אלטע אידישע ניגונים

[בן תמליון]

עס איז שוין דא אן אשכול איבער גוישע ניגונים אבער נישט איבער אלטע אידישע ניגונים עס איז דא אוצרות וואס ווערן שנעל פארגעסן. ביטע לייגט צו וואס איר געפינט ווערט צו פאראייביקן.

צו אנפאנגען ברענג איך דעם אלטן הארציקן לידל אויפן פריפעטשיק:

אויפן פריפעטשיק ברענט א פייערל
און אין שטוב איז הייס,
און דער רבי לערנט קליינע קינדערלעך
דעם אלף־בית.


זאגט זשע, קינדערלעך, געדענקט זשע טייערע,
וואס איר לערנט דא;
זאגט זשע נאך א מאל, און טאקע נאך א מאל:
קמץ־אלף: אָ!

לערנט, קינדער, מיט גרויס חשק,
אזוי זאג איך אייך אן;
ווער ס'וועט גיכער פון אייך קענען עברי,
דער באקומט א פאן.

לערנט, קינדער, האט נישט מורא,
יעדער אנהייב איז שווער;
גליקלעך דער וואס האט געלערנט תורה,
צי דארף א מענטש נאך מער?

http://www.youtube.com/watch?v=UUF-jHyEuNg

דער מחבר איז געווען מארק ווערשאבסקי נישט קיין פרומער איד. דער ניגון אזי אבער געווארן איינגעבאקן ביי אידן אומעטום ווי א הייליק טראדיצאנאלער לידל. זעט דא ווי דער רבי פון ליבאוויטש ברענגט א ראיה פון דעם ניגון אז מען דארף לערנען מיט די קינדער קמץ אלף אָ.