העניך רעדט צו די מומחים פון דער Great Barrington Declaration

היימיש, לאקאל, און איבער דער וועלט

העניך רעדט צו די מומחים פון דער Great Barrington Declaration

הודעהדורך העניך » דאנערשטאג נאוועמבער 26, 2020 11:01 am

איך בין צעטראגן און צעבראכן – דאס איז דער פשוט'ער מציאות. דער פאקט אז דער היימישער ציבור האט מחליט געווען צו גענצליך איגנארירן א מגיפה וואס האט שוין געקאסט הונדערטער פון אונזערע נפשות, און האלט נאך אין איין אנשטעקן היימישע אידן, מיט טויטע ליידער אויך, איז עפעס וואס גייט מיר נישט אריין אין קאפ.

כאטש עס איז דא א פארזוך נישט צו רעדן פון דער מגיפה, און מען פרובירט צו באהאלטן די וואס זענען אומגעקומען דערפון, זענען פאראן א מינימום פון 10 היימישע חסידישע נפטרים אין אמעריקע אין די לעצטע 10 וואכן וואס זענען קלאר באשטעטיגט געווארן אז זיי זענען אומגעקומען צוליב דער צווייטער כוואליע פון קאראנא-וויירוס, און אן קיין צווייפל זענען פאראן מער קרבנות.

חוץ מזה זענען פאראן צענדליגער וואס זענען שווער קראנק געווארן אין דער צווייטער כוואליע, טייל גאר שווער, און זענען ב"ה ארויס ממות לחיים. אבער ווי מ'האט געזען מיט דער ערשטער כוואליע קומען נאך ליידער ארויס תוצאות שפעטער אויך, און מ'האט געהערט א צאל אינצידענטן וואו אזעלכע וואס האבן איבערגעלעבט, זענען שפעטער פלוצים אוועק פון הארץ-אטאקעס וכדומה. זאל דער אויבערשטער האלטן זיין רעכטן האנט.

לית מאן דפליג אז די מגיפה איז נישט ווי זי איז געווען ארום פורים צייט. און דערפאר איז לית מאן דפליג אז מיר קענען נישט יעצט טון זאכן וואס פאראליזירן אונזער לעבן. מיר האבן אלע צוזאמען מחליט געווען אז יא, מיר זענען גרייט צו ליידן א צאל טויטע כדי אונזערע קינדער זאלן גיין אין חדר, די בחורים אין ישיבה, און אז אונזערע געשעפטן זאלן נישט אונטערברעכן.

יעדער פארשטייט אז אלעס אין לעבן האט א פרייז, און פונקט ווי יהדות ניו יארק האט מחליט געווען אז מיר זענען מסכים צו פארן מיט קאַרס כאטש עקסידענטן קאסטן ליידער עטליכע היימישע אידישע נפשות יעדעס יאר, האבן מיר מחליט געווען אז פאר ישיבות און ביזנעסעס זענען מיר גרייט אז ס'זאל אונז קאסטן א נפש יעדע וואך. דאס איז א לאגישער חשבון צי מ'איז יא מסכים דערמיט צי נישט.

אבער וואס גייט מיר נישט אריין אין קאפ איז וויאזוי מיר האבן מחליט געווען אז אפילו די מינימאלע אפהיטונגען וואס ווערן פארלאנגט דורך אלע מומחים איבער דער גאנצער וועלט - לייכטע און פשוט'ע זאכן ווי נישט אנפּאַקן קיין זאַלן, גיין מאסקעס, זייפן די הענט, נישט געבן קיין הענט, וכו' - קענען מיר בשום פנים ואופן טון, און מיר קענען נישט אויפגעבן קיין שום באקוועמליכקייט ווייל אפשר קען עס ראטעווען איין איד.

אויף וויפיל איך האב פרובירט צו הערן און נישטערן איז נישטא קיין איין מומחה אין דער גאנצער וועלט וואס זאגט אז מאכן א ריזיגע געפאקטע חתונה אין די יעצטיגע טעג איז א ריכטיגע זאך צו טון. אין גם אחד.

יא, עס זענען דא וואס זאגן אז מאסקעס העלפן נישט גענוג אז מ'זאל צווינגען מענטשן זיי אנצוטון; עס זענען דא וואס זאגן אז לאקדאונס זענען שעדליך; עס זענען דא וואס זאגן אז פאליטיקאנטן זענען היפאקריטן און טייל פון זיי זענען שונאי ישראל; עס זענען דא וואס זאגן אז שולעס דארפן זיין אפן ווייל קינדער שטעקן קיינעם נישט אן. אבער עס איז נישטא קיינער וואס זאגט אז מ'מוז זיך נישט זייפן די הענט אין די יעצטיגע טעג; עס איז נישטא קיינער וואס זאגט אז ס'איז ריכטיג צו מאכן א ריזיגן אינדאָר צוזאמענקום מיט טויזנטער מענטשן אריינגערעכנט מענטשן וואס זענען וואָלנערעבל; עס איז נישטא קיינער וואס זאגט אז מ'מעג זיך געבן די הענט כאילו לא היה פאר יונג און אלט.

איז וואס איז אונזער תירוץ צו טרעטן אויף די פשוט'ע אנווייזונגען וואס יעדער דאקטאר פון דער וועלט ווארנט? מילא ווען די אנווייזונגען זענען נאר אויף צו העלפן זיך אליין וואלט געווען איין זאך. אבער דא רעדט מען דאך פון נישט אנשטעקן אנדערע מענטשן – ווי קענען רחמנים בני רחמנים זאגן מיט קאלטבלוטיגקייט, "אויב דער עלטערער אדער איבערוואגיקער מענטש האט מחליט געווען צו קומען צו דער חתונה, איז עס נישט מיין עסק!"

אין א פרואוו צו דן זיין לכף זכות, האב איך געעפנט אן אשכול וואו איך האב געבעטן דעם ציבור מיר צו געבן א פתחון פה. אפשר דאך איז דא אן עקספערט וואס זאגט אז ס'איז אקעי. איך האב נישט געבעטן דווקא עקספערטן וואס ליבעראלן גלייכן, נאר סיי וועלכן עקספערט פון דער גאנצער וועלט. זאל זיין א רעפובליקאנער, א קאנסערוואטיוו, א ליבערטעריען, א כינעזער, א ישראלישער - ווער אימער און וואס אימער. ברענג מיר א מומחה וואס זאגט אז אונזער הנהגה איז אויסגעהאלטן.

