וועבסייטס, פורומים, און בלאגס פון אידישער אינטערעסע

[הערשל]

פארן איד צו לייענען איז דא אן א שיעור וועבזייטלעך, בלאגס און פורומים ווי מען קען זיך דערקוויקן דאס הארץ און אויסלופטערן די נשמה.

איך עפן דעם פלאץ אז מען זאל לייגן וועלכע פון די דערמאנטע זייטלעך מען האט הנאה און מען זאל מיטטיילן פאר די חברים דא.

איך בעט מ'זאל צולייגן א קורצע איבערבליק איבער וואס דער וועבסייט, בלאג אדער פורום איז געשטעלט.

איך הייב אן.

פון די מערסטע באנוצטע סייטס ביי היימישע אידן איז זיכער די בארימטע זייטל "וואס איז נייעס" וואס איז גאנץ גוט אפדעיטעד און שטעלט צו די געווענליכע נייעס, און אויך נייעסלעך און אפטמאל אנאליזן, אפ-עדס און אפהאנדלונגען פון אידישער אינטערעסע.