נאאיווע בחורים, צעהיצט דורך רצ"מ זילבערבערג, מאכן חורבנות

דורך **נוח** » מיטוואך נאוועמבער 16, 2022 7:32 pm

דער באקאנטער עובד ה' רבי צבי מאיר זילבערבערג שליט"א ווערט אין די לעצטע יארן מער און מער ווילד און עקסטרעם, און לעצטענס האט ער אנגעהעצט זיין ציבור צו וואנדאליזירן כשר'ע כלים וואס ווערן געניצט אין בתי מדרשים פאר נדבות.

עס האנדלט זיך פון די "נדרים פלוס" מאשין וואס שוין איבער 7 יאר געפונט זיך עס אין טויזנטער בתי מדרשים אין א"י - אריינגערעכנט סאטמאר, תולדות אהרן, מאה שערים, וכו' וכו' - וואו יעדער קען גרינג געבן זייערע נדבות פאר צדקה. פארשטייט זיך אז די כלי איז גענצליך אפגעשלאסן צו סיי וואספארא צוטריט, און מ'קען דערמיט נאר געבן נדבות. דאס איז ענליך צו פארשידענע כלים וואס איז דא דא אין ניו יארק, ווי "תורם" אד"ג. איבער די יארן זענען שוין געמאכט געווארן ארום צוואנציג מיליאן נדבות אויף "נדרים פלוס" אין דעם ווערד פון בערך צוויי ביליאן דאלאר!

אין זיינע העצערישע עקסטרעמע דרשות איז רבי צבי מאיר ארויסגעקומען מיט ווילדע אטאקעס קעגן יעדער וואס זעט נישט זיין מערכה אויף דעם זעלבן אופן, און האט ספעציפיש געהעצט קעגן די מאשינען. זייט די דרשה זענען שוין די מאשינען אין פילע בתי מדרשים אינגאנצן וואנדאליזירט און צובראכן געווארן.

אין א באריכט אויף בחדרי חרדים קען מען זען ווידיאס ווי פּיצי אויפגעהעצטע תמימות'דיגע בחורים וואנדאליזירן די רכוש פון אנדערע אידן, אלס רעזולטאט פון די העצעס פון דעם עקסטרעמען עובד ה' רצ"מ זילבערבערג, וואס רעכענט זיך נישט מיט דעם אז גאנץ כלל ישראל האלט אנדערש ווי אים.

CP
אבא יקר

אני מבקש ומתחנן לפניך
אל תילך לשיעורים של

ר' צבי מאיר זילברברג

כי הבית כנסת שלו נבנה מהכסף של המחותן שלו
דוב (ברי) וויס

שרחמנא ליצלן
יש לו סמארטפון

ויותר מזה
המוסדות שלו נבנה מכסף של
גדול המוכרי סמרטופנים בעולם
הלא הוא הנגיד

הרשל שרייבר

אבא !!!

אני מתחנן לפניך
אל תהרוס את הנשמה שלי
אני רוצה להישאר ירא שמים!!!

איך קען נישט גלייבן אז רצ"מ זאל הייסן אזאנס.

אויב אמת, וואקסט ער צוביסלעך אריין אין דער צווייטע זילבערבערג, וואס פירט דער גערע מחלוקת.

ווי אויך, דארף ער אכטונג געבן, נישט צו זיין פין די וואס ווען זיי ווערען זקנים איז דעתם מתטפשת.

דורך **תנחום** » מיטוואך נאוועמבער 16, 2022 8:49 pm

זילבערבערג פון גור איז זיין ברידער.

דורך **מתבודד** » מיטוואך נאוועמבער 16, 2022 8:50 pm

רצ'מ איז טאקע א גאר עקסטרעמע מענטש אבער וואלט נישט - און האט נישט - געהייסן צוברעכן די נדרים פלוס.

@נוח, האלט דיין רעפיוטעישן. ווען די באריכסט עפעס מאך זיכער ס'פאלן נישט אריין קיין אומריכטיגע דעטאלן...