האב איך געפרעגט פיר פראגעס אויף וואס כ'האב געבעטן ענטפערס:

1. זענען דא עקספערטן וואס זאגן אז מ'מעג מאכן ריזיגע אינדאָר פארזאמלונגען אן קיין שום סאשעל דיסטענסינג?

2. זענען דא עקספערטן וואס זאגן אז מ'מעג זיך געבן די האנט כאילו לא היה?

3. זענען דא עקספערטן וואס זאגן אז ווען מ'קומט אריין צו א געפאקטן מקום ציבור וואו מ'גיט זיך די הענט, איז נישט רעקאמענדירט אז מ'זאל זיך פריער זייפן די הענט?

4. זענען דא עקספערטן וואס זאגן אז מאסקעס העלפן בכלל נישט, און מ'דארף עס נישט גיין אין קיין שום פאל, אפילו צווישן א געפאקטן אינדאָר ציבור?

נאך 75 תגובות פול מיט אטאקעס קעגן ליבעראלן, ווילדע אויסברוכן און 'בעד פעיט' ארגומענטן, האט ענדליך אחד המיוחד הרב @קורקלענד גענומען ערנסט מיינע פראגעס, און האט געברענגט אן ענטפער: די מומחים פון דער "גרעיט בערינגטאן דעקלעראציע".

אויף דער דעקלעראציע האבן אונטערגעשריבן הונדערטער מעדיצינישע מומחים פון דער גאנצער וועלט, און זיי האבן פארדאמט לאקדאונס, און געגעבן אנדערע רעקאמענדאציעס וויאזוי זיך צו ספראווען מיט'ן וויירוס. ליבעראלן זענען נישט צופרידן פון אט דער דעקלעראציע, און האלטן אז די רעקאמענדאציעס זענען נישט ריכטיג. מעינסטריעם וויסנשאפטלער זענען אויך שארף ארויס קעגן דער דעקלעראציע. דר. אנטאני פאוטשי האט געזאגט אז זי איז "נאָנסענס און דעינדזשעראוס." ווידער די טראמפ אדמיניסטראציע האט יא אויסגעדרוקט שטיצע פאר דער דעקלעראציע.

אבער ווי געזאגט זוך איך נישט דווקא א מעינסטריעם מיינונג, און אז די "גרעיט בערינגטאן דעקלעראציע" קען פארענטפערן אונזערע הנהגה וועט עס מיך בארואיגן. כאטש האבן מיר א פתחון פה, עפעס א מהלך וואס גיט צו פארשטיין וואס מיר טוען און פארוואס מיט טוען עס. כאטש האבן מיר מומחים וואס זאגן אז מיר זענען גערעכט.

אין מיין פארזוך צו געהעריג פארשטיין וואס די דעקלעראציע זאגט, און צי זי פארענטפערט טאקע אונזער הנהגה, האב איך נעכטן, מיטוואך, געשיקט אן אימעיל צו די צען העכסטע אונטערגעשריבענע מומחים אויף דער דעקלעראציע.

פאלגנד איז מיין אימעיל:
GBD.JPG


ביז יעצט, ווען די שורות ווערן געשריבן דאנערשטאג אינדערפרי, האב איך שוין ערהאלטן ענטפערס פון דריי מעדיצינישע עקספערטן וועלכע האבן אונטערגעשריבן דעם "גרעיט בערינגטאן דעקלעראציע". פאלגנד זענען ציטאטן פון די ענטפערס וואס איך האב ערהאלטן:


Dr. Annie Janvier, professor of pediatrics and clinical ethics, Université de Montréal and Sainte-Justine University Medical Centre, Canada

דר. עני זשאנוויע, פון די העכסטראנגיקע אונטערגעשריבענע אויף דער דעקלעראציע, האט מיר געשריבן:
קאוד: וועל אויס אלע
I was surprised by your e-mail
Gatherings, in any form, can kill people, especially the elderly. Many have died (at least in Quebec) because they have gathered in churches. It is one of the most efficient ways to infect people.
I am a signatory of the Great Barrington declaration, but this has nothing to do with being able to gather as a crowd.
Unless this crowd is all composed of people at low risk, for example people less than 30 without risk factors.
When anybody in the crowd is at risk, this is any grandparent older than 65-70, or anybody with risk factors (smokers, those who have heart conditions or obesity), the Great Barrington strongly advises focussed protection for them.
The majority of people who have COVID-19 are asymptomatic. This does not give them the right to infect others who are at higher risk. Even using the GB declaration as an excuse.
I (and many GB authors) have considered this with a community lens: protect the vulnerable, and let the non-vulnerable not be harmed by all the lockdowns.
Focussed protection for the elderly is in direct contradiction that everybody is free to spread the virus.
It is surprising for me that a faith community would consider placing the vulnerable at risk.
Do you think that your community would act the same way if COVID-19 killed children under 5 at the same rate it kills those over 70 at the moment?
The beauty with the COVID-19 pandemic is that this is temporary. This restriction is thankfully only there for several months,


***

Dr. Ariel Munitz, professor of clinical microbiology and immunology, Tel Aviv University, Israel

דר. אריאל מוניץ האט מיר געשריבן:
קאוד: וועל אויס אלע
Dear Chanoch,
The Great Barrington Declaration calls for protecting the vulnerable people in our society.
Therefore, only on the grounds of "zero limitations regarding which members can participate”- it is not supported by the declaration.
All the best,
Ariel


***

Dr. Anthony J Brookes, professor of genetics, University of Leicester, England

דר. אנטאני ברוקס האט מיר געשריבן:
קאוד: וועל אויס אלע
Dear Chanoch Henich
That's fascinating. Thanks for alerting me to it.
The Great Barrington Declaration (GBD) has been widely misrepresented, misunderstood, and misquoted - sometimes accidently and sometimes deliberately - for all sorts of reasons.
For example, closing schools is now widely agreed to do far more harm than good. But in early 2020 people did not think this through, and did a lot of harm by following a knee-jerk strategy and closing them based on some "precautionary principle". Wearing gloves is obviously beneficial, and does no obvious harm, so it's also a no-brainer that gloves should be worn when needing to be in physical contact with others, or in any way likely exposed to the virus. In the same vein, protections and sheltering for the old/vulnerable can do a lot of good, and so much more should be done on that from.
I would argue that in the spirit of GBD it would not be wise to organise very large events at all. They do harm (risk of large scale spread) but relatively little good (a smaller wedding is quite possible).


