האט איר געוואוסט אז?...

[berlbalaguleh]

ליכטיגקייט [ובכללו 'ראדיא כוואליעס'] פארט 299,792 kilometers per second.

קול פארט 332 metres per second.

ונבנתה העיר: ס'איז ביי מיר נישט געווען קיין צל של ספק אז דו ווייסט די תשובה. כ'האב נאר געוואלט זעהן אויב אנדערע וועלן אויך אויפקומען מיט די ריכטיגע ענטפער...

[ונבנתה העיר]

אז יש מפרשים אז ברית בין הבתרים איז געווען פאר פ׳ לך לך פון אנהייב סדרא.

און אז לויט דעם איז אברהם שוין געווען אין ארץ ישראל פינף יאהר פאר'ן גרויסן שטורעם פון לך לך מארצך.

[berlbalaguleh]

אז יש מפרשים אז ברית בין הבתרים איז געווען פאר פ׳ לך לך פון אנהייב סדרא.

...ואין מוקדם ומאוחר בתורה...!

[ירא שמים]

דאס ווייסט דאך יעדער…

[ירח בן יומו]

לויט ווי ס'איז מבואר אין תוס' אין שבת דף י עמ' ב' איז די סדר הדברים געווען קודם ברית בין הבתרים אין א"י (ווען אברהם אבינו איז געווען 70 יאר אלט), און נאכדעם איז געווען די מלחמת דו"ה מלכים (ווען ער איז געווען 73-סדר עולם), און נאכדעם איז ער צוריקגאגאנגען אהיים און ביי די 75 האט ער געהאט די צוו פון לך לך.

לויט דעם קומט אויס אז די גאנצע פרשה איז ממש פארקערט, קודם די ברית בין הבתרים נאכדעם די מלחמת המלכים און נאכדעם לך לך.

[ירא שמים]

די רש״י אויף אחר הדברים האלה וועט נישט שטימען לויט דעם.

[ירח בן יומו]

לויט ווי ס'איז מבואר אין תוס' אין שבת דף י עמ' ב' איז די סדר הדברים געווען קודם ברית בין הבתרים אין א"י (ווען אברהם אבינו איז געווען 70 יאר אלט), און נאכדעם איז געווען די מלחמת דו"ה מלכים (ווען ער איז געווען 73-סדר עולם), און נאכדעם איז ער צוריקגאגאנגען אהיים און ביי די 75 האט ער געהאט די צוו פון לך לך.

רש"י בפ' שרייבט אז די ברית בין הבתרים איז געווען נאך די מלחמת המלכים און אויף דעם האט די אייבישטער איהם געזאגט אל תירא אברהם אז ער זאל נישט מורא האבן אז ער האט געהרג'ט כשרים. (די @ירא שמים האט שוין אויסגעכאפט).

לויט די תוס' איז מיר אלמאל שווער געווען אז ביי די מלחמת המלכים איז לוט געפאנגן געווארן אין סדום. און דאס איז נאך געווען אסאך פריער. און הערשט נאך די נסיון פון לך לך און אברהם גייט קיין מצרים און קומט צוריק מיט א פארמעגן מיט געלט, זעט אויס אז הערשט דעמאלט הייבט זיך אן די ויאהל עד סדום. און ער איז זיך מיט מחבר מיט אנשי רשע.

[שבת אחים]

לויט ווי ס'איז מבואר אין תוס' אין שבת דף י עמ' ב' איז די סדר הדברים געווען קודם ברית בין הבתרים אין א"י (ווען אברהם אבינו איז געווען 70 יאר אלט), און נאכדעם איז געווען די מלחמת דו"ה מלכים (ווען ער איז געווען 73-סדר עולם), און נאכדעם איז ער צוריקגאגאנגען אהיים און ביי די 75 האט ער געהאט די צוו פון לך לך.

לויט דעם קומט אויס אז די גאנצע פרשה איז ממש פארקערט, קודם די ברית בין הבתרים נאכדעם די מלחמת המלכים און נאכדעם לך לך.

