זיי איפה ואיפה (דאבל סטענדערט בלע"ז), און זיי טוישן די פאליסיס לויט וויאזוי ס'לוינט זיי בעסער אויף יענע מינוט.
Ironically, there is no scientific proof that the scientific method of proof is the most valid method of proof.
@זאל_זיין
באניצער אוואטאר
קהל'ס נער
שריפטשטעלער
שריפטשטעלער
 
הודעות: 1438
זיך רעגיסטרירט: זונטאג אקטאבער 25, 2020 12:25 am
געפינט זיך: ווי א נער אויפן מארק
האט שוין געלייקט: 4025 מאל
האט שוין באקומען לייקס: 2845 מאל

הודעהדורך טאמבל סאס » דאנערשטאג סעפטעמבער 29, 2022 1:37 am

נחום הסופר האט געשריבן:כ'האלט ווי דיר אז פרידאם אוו ספיטש איז איינע פון די סאמע יסודות פון א דעמאקראטישע געזעלשאפט, קיין צווייפל, צפון קוריאה איז נישט קיין בעסער אלטערנאטיוו, אבער כ'האלט אויך אז ס'איז דא 'אמאל' וואס מ'מעג עס באגרעניצן ווען עמיצער עביוזד דעם קאנצעפט.

צי די סאושעל מידיע פלאטפארמעס זענען די בעלי מוסר וואס האבן די רעכט אפצומאכן ווען און וואס? ניין, זיכער נישט, כ'רעד נאר אז ביסודו מעג דאס אמאל געטוהן ווערן ווען ס'פעלט אויס (לדוגמא עמיצער וואס וויל אנזייען א רעוואלוציע אין לאנד, אדער עכ"פ זיינע שטיצער טוהן דאס) און דאן איז עס נישט אין קעגנזאץ צו פרידאם אוו ספיטש.

ווער דארף דאס באשלוסן? א גוטע קשיא

הלא הוא מה שדיברנו. דערמאנסט מיך פון דער אינגל וואס די מנהל פרעגט אים:

פארוואס האסטו געגאסן וואסער אויף די רעבע'ס היט?

ווייל שלמה יענקל האט מיך געהייסן.

און אז שלמה יענקל וועט דיך הייסן שפרונגען פון דאך וועסטו אים אויך פאלגען?

וואס איז די נמשל? פארשווייגן עמיצן איז קיינמאל נישט מותר און איז אייביג "אין קעגנזאץ פון פרי ספיטש" (שכוח, דו לאזט מיך רעדן וואס דו גלייכסט צוהערן, גוטער וואס דו ביסט..) אפי' אויב ער שרייט מען ברויך פלוני הארגענען. יעדער וואס הערט אים ברויך, און אין נארמאלע סוירקוימסטענסעס וועט, אים אויסלאכן. און אויב נישט, איז עליו העונש, און נישט אויף דער וואס האט געהעצט, ווייל ווער האט אים געהייסן יענעם פאלגן? משוגענער! ווידעראום אויב ס'דא צופיהל מענטשן וואס לאכן אים נישט אויס דארף מען זיך בעסער צוהערן צו וואס ער זאגט און בעסער בודק זיין דער וועמען ער העצט אנטקעגן. (נארוואסדען, מיר ווילן דייקא רעיזן א סאסייעטי ווי סתם מענטשן טראכטן נישט און האבן נישט קיין מאראל-קאמפאס אליינס מחליט צו זיין, נאר פאלגן דער וואס גיט ארדערס, ווייל מיר ווילן אן ארמעי, א פאליציי, א געזונטע (?) וואָרקפאָרס און עז היומענס טרעפן מיר עס עקסטרימלי שווער אראפצוגיין א שטאפל אין די פּעקינג ארדער; איינמאל א לאָרד בלייבט א לאָרד. וכו' וכו' און אזוי ווי ס'גויאישט זיך, אזוי אידישט זיך. אונזערע מנהיגים ווילן באלעבאטים, עובדים, בטלנים, ארבעטס אינגעלייט, לומדים, מסלתה ומשמנה, עקזאמפלס, בעיבי מאשינס, סאקס טויס, מזריעים, וואוטס, באלאנסירן די איטאליענס, מעטשן די מוסלעמענער, אור לגוים, תיקון עולם וכו' וכו' כל מיני חשבונות וואס אונזערע פירער, און זייערע אלייענץ, עפוינטעד ביי גאט - ברוך הוא שלא השבית גואל - צו זיין זיינע פארזארגער, האבן פאר אונז אין סטאָק)

אויב מענטשן זענען העפי קען קומען איינער, שרייען "רעוועלוציע" ביז מארגן און ס'וועט גארנישט געשעהן. און אויב פארקערט, ער טרעפט ביי צופיהל מענטשן אן אויער, וועסטו די אלע מענטשן נאר נאכמער אויפרעגן אויב דו פארשווייגט אים: נישט גענוג מאכסט אונז אָנהעפי, פארשווייגסטו מיך נאך די מויל פון ארויסצושרייען וואס ס'טוט מיר וויי?? וואט דע פ***? חוץ מזה וואס ס'וועט זיך אייביג טרעפן א ריפלעיסמענט ווילאנג דו אדרעסירט נישט די רוט קאוז.

און פרענקלי, ס'ארא חוצפה אנשטאט צו אדרעסירן וואס ס'מאכט דיינע סיטיזענס אנהעפי, ביסטו ביזי אינוועסטן צייט און מאני אין ווי אזוי צו שפיאנירן אויף זיי און זיי פארשווייגן פון סיי וועלכע וואויס אף דיסידענט?? לאמיר שוין נישט רעדן פון דאס וואס, אז דו האסט זיי שוין דעוועלאופט במילא, די טעכנעלאגיעס, נוצטו זיי שוין אויכעט צו געטן עוועי מיט כל מיני עקלדיגע מעשים פאר דיר זעלבסט.. דהיינו, אייגענע קארראפשען און עקסטראוועגענצעס.
אויב דו מיינסט אז די נומערן וועלן אלעמאל זיגן - דערמאן דיך נאר וויפיל מענטשן די גאז קאמערן האבן געקענט פארנעמען אין א איינצלנע טאג? 10,000 לכל הדעות.
באניצער אוואטאר
טאמבל סאס
שריפטשטעלער
שריפטשטעלער
 
הודעות: 3842
זיך רעגיסטרירט: דאנערשטאג מערץ 08, 2012 7:59 am
געפינט זיך: נישט דאס פלאץ.
האט שוין געלייקט: 6127 מאל
האט שוין באקומען לייקס: 3410 מאל


גיי צוריק געזעלשאפט

ווער איז יעצט דא?

באניצער וואס לייענען דעם פארום: נישטא קיין אנליין באניצער און 4 געסט