***
עס שטעלט זיך ארויס זייער קלאר, אז די "גרעיט בערינגטאן דעקלעראציע" קען נישט גענוצט ווערן אלס א פארטיידיגונג אויף אונזער הנהגה. פארקערט, די מומחים וואס האבן איר אונטערגעשריבן זענען שארף דערקעגן און האלטן אז מיר טוען נישט קיין ריכטיגע זאך.

דאס יהדות החרדית האט שטארקע טענות קעגן פירער ווי קאומא אויף זייער צוגאנג צום ווירוס. אבער אונזערע טענות האבן אונז בלינד געמאכט צום מציאות אז קאומא איז נישט דער באלעבאס אויפ'ן ווירוס. אפילו מיר ווילן בועט זיין אין זיינע רעגולאציעס, זענען נאך אלץ פאראן קלארע געזונטהייט באווארענונגען צו וועלכע עס זענען מסכים יעדער מומחה אויף דער וועלט, פון יעדער מדינה און פון יעדער פאליטישער שטרעמונג.

דאס איגנארירן פשוט'ע מאסנאמען בלויז ווייל מיר קענען נישט טוישן פשוט'ע געוואוינהייטן וואס האבן גארנישט מיט אידישקייט אפילו ווען עס שטארבן נאך אלץ מענטשן פונעם ווירוס, איז א שאנדע וואס וועט פארשריבן ווערן מיט בלוטיגע אותיות אין אונזער היסטאריע.
האט איר הנאה געהאט פון מיין ארטיקל? גיט א 'לייק' און שיקט א לינק צו אייערע פריינט. אבער בשום אופן נישט קאפירן דעם גאנצן ארטיקל און שיקן ווייטער - אדם אוסר את שלו.
באניצער אוואטאר
העניך
שריפטשטעלער
שריפטשטעלער
 
הודעות: 704
זיך רעגיסטרירט: מאנטאג יאנואר 25, 2016 6:54 pm
האט שוין געלייקט: 741 מאל
האט שוין באקומען לייקס: 3111 מאל

הודעהדורך כוכב » דאנערשטאג נאוועמבער 26, 2020 11:04 am

Wow
כוכב
שריפטשטעלער
שריפטשטעלער
 
הודעות: 2563
זיך רעגיסטרירט: מוצ"ש דעצעמבער 07, 2013 7:35 pm
האט שוין געלייקט: 5491 מאל
האט שוין באקומען לייקס: 7399 מאל

הודעהדורך הוגה » דאנערשטאג נאוועמבער 26, 2020 11:36 am

דאס דארף שטארק פארשפרייט ווערן, צו דורך שרייבן אן ארטיקל אין מאמענט, עמי מאגאזין וכדומה, צו דורך א pdf אויף סאשעל מידיע. איך וואלט רעקאמאנדירט אויסצולאזן די לאנגע אריכות אין אנהייב כדי נישט צו פארלירן דעם ליינער פאר די עיקר.

יישר כח העניך.
"לא מצאנו בשום מקום בתורה שמצווה אדם להיות למדן ובקי בכל חדרי התורה. שכן תכלית הלימוד אינה להיות למדן אלא להיות אדם טוב, לעשות הטוב ולהטיב לזולתו." ~ רמ"מ מקאצק ז"ל
באניצער אוואטאר
הוגה
שריפטשטעלער
שריפטשטעלער
 
הודעות: 2969
זיך רעגיסטרירט: דינסטאג אפריל 09, 2013 1:20 pm
געפינט זיך: מאנסי
האט שוין געלייקט: 7780 מאל
האט שוין באקומען לייקס: 6813 מאל

הודעהדורך חתם סופר » דאנערשטאג נאוועמבער 26, 2020 11:55 am

כוכב האט געשריבן:Wow
באניצער אוואטאר
חתם סופר
שריפטשטעלער
שריפטשטעלער
 
הודעות: 1161
זיך רעגיסטרירט: דינסטאג יוני 18, 2013 12:43 am
האט שוין געלייקט: 931 מאל
האט שוין באקומען לייקס: 1145 מאל

הודעהדורך cictim » דאנערשטאג נאוועמבער 26, 2020 4:08 pm

ענדליך געשריבן צו די זאך, נאו העיט.
cictim
ידיד השטיבל
ידיד השטיבל
 
הודעות: 285
זיך רעגיסטרירט: דאנערשטאג מאי 14, 2015 3:13 pm
האט שוין געלייקט: 3 מאל
האט שוין באקומען לייקס: 153 מאל

הודעהדורך היכי דמי » דאנערשטאג נאוועמבער 26, 2020 4:16 pm

קאווע שטיבל at its best.
היכי דמי
ידיד השטיבל
ידיד השטיבל
 
הודעות: 308
זיך רעגיסטרירט: דאנערשטאג מאי 04, 2017 7:32 pm
האט שוין געלייקט: 39 מאל
האט שוין באקומען לייקס: 216 מאל

הודעהדורך העניך » דאנערשטאג נאוועמבער 26, 2020 6:59 pm

@קורקלענד, גארנישט?
באניצער אוואטאר
העניך
שריפטשטעלער
שריפטשטעלער
 
הודעות: 704
זיך רעגיסטרירט: מאנטאג יאנואר 25, 2016 6:54 pm
האט שוין געלייקט: 741 מאל
האט שוין באקומען לייקס: 3111 מאל

הודעהדורך קורקלענד » דאנערשטאג נאוועמבער 26, 2020 7:02 pm

אַ לייק איז גארנישט?
באניצער אוואטאר
קורקלענד
חבר ותיק
חבר ותיק
 
הודעות: 2479
זיך רעגיסטרירט: מיטוואך דעצעמבער 31, 2014 3:28 pm
האט שוין געלייקט: 2010 מאל
האט שוין באקומען לייקס: 1548 מאל

Re: העניך רעדט צו די מומחים פון דער Great Barrington Declara

הודעהדורך פאליטיקאנט » דאנערשטאג נאוועמבער 26, 2020 9:12 pm

העניך האט געשריבן:@קורקלענד, גארנישט?
וואס האט ער צוצולייגן?
האסט קלאר געשטעלט אז דו זוכסט פשוט מומחים וואס קענען מסכים מיט די חרדי'שע התנגדות אין די יעצטיגע צייט. נאך א לאנגע דין ודברים האט ער עס געברענגט, יעצט האסטו עס אפגעפרעגט, פיין. וואס יעצט? זוכסט אנדערע? ס'איז נישטא!