נא, וואס איז טאקע פשט אין דעם? אויב איז אמת אז דברה תורה כלשון בני אדם מענטשען פארציילן דאך נישט קיין מעשיות פארקערט? ספעציעל אן אנצייכענען פאר די ליינער אז די גאנצע מעשה איז פארדרייט אדער אז מ׳שפרינגט יעצט צירוק צו א אנדערע תקופה, סאיז דא פלעצער אין די תורה ווי פון איין פסוק צום צווייטען פליט מען צוריק 1300 יאר אן קיין ווארענונג און אין מוקדם ומאוחר בתורה איז לכאורה א קשיא נישט קיין תירוץ?!.

[ירא שמים]

סאיז שוין איינמאל א תי׳, די תי׳ זאגט אז די תורה איז נישט קיין סטארי בוק.

[קאווע טרינקער]

נו, דער מאן שאמר אין מוקדם ומאוחר בתורה האלט אז לא דברה תורה כלשון בני אדם, ולפי"ז איז קרח גערעכט געווען און די אידן זענען טאקע לפי"ז ארויס פון מצרים מתוך רחמים און נישט ממידת הדין.

[berlbalaguleh]

נו, דער מאן שאמר אין מוקדם ומאוחר בתורה האלט אז לא דברה תורה כלשון בני אדם, ולפי"ז איז קרח גערעכט געווען און די אידן זענען טאקע לפי"ז ארויס פון מצרים מתוך רחמים און נישט ממידת הדין.

קאווע טרינקער: אבער אונז זעה מיר דאך ווי גערעכט קרח און זיינע מענטשן זענען געווען. אויסער אז ס'וועט קומען איינער אן עוואלושיאנערי סייענטיסט מיט איינעם אן אויפגעקלערטן ניק פון קאווע שטיבל, כדוגמת...דער מיט'ן בילד פון הרב גרויז...(איך גלייב שוין דאס אויך נישט... און ער וועט אויפווייזן מיט א דארוויניסטישע טעאריע אז די גאנצע פרשה פון מחלוקת קרח און זיין שטראף האט זיך געצויגן איבער מיליאנען יארן און איז נישט אזוי ווי די פשוט'ע משמעות פונ'ם פסוק, וואס אונז צוריקגעשטאנענע בעלי עגלות, וועלכע פארשטייען נאר צו פאשען פערד און קיען, און נישט צו די הויך-סאפיסטיקירטע טעאריעס פון פילאזאפיע (פי' אפיקורסות(...!

[טמיר]

אז דער אבן עזרא האלט אז די גאנצע מעשה מיט די דריי מלאכים ביי אברהם אבינו איז געווען א חלום, און איז נישט פארגעקומען אין רעאליטעט?

[יהושע חיים]

איך מיין די רמב"ם אין מורה האלט אויך אזוי (די רמב"ן דא אויפן פלאץ קריגט זיך מיט עהם שארף).

[ונבנתה העיר]

פשוט פשט אין כי האדם עץ השדה, און אין הבן יקיר לי אפרים אם ילד שעשועים - איז בתמי'.

און פשוט פשט אין 'לא תקום פעמיים צרה' [לא תקפ"ץ] איז ווייל מיט איין מאהל וועט מען זיי אלע אויס'הרג'ענען...

[ונבנתה העיר]

די וואשיינדליכע סיבה פארוואס פיירעטס זאלן האבן געגאנגען מיט א צודעק אויף איין אויג איז כדי איין אויג זאל די גאנצע צייט זיין צוגעוואוינט צו די טינקל, אזוי אז ווען זיי לויפן אריין אינעווייניג זאלן זיי קענען זעהן.