תנחום האט געשריבן:זילבערבערג פון גור איז זיין ברידער.

יא. ר' צבי מאיר איז א ברודער פון אברהם בנימין דער ראש הוועד...
ביידע ברודערס שלאגן זיך מיט די סטרא אחרא...

עס האט מיר פארציילט א בחור אז אפאר בחורים זענען איין נאכט געזיצן און אויפגעבראכן די מאשין און אנגעקומען צי אפענע אינטערנעט

איך ווייס נישט אויב ס'איז אמת אבער אזוי האט ער מיך פארציילט
ועוד אפילו ס'איז אמת זאג איך נישט אז ס'איז מותר צי צעברעכן

דאס איז נישט מיך האט געשריבן:עס האט מיר פארציילט א בחור אז אפאר בחורים זענען איין נאכט געזיצן און אויפגעבראכן די מאשין און אנגעקומען צי אפענע אינטערנעט

איך ווייס נישט אויב ס'איז אמת אבער אזוי האט ער מיך פארציילט
ועוד אפילו ס'איז אמת זאג איך נישט אז ס'איז מותר צי צעברעכן

און געקוקט שמוץ אין פאליש אויף דער וואנט? דארף מען דאס טאקע צעשיסן.

קען זיין.
אבער אפשר זאל נישט טארן זיין לעכט אין א ביהמ''ד ווייל ס'קען קומען איין נער'ישע בחור ביינאכט און לייגען די לעכט אויף א פלאץ עס זאל ווערן א גרויסע שריפה און אנברענגען גרויסע שאדן.

א זאך (אויב ס'איז אמת) וואס איז באמת נישט קיין נארמאלע זאך און מ'קען זיך אויכעט באווארענען פון דעם (מ'קען מאכן אז עס זאל נישט ארבעטן ביינאכט וכדומה) ווייס איך נישט אויב ס'קומט מ'זאל יעצט צעברעכן אין אלע שולן.

אגב, געזעהן היינט אז ס'איז ארויס געקומען א נייע סארט וואס האט נישט קיין גרויסע סקרין נאר אזוי ווי א קאלקולעטער און קען נישט אנקומען צו די מכשולות.

דאס איז נישט מיך האט געשריבן:עס האט מיר פארציילט א בחור אז אפאר בחורים זענען איין נאכט געזיצן און אויפגעבראכן די מאשין און אנגעקומען צי אפענע אינטערנעט

איך ווייס נישט אויב ס'איז אמת אבער אזוי האט ער מיך פארציילט
ועוד אפילו ס'איז אמת זאג איך נישט אז ס'איז מותר צי צעברעכן

איינמאל האט א בחור געטראפן א רש"י אין כתובות וואס ווייזט בין איד לאשתו זאכן און אלע בחורים האבן געוואלט אויסגראבן כתובות פון תלמיד בבלי.

גראדע און גור מיין איך טארן נישט בחורים לערנען מסכתא כתובות

עס איז געקומען די צייט פאר אחינו בני ישראל צו אנערקענען אז יעדע גוטע און חשובע זאך קומט מיט א פרייז.

יעדע געדאנק - ווי שיין און ריכטיג - קען ווערן גענומען צו אן עקסטרעם, און עס איז דא געוויסע נפשות וואס זייער טבע נויגט צו עקסטרעמיזם.

עס דארף ווערן איינגעפיהרט טשעקס און באלאנסעס, נישט יעדעענין דארף ווערן א מערכה און נישט יעדע חומרא דארף ווערן אנגענומען.

איך וויל נישט אטאקירן הרב זילבערבערג שליט״א פערזענליך ווייל עס קען גאר זיין אז ער ווייסט נישט, אבער ער איז הונדערט פראצענט מחויב ארויפצולייגן א ווארענונג אויפן טויער פון זיין נארוואס געבויטער פראכטפולער שול, אז דא ווערן נתחנך פרעים און עס איז נישט געמאכט פאר שוואכע הערצער. פונקט ווי אויף א פושקע ציגארטלעך לייגט מען ארויף ווארענונגען, אזוי אויך דארף ער לאזן יעדן וויסן אז ער איז ווייט פון דער געהויבענער און הייליגער משפיע וואס ער שטעלט זיך ארויס צו זיין.