אפי' אויב מ'וועט יא טרעפן א 'מומחה' וואס האלט אז מאכן גרויסע אינדאר צוזאםקומען אן קיין שום מאסנאמען איז נישט קיין שום פראבלעם, ווייסטו אליין אז מען האט זיך נישט פארלאזט אויף עם ביים מאכן די צוזאמקומען......
באניצער אוואטאר
פאליטיקאנט
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1045
זיך רעגיסטרירט: פרייטאג יאנואר 19, 2018 5:53 pm
געפינט זיך: אין דמיון
האט שוין געלייקט: 525 מאל
האט שוין באקומען לייקס: 1124 מאל

הודעהדורך קורקלענד » פרייטאג נאוועמבער 27, 2020 1:41 am

אזויווי העניך פילט אז זיין תפקיד איז פאָרצוהאַלטן אונזערע מנהיגים און אטאריטעטן אויף זייער פארנאכלעסיגקייט. פילט קורקלענד אז זיין תפקיד איז צו קריטיקירן משוגענע רעגירונג'ס פאליסיס וואס זענען געטריבן פון פאליטיק און נישט פון געזונט.

יא, איך האלט אז אונזער עסטאבלישמענט שטעלט ניטאמאל צו די מינימאלע מאסנאמען. אבער לדעתי איז דאס טאקע א פשוט'ע תוצאה פון די רעגירונג'ס איבערגעטריבענע פאריקטע פאליסיס. און איינמאל עפעס ווערט אפגעפרעגט פארלירט עס די 'גאנצע' רעספעקט.

וואלט די רעגירונג ווען געמאכט גזירות מיט וואס מ'קען לעבן וואלט מען זיך זיכער פיל שטערקער צוגעשטעלט. אבער אזויווי מ'האט געמאכט משוגענע גזירות שאין הציבור יכולין לחיות בהם כלל איז די גאנצע זאך געווארן איען שטיק געלעכטער און ליצנות!
באניצער אוואטאר
קורקלענד
חבר ותיק
חבר ותיק
 
הודעות: 2479
זיך רעגיסטרירט: מיטוואך דעצעמבער 31, 2014 3:28 pm
האט שוין געלייקט: 2010 מאל
האט שוין באקומען לייקס: 1548 מאל

הודעהדורך געפילטע פיש » פרייטאג נאוועמבער 27, 2020 11:43 am

כוכב האט געשריבן:Wow

:דאבללייק:




קורקלענד האט געשריבן:אזויווי העניך פילט אז זיין תפקיד איז פאָרצוהאַלטן אונזערע מנהיגים און אטאריטעטן אויף זייער פארנאכלעסיגקייט. פילט קורקלענד אז זיין תפקיד איז צו קריטיקירן משוגענע רעגירונג'ס פאליסיס וואס זענען געטריבן פון פאליטיק און נישט פון געזונט.


איך האב נישט מיטגעהאלטן דעם גאנצן שערוריה דא, אבער לאמיר שוין זאגן אז קורקלאנד האט אפשר פארגעהאלטן אונזערע ראש ולענה מנהיגים, אבער דא האב איך געליינט א גרויסן קושיא אויף יעדן רעליגיעזען ייד וואס דינט קלאמפיש דעם אויבערשטן און זיין תורה, וואס געט נישט קיין שיטה איבער אינפעקטירן מענטשן און גורם זיין מיתה בעולם!

איך עקל זיך צו רופן חסידיש היינטיגע צייטן, אדער אפילו אורטודוקסיש\היימיש. :אויוויי:
רעדאגירט געווארן צום לעצט דורך געפילטע פיש אום פרייטאג נאוועמבער 27, 2020 1:35 pm, רעדאגירט געווארן איין מאל בסך הכל.
געפילטע פיש
חבר ותיק
חבר ותיק
 
הודעות: 6953
זיך רעגיסטרירט: מיטוואך פעברואר 29, 2012 11:16 am
האט שוין געלייקט: 5554 מאל
האט שוין באקומען לייקס: 7622 מאל

הודעהדורך פליישיג » פרייטאג נאוועמבער 27, 2020 11:46 am

עס זענען דא מער ניקס וואס האקן אויף נישט פאלגן, ווי מענטשן אויפן גאס וואס טראגן מאסקעס.
מיינט דאס אז עטס אלע בלייבטס איינגעשפארט אינדערהיים?
ווילט איר וואקסן אין תורה ויראת שמים?
האנדלט אייך שיעורים פון כבוד הגה''צ הרב מאיר צוויבעל שליט''א

כדאי הוא רבי מאיר לסמוך עליו
פליישיג
מאנשי שלומינו
מאנשי שלומינו
 
הודעות: 80
זיך רעגיסטרירט: דינסטאג יולי 17, 2018 7:11 pm
האט שוין געלייקט: 3 מאל
האט שוין באקומען לייקס: 35 מאל

הודעהדורך קורקלענד » פרייטאג נאוועמבער 27, 2020 12:14 pm

איך מוטשע זיך אויך מיט דער פראבלעם. איך ווייס שוין ווער די ניקס זענען אין ריעל לייף. אבער ס'מוז זיין אז איינער דארט האט מערערע ניקס.....
באניצער אוואטאר
קורקלענד
חבר ותיק
חבר ותיק
 
הודעות: 2479
זיך רעגיסטרירט: מיטוואך דעצעמבער 31, 2014 3:28 pm
האט שוין געלייקט: 2010 מאל
האט שוין באקומען לייקס: 1548 מאל

הודעהדורך קורקלענד » פרייטאג נאוועמבער 27, 2020 12:16 pm

געפילטע פיש האט געשריבן:
כוכב האט געשריבן:Wow

:דאבללייק:




קורקלענד האט געשריבן:אזויווי העניך פילט אז זיין תפקיד איז פאָרצוהאַלטן אונזערע מנהיגים און אטאריטעטן אויף זייער פארנאכלעסיגקייט. פילט קורקלענד אז זיין תפקיד איז צו קריטיקירן משוגענע רעגירונג'ס פאליסיס וואס זענען געטריבן פון פאליטיק און נישט פון געזונט.