[שמעקעדיג]

.. אז עראפלאנען האבן א פיצל לעכל אין יעדע פענסטער?

http://www.travelandleisure.com/article ... indow-hole

און נאך 10 זאכן איבער פליען וואס איר האט ווארשיינליך נישט געוואוסט

http://www.tested.com/science/physics/5 ... ut-flying/

[כעלעם'ר מגיד]

... אז קענסוס סיטי, קענסוס איז געשאפען געווארן איבער א יובל יארן נאך קענסוס סיטי, מיזורי. זי איז נישט איין שטאט איבערגעהאקט אינמיטן מיט א סטיעט ליין ווי למשל El Paso, ציווישן טעקסעס און מעקסיקא (ווי כאילו טעקסעס באלאנגט נישט פאר מעקסיקא...), נאר באמת צוויי עקסטערע שטעט. בערך זעכציג יאר נאכדעם וואס קענסוס סיטי, מיזורי האט זיך אויפגעבויעט אין די 1820'ער יארן און שיין אוועקגעשטעלט פינאנציעל האבן די שכנים פון סטעיט אוף קענסוס מחליט געווען אז ס'איז נישט קיין יושר אז א פרעמדע סטעיט זאל איר בא'גנב'נען איר גוטע נאמען. האבן די חברה צוזאמגעשטעלט א געגענט און געשאפן אן אייגענעם קענסוס סיטי אין קענסוס גופא און דערמיט אין איינוועגס אוועקגעשלעפט צוקונפטיגע אינוועסטירער וואס האבן געהערט אז אין "קענסוס סיטי" איז ביזנעס גוט, נישט כאפענדיג זיך אז זיי זענען אין די נישט ריכטיגע קענסוס סיטי. (איר זענט צומישט? איר זענט נישט אליינס. מיליאנען אמעריקאנער מאכן מיט די זעלבע קאפ-דרייעניש ווען ס'קומט זיי אונטער סיי וואס עפעס וועגן "קענסוס סיטי").

למעשה איז עס נישט געלונגען פאר די חכמי קענסוס. עד היום הזה שטייט קענסוס סיטי, מיזורי סאך העכער אין פינאנץ ווי אין מענטשן ווי איר שכן אין די ריכטיגע קענסוס.

[berlbalaguleh]

האט איהר געוואוסט אז מ'האט אנגעהויבן צענזורירן הודעות דא אין קאווע שטיבל, וועלכע אטאקירן נישט קיין שום יחיד אדער גרופ פערזענליך. נאר זיי זענען נישט אין איינקלאנג מיט די פערזענליכע אנשויאונגען פון די "סדרנים". מיט'ן תירוץ אז ס'איז נישט פון די טעמע וואס דער פותח האשכול האט געשריבן. אן דעם וואס מ'זאלל זיך אויסטענה'ן און מתווכח זיין אדער געבן א טשענס צו זאגן עפעס איבער די פארמעקטע הודעה. ווער ס'האט דעם מעקער אין די הענט קען אט די הודעה אויך אויסמעקן. ואין פוצה פה ומצפצף. דזשאסט פאר די רעקארד. מ'זאלל נישט זאגן אז קאווע שטיבל איז נאכאלץ א פרייע פלאטפארמע וואו א יעדער קען אויסדרוקן זיין מיינונג אומגעשטערט...!

[שמעקעדיג]

אז אין אמעריקע, ווען מען וויל מאכן דעם עולם אויפמערקזאם אדער באוואוסטזיניג צו א געוויסע פאקט אדער פענאמענאן, באשטימט מען א "נאציאנאלע טאג" דערויף? (א שטייגער ווי "נישט קיין הויזן" טאג... אדער צב"ש א טאג וואס מען גייט מיט 2 סארטן שיך... עס זענען פאראן אלע סארטן מאדנע טעג, ואכמ"ל)

איך בין נישט פונקטליך באקאנט אין דעם נושא, לכאורה זענען געוויסע טעג נאר אין אמעריקע; און אנדערע איבער די גאנצע וועלט. אדרבה אויב קען איינער מסביר זיין, תבא עליו ברכה.