און יא, ער ווערט אויך שוואך פאר געלט פונקט ווי יעדער מנהיג קהילה, און אויך ווייסט ער אויך ארויסצונעמען די חסינות ווען ער דארף עס האבן פאר זיינע פריוואטע צוועקן, און ער טראגט אויף זיך דעם אחריות פון שפיכת דמים און גזילה וואס זיינע וואנזיניגע דרשות זייען אן. עס איז זיכער נישט רצון אבינו שבשמים אז ווילדע אזוי גערופענע פרומע בחורים זאלן קריגן א פרייע פעסס צו דורכפירן טעראר אטאקעס אין נאמען פון רעליגיע, און זיכער נישט אידישקייט.

די אחים הקדושים לבית זילבערבערג, ספעציעל דער גור׳ער פרוש, האבן געקאסט שווערע סכומים פאר כלל ישראל די לעצטע צוויי דריי יאר.

די אנדערע זייט האט געשריבן:
צוזאמגעדרייט האט געשריבן:
דאס איז נישט מיך האט געשריבן:עס האט מיר פארציילט א בחור אז אפאר בחורים זענען איין נאכט געזיצן און אויפגעבראכן די מאשין און אנגעקומען צי אפענע אינטערנעט

איך ווייס נישט אויב ס'איז אמת אבער אזוי האט ער מיך פארציילט
ועוד אפילו ס'איז אמת זאג איך נישט אז ס'איז מותר צי צעברעכן
און געקוקט שמוץ אין פאליש אויף דער וואנט? דארף מען דאס טאקע צעשיסן.

קען זיין.
אבער אפשר זאל נישט טארן זיין לעכט אין א ביהמ''ד ווייל ס'קען קומען איין נער'ישע בחור ביינאכט און לייגען די לעכט אויף א פלאץ עס זאל ווערן א גרויסע שריפה און אנברענגען גרויסע שאדען
אזאך (אויב ס'איז אמת) וואס איז באמת נישט קיין נארמאלע זאך און מ'קען זיך אויכעט באווארענען פון דעם (מ'קען מאכן אז עס זאל נישט ארבעטן ביינאכט וכדומה) ווייס איך נישט אויב ס'קומט מ'זאל יעצט צעברעכן און אלע שולען
אגב געזעהן היינט אז ס'איז ארויס געקומען א נייע סארט וואס האט נישט קיין גרויסע סקרין נאר אזוי ווי א קאלקעלעטער און קען נישט אנקומען צו די מכשולות

דאס הייסט אז דער אמת איז ארויסגעקומען. אלעס איז ביזנעס.

אזוי ווי יעדע מערכה אין ארץ ישראל ווערט געשטופט ביי אפאר פארשטינקענע עסקנים וואס מיינען נאר געלט, אזוי איז עס אויך אין אונזער פאל מיט די נדרים פלוס מאשינקעלעך. מען זייט אן א שטורעם, און דאן ברענגט מען ארויס די סעלושן אין פארעם פון א נייע סארט ׳מהודר׳דיגע׳ ווערסיע.

מיט עטליכע יאר צוריק זענען אפאר ׳עסקנים׳ ארומגעגאנגען צו ׳רבנים׳ און געקליבן חתימות אז מען דארף פארמאכן אלע קאמפיוטער קיאסקן אין די מאה שערים געגנט. עס איז געווארן א סומעטאכע און מען האט געגרינדעט א וועד מיטן נאמען ׳חותם׳ וואס האבן אנגעהויבן געבן א הכשר אויף די קאמפיוטער קיאסקן אין געגנט, און ווער עס שטעלט זיך אנטקעגן פון נעמען זייער הכשר באקומט טעגליך הפגנות און הטרדות, מען טראסקעט די קינדער פון די מוסדות, און אין איין עקסטרעמער פאל האט מען אפילו גורם געווען פאר א היימישער אינגערמאן צו מוזן כאפן פעק און זעק און אנטלויפן פון שטאט פאר בושות (און ווען אימער ער קומט פאר א משפחה שמחה שפרייט מען אויס פאשקעווילן מיט זיין בילד).