איך האב נישט מיטגעהאלטן דעם גאנצן שערוריה דא, אבער לאמיר שוין זאגן אז קורקלאנד האט אפשר פארגעהאלטן אונזערע ראש ולענה מנהיגים, אבער דא האב איך געליינט א גרויסן קושיא אויף יעדן רעליגיעזען ייד וואס דינט קלאמפיש דעם אויבערשטן און זיין תורה, וואס געט נישט קיין שריפט איבער אינפעקטירן מענטשן און גורם זיין מיתה בעולם!

איך עקל זיך צו רופן חסידיש היינטיגע צייטן, אדער אפילו אורטודוקסיש\היימיש. :אויוויי:

ביז אהער האט איר אלס פארשטאנען און נאר אצינד איז ביי אייך נולד געווארן א ספק?
באניצער אוואטאר
קורקלענד
חבר ותיק
חבר ותיק
 
הודעות: 2479
זיך רעגיסטרירט: מיטוואך דעצעמבער 31, 2014 3:28 pm
האט שוין געלייקט: 2010 מאל
האט שוין באקומען לייקס: 1548 מאל

הודעהדורך פרייוויליג » פרייטאג נאוועמבער 27, 2020 1:03 pm

@העניך שרייבט פיין.

אמת אז מיר זענען באגאנגען פעלערן די לעצטע יאר ווען מיר האבן זיך אויסגעלאכט פון אלעמען. אבער איך מיין אין די איצטיגע מאמענט איז דאס שוין מער נישט קיין חסידישע אישו, נאר א קאלעקטיווער אישו.

ווען מענטשן זעען וויאזוי די עלעקטעט אפישעלס רעאגירן מיט טפשות'דיגע פערדעריי, ברענגט עס ארויס בייז בלוט ביי אידן און גויים צוגלייך. ווען דו זאגסט מען טאר נישט קיין איו ערגעץ, און נאכדעם טרעפט מען דיך אין סאלאן, אין רעסטוראנט, און דו אינווייטס דיין אלטע מאמע, איז דאס גורם אז מענטשן זאלן זיך אויסלאכן דערפון.

ווען דו פארבאטס רעסטוראנטן אבער דו ערלויבסט צו זיין צוזמענגעפרעסט אין אן ערעפלאן, שרייט דאס ארויס פערדעריי. ווען שולן ווערט געדימט נאן עסענשעל און בארס עסענשלן, ביסטו מכשיל מענטשן זאלן זיך אויסלאכן דערפון און נאכדעם גיין מאכן גרויסע חתונות.
באניצער אוואטאר
פרייוויליג
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1648
זיך רעגיסטרירט: מיטוואך דעצעמבער 10, 2014 5:44 pm
האט שוין געלייקט: 1411 מאל
האט שוין באקומען לייקס: 2069 מאל

Re: העניך רעדט צו די מומחים פון דער Great Barrington Declara

הודעהדורך יהודי פשוט » פרייטאג נאוועמבער 27, 2020 1:57 pm

געפילטע פיש האט געשריבן:איך עקל זיך צו רופן חסידיש היינטיגע צייטן, אדער אפילו אורטודוקסיש\היימיש. :אויוויי:


קיינער צווינגט אייך נישט! איר קענט אייך שוין דערקלערן מאדערן אורטעדאקס אדער רעפארם אדער בכלל א גוי...
איך בין א נער און איך גלייב!!!
באניצער אוואטאר
יהודי פשוט
ידיד ותיק
ידיד ותיק
 
הודעות: 665
זיך רעגיסטרירט: דינסטאג דעצעמבער 30, 2014 10:00 pm
האט שוין געלייקט: 436 מאל
האט שוין באקומען לייקס: 434 מאל

הודעהדורך שמערל » פרייטאג נאוועמבער 27, 2020 2:00 pm

אידן אין גויים פירן זיך נישט אויס צוגלייך, רובא דרובא גויים גייען מיט מאסקעס אפילו אויפן גאס, בעת וואס חרידישע אידן אין ברוקלין און אין ירושלים און גייען געהעריג אן מיטן סדר החיים גענוי ווי בעפארן ווירוס, עס איז נישטא קיין שום אומה ולשון אויפן גאנצן כדור הארץ וואס פירט זיך אזוי אויף.

אויף א עראפלאן זיצט יעדער מיט א מאסק, און די לופט ווערט געפילטערט די בעסטע וואס איז שייך, בעת וואס א רעסטאראנט איז א פלאץ ווי מענטשן עסן און פארברענגען אן מאסקעס, און די וויכטיגקייט פון האלטן אפען א רעסטאראנט איז נישט נאנט צו א עראפלאן.

ווען א מענטש איז א הפקר אינג און זאגט הויעך אי אפשי, כ'האלט זיך נישט ביים צושטעלן צו א סאושל נארם און קעירן אויף אנדערע, עס גייט מיר נישט אן אז אלטע און קראנקע פייגערען, דער עיקר איז אז מיין לעבן גייט ווייטער אן, קען איך עס כאטש הערן. אבער זאג עס כאטש, מאך דיך נישט ווי עס איז באזירט אויף לאגיק ווען דו דרייסט סתם א קאשע.
שמערל
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1121
זיך רעגיסטרירט: מאנטאג מאי 27, 2013 7:05 pm
האט שוין געלייקט: 1229 מאל
האט שוין באקומען לייקס: 1373 מאל

הודעהדורך העניך » פרייטאג נאוועמבער 27, 2020 2:29 pm

פרייוויליג האט געשריבן:@העניך שרייבט פיין.

אמת אז מיר זענען באגאנגען פעלערן די לעצטע יאר ווען מיר האבן זיך אויסגעלאכט פון אלעמען. אבער איך מיין אין די איצטיגע מאמענט איז דאס שוין מער נישט קיין חסידישע אישו, נאר א קאלעקטיווער אישו.