ועל של עכשיו באנו, נאוועמבער 19 (פארגאנגענע וואך דאנערשטאג) איז באשטימט אלס "אלוועלטליכע טוילעט טאג". יא יא, לאכט נישט, עס איז גארנישט פאני. דאס איז צו ציען אויפמערקזאמקייט אז אין מערערע ארימע דריטע וועלט לענדער, זענען פאראן איבער אנדערטהאלבן ביליאן מענטשן וועלכע האבן נישט קיין נארמאלע סאניטארישע פלאץ וואו צו גיין הכנות, און טוען דאס דעריבער בפרהסיא אויפן גאס, וואס דאס איז גורם שווערע קרענק און אסאך טויט פאלן, בפרט פאר קינדער.

דער פראבלעם איז נאך פיל שווערער ביי מיידלעך און פרויען משום צניעות, און דעריבער זענען פאראן א געוואלד מיט מיידלעך וואס גייען נישט אין קיין סקול צוליב בושה, אנדערע גייען יא אין סקול אבער האלטן זיך איין (אויך נישט געזונט) ביז אין די נאכט אריין צו גיין אין די טונקעלע פעלדער, וואו זיי זענען אויסגעשטעלט צו רעיפ און סעקסואלע אביוז.

וויבאלד עס איז א אומבא'טעמ'טע טעמע צו דיסקוסירן, זענען רוב מענטשן באקוועמער צו מסיח דעת זיין דערפון און פאקוסירן אויף מער געשמאקערע ענינים. אלזא האט מען מתקן געווען דעם טוילעט טאג כדי נישט צו שטופן זאכן אונטערן קארפעט, נאר דאס פאלק זאל זיין אויפמערקזאם איבער דעם פראבלעם און פרובירן צו העלפן.

.

[געוואלדיג]

אז אייער חתימה קען זיך ציעהן אויף 300 שורות.

[בת קול]

אז אייער חתימה קען זיך ציעהן אויף 300 שורות.

איך האב עס געוואלט אויספרובירן צו זעהן וויפיל פ'ס עס נעמט צו שרייבן 300 שורות.

[ונבנתה העיר]

ארום 15 מיליאן מענטשן גלייבן אז גאט האט געגעבן א נייע תורה ארום 180 יאהר צוריק, און טאקע דא אין אמעריקא.

[פרייוויליג]

ארום 15 מיליאן מענטשן גלייבן אז גאט האט געגעבן א נייע תורה ארום 180 יאהר צוריק, און טאקע דא אין אמעריקא.

יוש איז דאס א קראנקע רעליגיע, מען דארף גיין מיט ספעציעל אינטערהויזן וכדו', ווען ראמני איז געלאפן איז אסאך משוגעת'ן פון זיי ארויפגעשווימען אויף די אויבערפלאך...

[ליטוואק פון בודאפעסט]

איך קען נאך אזא רעליגיע וואס האבען ספעציעלע אונטערהויזען.

[שש משזר]

ארום 15 מיליאן מענטשן גלייבן אז גאט האט געגעבן א נייע תורה ארום 180 יאהר צוריק, און טאקע דא אין אמעריקא.

יוש איז דאס א קראנקע רעליגיע, מען דארף גיין מיט ספעציעל אינטערהויזן וכדו', ווען ראמני איז געלאפן איז אסאך משוגעת'ן פון זיי ארויפגעשווימען אויף די אויבערפלאך...

יוש האבן אונז א קראנקע רעליגיע, מען דארף גיין מיט ספעציעלע שטריקלעך ביי די עק פון די קליידער, מ'טאר נישט טראגן געוויסע קליידער, מ'מוז צושניידן א שטיקל פון אן אכט טאגיק קינד וכו'.

א קונץ חוזק צו מאכן פון א צווייטע רעליגיע?! [גראדע אין פאקט באשטייען אירע מיטגלידער פון אן א שיעור נארמאלע, סוקסעספולע, ביזנעסלייט. זיי לעבן זייער גוט צווישן זיך, אזויווי צווישן אנדערע. און זיי האבן גאר גוטע מידות, מער ווי אנדערע רעליגיעס].



נ.ב. מיר האבן ח"ו נישט קיין קראנקע רעליגיע, עס איז א משחק מילים ארויסצוברענגען א נקודה.