און וואס האט זיך ארויסגעשטעלט? אז די הייליגע ׳חותם׳ ארגאנעזאציע נעמט א גרויסן סכום יעדן חודש פון די בעלי בתים פון די קיאסקן. א פשוט׳ער סטארט-אפ ביזנעס פון א לאנגווייליגער ירושלמי, זיך באנוצן מיט רבנים און די תורה אויף צום לייזן א גרינגן גראשן דורכן נעמען פראטעקשן געלטער. היימישע מאפיא דורך נבלים ברשות התורה.

די זעלבע איז מיט די וועדת הרבנים כשר׳ע טעלעפאנען, וואס זיי נעמען פראטעקשן פון די בעלי בתים פון די סעלפאן געשעפטן, און אזוי קאנטראלן זיי די מארקעט וועלכע טעלעפאנס מען מעג פארקויפן און וועלכע נישט, און ווען די מדינה וויל אפשטעלן דעם גרויליגן רויבעריי הייבט מען אן פראטעסטירן אנטקעגן די גזירות הדת, און מען בעט געלט פון וויליאמסבורג פאר אדוואקאטן אפצושלאגן די געפערליכע גזירה.

הה"ד אסר בשביל שתתעשר...

אזוי ווי יעדע מערכה אין ארץ ישראל ווערט געשטופט ביי אפאר פארשטינקענע עסקנים וואס מיינען נאר געלט

קען זיין.
אבער רצ"מ מיינט נישט קיין געלט.
קען זיין ער איז נתעורר געווארען און געלאזט שארפע ווערטער, און דער זאך איז געשעהן.
עס קען זיין אז ער איז אפילו בדיעבד צופרידן אז עס איז געשעהן.

דא קען מען זעהן א שטיקעל פין א דרשה פין רצ"מ, ער רעדט בעיקר פאזיטיוו.

דא קען מען זעהן א בחור ווארפט אייער אין א סעליולער פאן סטאר.

היסטאריע האט געשריבן:דא קען מען זעהן א שטיקעל פין א דרשה פין רצ"מ, ער רעדט בעיקר פאזיטיוו.

דא קען מען זעהן א בחור ווארפט אייער אין א סעליולער פאן סטאר.

דערפאר האב איך אנגעהויבן מיט דעם אז איך וויל אים נישט אראפרייסן ווייל איך בין בכלל נישט זיכער אז דאס זענען זיינע אמת׳ע מאטיוון, עס קען זיין אז ער איז זייער נאאיוו און ער איז געפאלן א קרבן צו די ירושלימ׳ע כאפטע עסקנים.

שטעלט זיך ארויס אז געוויסע מאשינען האט מען געעפנט און געקענט זען יוטוב.
https://t.me/YiddishlechPolitics/4559?single

יעצט איז יעדער העפי? אז ס'איז דא א פראבלעם מ'קען זעען יוטוב שטעקט מען אויס די עלעקטריק פאר אפאר וואכן ביז ווי לאנג מ'פארעכט עס.

אן אריינגיין אין די ספעציפישע מעשה...

כ'האב געהערט אמאל א גוט ווארט, בחורים אינגעלייט וואס טוהן ווילדע זאכען אדער לויפן צו'מזיק'ען יענעמס פארמעגן צוליב קנאות'דיגע סיבות וכדומה, איז שטארק מעגליך אז זייער מורה און מנהיג האט זיי נישט געשיקט, אבער די כוח עס אפצושטעלן, איז יא בידיו..