ווען מענטשן זעען וויאזוי די עלעקטעט אפישעלס רעאגירן מיט טפשות'דיגע פערדעריי, ברענגט עס ארויס בייז בלוט ביי אידן און גויים צוגלייך. ווען דו זאגסט מען טאר נישט קיין איו ערגעץ, און נאכדעם טרעפט מען דיך אין סאלאן, אין רעסטוראנט, און דו אינווייטס דיין אלטע מאמע, איז דאס גורם אז מענטשן זאלן זיך אויסלאכן דערפון.

ווען דו פארבאטס רעסטוראנטן אבער דו ערלויבסט צו זיין צוזמענגעפרעסט אין אן ערעפלאן, שרייט דאס ארויס פערדעריי. ווען שולן ווערט געדימט נאן עסענשעל און בארס עסענשלן, ביסטו מכשיל מענטשן זאלן זיך אויסלאכן דערפון און נאכדעם גיין מאכן גרויסע חתונות.

דאס איז א פיינער לימוד זכות פאר עולם-גולם וואס ווערן איבערגענומען פון זייער נפש הבהמיות. אבער פאר מנהיגים וואס טראגן דעם אחריות פון צאן מרעיתם איז דאס גאר ווייט פון א תירוץ.

ועוד, די אלע א.ג. "פערדעריי" איז נישט נאר נוגע אונז, נאר אויך מיליאנען אנדערע האבן געליטן דערפון און ס'האט זיי אויפגעברויזט. טראצדעם בין איך נישט באקאנט מיט נאך א גאנצער געזעלשאפט פון הונדערטער טויזנטער נפשות וואס האבן נישט געטוישט זייער לעבנסשטייגער קיין כי היא זה, און אויף די מינדעסטע זהירות שרייען זיי טראציג, ווי @שמערל זאגט, "אי אפשי!"
באניצער אוואטאר
העניך
שריפטשטעלער
שריפטשטעלער
 
הודעות: 704
זיך רעגיסטרירט: מאנטאג יאנואר 25, 2016 6:54 pm
האט שוין געלייקט: 741 מאל
האט שוין באקומען לייקס: 3111 מאל

הודעהדורך אספקלריה » פרייטאג נאוועמבער 27, 2020 5:03 pm

סאיז פשוט אז אזוי ווי די פארטרעטעס א ״שיטה״ און די לויפסט נאך די ליבאראלע אגענדא וואו א קאלב,האסטו און אלע אנדערע ליבאראלען פארלוירען די שופר,
אויב ווייס יעדער איינער פון פאראויס וואס די גייסט האלטען און שרייבען, ווייל די האלטסטיך צו א שיטה ליין,קענסטו פארגעסן אז א אינדאפענדינט ליינער זאל אינטרעסירען וואס די שרייבסט.

אז איך וויל וויסען וואס צוטוהן ברויך איך אן אמתע אנאליז,איינמאל די ליבאראלען האבען גענומען קאוויד אלץ זייערס א מיטל צו געווינען האט די אלגעמיינע אמעריקאנע פאלק פארלוירען זייער גלייבען און די יונגע עקספערטען.
איז עס נארמאל וואס אונזער געמיינדע טוט?
לכאורה נישט מדארף יעדע זאך שוקל זיין בפני עצמו און א קרומע ליבארעל קען אויך זיין גערעכט, אבער די פאלק טראסט זיי פשוט נישט.
איז עס נארמאל צו פאר שפארען און פארלירען מענטשענס ביזנעסעס וואס זיי האבען אויפגעבויט פאר צענדליגע יארען?
איז עס נארמאל צו פאר שפארען א לאנד ווייל א פראצענט עלטערע גייען שטארבען, ?
אבער פון די אנדערע זייט גייען טויזענטע פארלירען זייער חיונה,פרידנסלעבן,קינדער גייען פארלירען זייער רוטין וואס א פאר א גרויסע חלק דערפון בפרט און די שווארצע געמיינדע מיינט עס זיצען פארשפארט און א פארשטיפטע צימער און א אפארטמענט בילדינג וואס קעי אמאל זיין ארומגענומען מיט סכנת נפשות
וויפיל איז קריים ארויף מיט די פארשפארונגען?
סאיז דא אסאך וואס דן צוזיין און די ווייטאג איז אז די אגענדא טרעגערס זענען אריינגעמישט און סאיז שווער צובאקומען א קלארע אנוויזונג פון שיטה נאכפאלגער.

סאיז ברור בא מיר אז אויב טראמפ וואלט גענומען קאוויד מוראדיג ערענסט און פארשפארט אלעס וואלטען די ליבאראלען גענומען די אנדערע זייט,און די וואלסט געשריבען א לענגס און א ברייטס מסביר צוזיין די צד אחר
מיט אלע סברות און א חלק סברות זענען אפשר גערעכט
דער עולם טעהנט ביי אונז אז אונז האבען עס שוין כמעט אלע געהייט,
האסט עפעס צו ענטפערען אויף דעם?
ווי לאנג גייט מען פאר שפארען ?
זעעסט איך אז יעדע מאל מעפענט שרייפט זיך עס אויס
נוא וואס איז דיין עצה פאר שפארען פאר צוויי יאר די גאנצע וועלט?
אספקלריה
ידיד השטיבל
ידיד השטיבל
 
הודעות: 196
זיך רעגיסטרירט: דאנערשטאג מערץ 28, 2013 10:21 am
האט שוין געלייקט: 63 מאל
האט שוין באקומען לייקס: 276 מאל

הודעהדורך העניך » פרייטאג נאוועמבער 27, 2020 5:14 pm

מ'רעדט דא פון פארשפארן? רבוש"ע.
באניצער אוואטאר
העניך
שריפטשטעלער
שריפטשטעלער
 
הודעות: 704
זיך רעגיסטרירט: מאנטאג יאנואר 25, 2016 6:54 pm
האט שוין געלייקט: 741 מאל
האט שוין באקומען לייקס: 3111 מאל

הודעהדורך פרייוויליג » מוצ"ש נאוועמבער 28, 2020 11:59 pm

העניך האט געשריבן:
פרייוויליג האט געשריבן:@העניך שרייבט פיין.

אמת אז מיר זענען באגאנגען פעלערן די לעצטע יאר ווען מיר האבן זיך אויסגעלאכט פון אלעמען. אבער איך מיין אין די איצטיגע מאמענט איז דאס שוין מער נישט קיין חסידישע אישו, נאר א קאלעקטיווער אישו.

ווען מענטשן זעען וויאזוי די עלעקטעט אפישעלס רעאגירן מיט טפשות'דיגע פערדעריי, ברענגט עס ארויס בייז בלוט ביי אידן און גויים צוגלייך. ווען דו זאגסט מען טאר נישט קיין איו ערגעץ, און נאכדעם טרעפט מען דיך אין סאלאן, אין רעסטוראנט, און דו אינווייטס דיין אלטע מאמע, איז דאס גורם אז מענטשן זאלן זיך אויסלאכן דערפון.

ווען דו פארבאטס רעסטוראנטן אבער דו ערלויבסט צו זיין צוזמענגעפרעסט אין אן ערעפלאן, שרייט דאס ארויס פערדעריי. ווען שולן ווערט געדימט נאן עסענשעל און בארס עסענשלן, ביסטו מכשיל מענטשן זאלן זיך אויסלאכן דערפון און נאכדעם גיין מאכן גרויסע חתונות.

דאס איז א פיינער לימוד זכות פאר עולם-גולם וואס ווערן איבערגענומען פון זייער נפש הבהמיות. אבער פאר מנהיגים וואס טראגן דעם אחריות פון צאן מרעיתם איז דאס גאר ווייט פון א תירוץ.

ועוד, די אלע א.ג. "פערדעריי" איז נישט נאר נוגע אונז, נאר אויך מיליאנען אנדערע האבן געליטן דערפון און ס'האט זיי אויפגעברויזט. טראצדעם בין איך נישט באקאנט מיט נאך א גאנצער געזעלשאפט פון הונדערטער טויזנטער נפשות וואס האבן נישט געטוישט זייער לעבנסשטייגער קיין כי היא זה, און אויף די מינדעסטע זהירות שרייען זיי טראציג, ווי @שמערל זאגט, "אי אפשי!"


@העניך, איך וועל מודה זיין אז ווען איך זע הללו אויף איין זייט גייען מיט מאסקעס, און הללו אויף די אנדערע זייט גייען מאסקלאז, פאל איך אריין אין א פארצווייפעלטע דילעמע, וואס איז די סיבה פארוואס חרידים גייען נישט מיט קיין מאסקעס, און דאס קען זיין איינס פון צוויי סיבות:

1) מיר חרידים זענען קליגער, מיר פארשטייען אז מאסקעס זענען זינאלז, דרייטס נישט קיין קאפ מיט קיין מאסקעס, דער נארישער ליבעראל פאלגט קאומא ווי א בהמה.
2) מיר חרידים זענען אויסגעשלאסן פון געזעצן אדער רעקאמעדאציעס. געזעצן מיינען נאר דעם גוי, עס רעדט ניטאמאל צו אונז.


בכל אופן מען קען דעבאטירן א גאנצע נאכט אויב מאסקעס זענען ווערד. און עס איז זיכער פערדעריי צו זאגן אז מאסקעס זענען 90% עפעקטיוו, און אזוי אויך איז פערדעריי צו זאגן אז מאסקעס זענען 90% נישט עפעקטיוו. אויב עמיצער וויל יא אדער נישט טראגן א מאסק, קען טרעפן א שלל פון סייענס אויף ביידע זייטן.

אבער עס איז שוין געקומען די צייט צו אויפהערן צו סיגנעלען אוט די חרידישע קאמיוניטי.

דו זאגסט:
טראצדעם בין איך נישט באקאנט מיט נאך א גאנצער געזעלשאפט פון הונדערטער טויזנטער נפשות וואס האבן נישט געטוישט זייער לעבנסשטייגער קיין כי היא


עס איז קלאר אז די צוגאנג וויאזוי צו דילן מיט די וויירוס איז געווארן פאליטיש, קאנסערוועטיוון זאגן העק מיט די שאוטדאן און מאסק קרעפ, און די ליבעראלן שרייען גייטס מיט 2 מאסקעס. אויב ווילסטו וויסן וועלכע סטעיט איז רויט אדער בלוי קוק וויאזוי זיי רעאגירן צו קאוויד.
איך גיי נישטא אריין גיין וועלכע איז גערעכט. אבער חרידים פירן זיך גארנישט אנדערש ווי נעברעסקא, פאר דארטן אהין העסטו זען אז עולם כמנהגו נוהג, נישטא קיין מאסקעס נישטא גארנישט.

די פערדעריי וואס איז נישט נוגע, איז א דירקעטע רעזולטאט פארוואס די רעכטע און חרידים גייען אזוי עקסטרים צו די אנדערע ריכטונג. פונטק אזוי ווי למשל קלימאט טויש וואס איז זיכער א געפאר פאר די מענטשהייט האבן באקומען פאלערייזט ארגומענטן, די היסטעריע פון די לינקע האט גורם געווען אז די רעכטע זאלן שרייען לא דוב ולא יער. די זעלבע דא ביי קאוויד, אויב נוצן מיר אונזערע באלי העכער די אקסלען קען מען נישט פארפאסן די פערדעריי. אין לך יום שאין פערדעריי מרובה מחברו. מאכסט א רויטע זאנע אויף איין פלאץ קומט די גאנצע רויטע זאנע איינקויפן ביי די גרינע זאנע, און מאכן די גרינע זאנע פאר א רויטע זאנע.

קאוויד איז ריעל, אבער די בולשיט איז מטי עד צית שמיא.