דורך **Marc** » דאנערשטאג נאוועמבער 17, 2022 3:21 pm

ירושלים - אין די לעצטערע וואכן איז אנטשטאנען א שטורעם אין ארץ ישראל נאכדעם וואס דער משפיע הג"ר צבי מאיר זילבערבערג שליט"א איז ביי א כינוס איבער טעכנאלאגיע ארויסגעטרעטן שארף קעגן די "נדרים פלאס" מאשינען וועלכע געפונען זיך אין אלע שולן אין ארץ ישראל צו קענען באצאלן דערמיט די נדרים ונדבות, וויבאלד די מאשינקעס נוצן פארבינדונגס טעכנאלאגיע. זינט די דרשה זענען צוהיצטע בחור'לעך א.ד.ג. ארום געגאנגען אין פילע שולן און אנגעזייט חורבנות צוברעכנדיג די סארט מאשינען, וועלכע געפונען זיך אין די שולן ווי פארשטענדליך מיט דער הסכמה פון די רבני הקהילות שליט"א. אצינד וועט דער בד"ץ עדה החרדית ארויס געבן זייער חוו"ד אויף די נושא וואס וועט האפנטליך בארואיגן די געמיטער.

יהורם האט געשריבן:
איך וויל נישט אטאקירן הרב זילבערבערג שליט״א פערזענליך ווייל עס קען גאר זיין אז ער ווייסט נישט, אבער ער איז הונדערט פראצענט מחויב ארויפצולייגן א ווארענונג אויפן טויער פון זיין נארוואס געבויטער פראכטפולער שול, אז דא ווערן נתחנך פרעים און עס איז נישט געמאכט פאר שוואכע הערצער. פונקט ווי אויף א פושקע ציגארטלעך לייגט מען ארויף ווארענונגען, אזוי אויך דארף ער לאזן יעדן וויסן אז ער איז ווייט פון דער געהויבענער און הייליגער משפיע וואס ער שטעלט זיך ארויס צו זיין.

און יא, ער ווערט אויך שוואך פאר געלט פונקט ווי יעדער מנהיג קהילה, און אויך ווייסט ער אויך ארויסצונעמען די חסינות ווען ער דארף עס האבן פאר זיינע פריוואטע צוועקן, און ער טראגט אויף זיך דעם אחריות פון שפיכת דמים און גזילה וואס זיינע וואנזיניגע דרשות זייען אן. עס איז זיכער נישט רצון אבינו שבשמים אז ווילדע אזוי גערופענע פרומע בחורים זאלן קריגן א פרייע פעסס צו דורכפירן טעראר אטאקעס אין נאמען פון רעליגיע, און זיכער נישט אידישקייט.

די ווילסט נישט אבער די טוסט עס נאכאלץ. נא, שוין געהערט אזאנס. אבער לאמיר אביסל אריינטראכטן אין דיינע נישט-וועלנדיגע אטאקעס. (נישט אין יעדעמס ווערטער איז בכלל ווערט אריינצוטראכטן אבער די זאגסט דאך אז די רעדסט נאר ווי די ווייסט...)

א' ער זאל ארויסשטעלן א סיין אז זיינע מוסדות זענען מחנך פראים; ווייל עטליכע פון זיינע בחורים האבן זיך צוהיצט און צובראכן מאשינען. אהא, אין בעלז גור סקווירא סאטמאר באבוב וויזניץ ועוד, ווי די בחורים האבן שוין באוויזן סאאאך שענערס ווי דעם האב איך אבער די סיינס אויף די טויערן פון די מוסדות נישט געזען. שטערט דיר עס דארט אויך אזוי שטארק? (חוץ אויב ''בנשיאות'' און ''בהתייסדות'' דארף צו זיין א גילוי דעת אז דא וואקסן אויף חיות טורפות וכו')
במציאות קען זיין אז דריי בחורים האבן אלס אפגעטון, וואס קומט אויס ארום א הונדערטסטל פון זיין ישיבה. פאלט שוין דער א.ג. חיוב פונעם סיין ארויף נאר פון א הונדערטסטל?