און דאס טוט שוין אין איינוועגס אויך פארענטפערן @שמערלס טענה אז רובא דרובא גויים גייען מיט מאסקעס אפילו אויפן גאס. מיר אלע ווייסן אז די רובא דרובא גויים זענען רובא דרובא ליבעראלן. ווי ערווענט איז קאוויד פאליטיזירט געווארן. שפאציר אריין אין די טשעימבערס אוו די גארוועמענט וועסטו זען וויאזוי די רעכטע און די לינקע רייסן זיך ארום ווי א קאברע קעגן א מאנגאז אויב מען זאל גיין מיט א מאסק. האט גארנישט צו טאן מיט קיין אומה ולשון.
רעדאגירט געווארן צום לעצט דורך פרייוויליג אום זונטאג נאוועמבער 29, 2020 1:06 am, רעדאגירט געווארן איין מאל בסך הכל.
באניצער אוואטאר
פרייוויליג
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1648
זיך רעגיסטרירט: מיטוואך דעצעמבער 10, 2014 5:44 pm
האט שוין געלייקט: 1411 מאל
האט שוין באקומען לייקס: 2069 מאל

הודעהדורך העניך » זונטאג נאוועמבער 29, 2020 12:31 am

פרייוויליג האט געשריבן:אבער חרידים פירן זיך גארנישט אנדערש ווי נעברעסקע, פאר דארטן אהין העסטו זען אז עולם כמנהגו נוהג, נישטא קיין מאסקעס נישטא גארנישט.


ירחיק עדותו...

זיי אזוי גוט ווייז מיר בילדער פון געפּאַקטע מאורעות אין נעבראסקא, אין שפיץ פון מנהיגים*, וואס זענען מעין פון אונזערע מאורעות, אן קיין שום געזונטהייט מאסנאמען.

____________
*דהיינו, ווייז מיר נישט עפעס א צעלאזטע בעטשעלאר פארטי פון א פאר וואוילע יונגען, נאר א געהעריגע אפיציעלע מסיבה דורך באזעסענע מענטשן.
באניצער אוואטאר
העניך
שריפטשטעלער
שריפטשטעלער
 
הודעות: 704
זיך רעגיסטרירט: מאנטאג יאנואר 25, 2016 6:54 pm
האט שוין געלייקט: 741 מאל
האט שוין באקומען לייקס: 3111 מאל

הודעהדורך פערינא » זונטאג נאוועמבער 29, 2020 12:54 am

ס'איז א עקסטערע פלאי אז ס'איז נישט וויליאמסבורג, נישט באראפארק, נישט קראון הייטס. ס'איז accross the board אין אלע היימישע קהילות די זעלבע. ממש א פלאי.
פערינא
ידיד השטיבל
ידיד השטיבל
 
הודעות: 265
זיך רעגיסטרירט: פרייטאג אוגוסט 31, 2012 10:21 am
האט שוין געלייקט: 49 מאל
האט שוין באקומען לייקס: 140 מאל

הודעהדורך פרייוויליג » זונטאג נאוועמבער 29, 2020 1:05 am

העניך האט געשריבן:
פרייוויליג האט געשריבן:אבער חרידים פירן זיך גארנישט אנדערש ווי נעברעסקע, פאר דארטן אהין העסטו זען אז עולם כמנהגו נוהג, נישטא קיין מאסקעס נישטא גארנישט.


ירחיק עדותו...

זיי אזוי גוט ווייז מיר בילדער פון געפּאַקטע מאורעות אין נעבראסקא, אין שפיץ פון מנהיגים*, וואס זענען מעין פון אונזערע מאורעות, אן קיין שום געזונטהייט מאסנאמען.

____________
*דהיינו, ווייז מיר נישט עפעס א צעלאזטע בעטשעלאר פארטי פון א פאר וואוילע יונגען, נאר א געהעריגע אפיציעלע מסיבה דורך באזעסענע מענטשן.

איך האב א נאנטע חבר וואס פארט דארט א סך אהין און האט מיט מיר געשעירט זיין עקספיריענס.
רעדאגירט געווארן צום לעצט דורך פרייוויליג אום זונטאג נאוועמבער 29, 2020 1:58 pm, רעדאגירט געווארן איין מאל בסך הכל.
באניצער אוואטאר
פרייוויליג
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1648
זיך רעגיסטרירט: מיטוואך דעצעמבער 10, 2014 5:44 pm
האט שוין געלייקט: 1411 מאל
האט שוין באקומען לייקס: 2069 מאל

הודעהדורך קורקלענד » זונטאג נאוועמבער 29, 2020 1:58 am

שמערל האט געשריבן:אידן אין גויים פירן זיך נישט אויס צוגלייך, רובא דרובא גויים גייען מיט מאסקעס אפילו אויפן גאס, בעת וואס חרידישע אידן אין ברוקלין און אין ירושלים און גייען געהעריג אן מיטן סדר החיים גענוי ווי בעפארן ווירוס, עס איז נישטא קיין שום אומה ולשון אויפן גאנצן כדור הארץ וואס פירט זיך אזוי אויף.

אויף א עראפלאן זיצט יעדער מיט א מאסק, און די לופט ווערט געפילטערט די בעסטע וואס איז שייך, בעת וואס א רעסטאראנט איז א פלאץ ווי מענטשן עסן און פארברענגען אן מאסקעס, און די וויכטיגקייט פון האלטן אפען א רעסטאראנט איז נישט נאנט צו א עראפלאן.

ווען א מענטש איז א הפקר אינג און זאגט הויעך אי אפשי, כ'האלט זיך נישט ביים צושטעלן צו א סאושל נארם און קעירן אויף אנדערע, עס גייט מיר נישט אן אז אלטע און קראנקע פייגערען, דער עיקר איז אז מיין לעבן גייט ווייטער אן, קען איך עס כאטש הערן. אבער זאג עס כאטש, מאך דיך נישט ווי עס איז באזירט אויף לאגיק ווען דו דרייסט סתם א קאשע.

ווי וויכטיג ס'איז נאר אז א עראפלאן זאל ווייטער אנגיין (כלפי רעסטאראן) איז זיכער אינגאנצן נישט וויכטיג אז מ'זאל זיין אזוי צוקוועטשט מענטשן אויף מענטשן... די עראפלאנען זענען א מורא'דיגע סתירה און ס'האט נישט קיין לעגיטימער ענטפער. און מאסקעס העלפן א רעטעך.
באניצער אוואטאר
קורקלענד
חבר ותיק
חבר ותיק
 
הודעות: 2479
זיך רעגיסטרירט: מיטוואך דעצעמבער 31, 2014 3:28 pm
האט שוין געלייקט: 2010 מאל
האט שוין באקומען לייקס: 1548 מאל

נעקסט

גיי צוריק אידישע און אלגעמיינע נייעס

ווער איז יעצט דא?

באניצער וואס לייענען דעם פארום: נישטא קיין אנליין באניצער און 3 געסט