ב' ווייטער ער דארף מודיע זיין אז ער איז נישט קיין ערליכע איד. כ'ווייס נישט פונקט וואס די ווילסט דא. האט די דב''י געדארפט אויסרופן אז ער איז נישט קיין עובד ה' ווייל א חלק פון זיינע מענטשן האבן כמעט (?) גע'הרג'עט מענטשן כלומפרשט אין די ''שיטה'' פונעם רבי'ן?! האט ר' צבי מאיר געהייסן צוברעכן יענעמ'ס נכסים?

ג' לשון קדשך: ''ער טראגט אויף זיך דעם אחריות פון שפיכת דמים...'' אט איז א קלאסישער דוגמא פון שנאה מקלקלת את השור''ה.

רצ'מ איז א ערליכער איד און מיינט עס נאך אזוי ערנסט ווי עני אנדערע אדמו''ר און משפיע. איין גרויסער חילוק איז אז ער זוכט נישט איינער זאל עס וויסן. ער ברעעגט נישט פון זיך. טעקניקלי קענסטו אים אנשפייען אויפ'ן גאס און אויב קיינער זעט נישט קענסטו זיין זיכער אז קיין נברא אין דער וועלט גייט עס קיינמאל נישט וויסן.

למעשה, אויב גייען מיר אוועקלייגן יעדער וואס פון זיינע ווערטער האבן מענטשן ארויסגענומען א הוראה צו טון שלעכטס בלייבן מיר מיט א קליינע ליסטע פון מענטשן; דיע וואס האבן אייביג געשוויגן.

עצי שטים האט געשריבן:שטעלט זיך ארויס אז געוויסע מאשינען האט מען געעפנט און געקענט זען יוטוב.
https://t.me/YiddishlechPolitics/4559?single

אדאנק פארן ברענגען די ווידיאו
סתם א זייטיגע שאלה, הלכה'דיג גערעדט, איז דאס מתיר צי שעדיגן ?
איך האב פרובירט אריינצוקריכן און דעי קנאי/קיצוני/ קאפ, טראכט ער באמת אז על פי שולחן ערוך מעג ער גיין צוברעכן? אדער פשוט פאר די קנא קנאות כבוד הרבי איז ער מסכים צי שוויצן און גהינום אינאיינעם מיטן רבי ?

נעקסט לעוועל האט געשריבן:
עצי שטים האט געשריבן:שטעלט זיך ארויס אז געוויסע מאשינען האט מען געעפנט און געקענט זען יוטוב.
https://t.me/YiddishlechPolitics/4559?single

אדאנק פארן ברענגען די ווידיאו
סתם א זייטיגע שאלה, הלכה'דיג גערעדט, איז דאס מתיר צי שעדיגן ?
איך האב פרובירט אריינצוקריכן און דעי קנאי/קיצוני/ קאפ, טראכט ער באמת אז על פי שולחן ערוך מעג ער גיין צוברעכן? אדער פשוט פאר די קנא קנאות כבוד הרבי איז ער מסכים צי שוויצן און גהינום אינאיינעם מיטן רבי ?

פינקט ווי ווען פנחס האט געהרגט זימרי וואס איז אקעיגן די הלכה, האט מען דעמאלטס באשאפן א הלכה "הבועל ארמית קנאין פוגעין בו".
די זעלבע דא, נאכן צוברעכן די מאשין קען מען באשאפן א הלכה, מי שיש לו מכשיר נדרים פלוס קנאין פוגעין בו.
אבער די אמת איז אז מען קען נישט גיין פיגערען וואס א קנאי טראכט, ווייל ווען ער וואלט געטראכט וואלט ער נישט געוועין א קנאי.

נאאיווע בחורים, צעהיצט דורך רצ"מ זילבערבערג, מאכן חורבנות

נאאיווע בחורים, צעהיצט דורך רצ"מ זילבערבערג, מאכן חורבנות

ווער איז יעצט דא?