שבתי צבי אין יאר תשפ"ב

מחשבה, השקפה ועיון

שבתי צבי אין יאר תשפ"ב

הודעהדורך העניך » דאנערשטאג יוני 17, 2021 11:53 am

ס'איז אין יאר תשפ"ב, ס'איז דורך עטליכע שווערע יאר ביי כלל ישראל, די קאראנא-ווירוס מגיפה האט איבערגעלאזט שרעקליכע חורבנות, די טראגעדיע אין מירון הענגט נאך אין די לופטן, די צייט איז רייף צו הערן א בשורת הגאולה. און אט דערהערט זיך א קלא דלא פסיק אז א מקובל און צופה עתידות מיט'ן נאמען נתן העזתי האט מפרסם געווען אז א צדיק ובעל מופת מיט'ן נאמען שבתי צבי איז דער משיח ה'.

שבתי צבי באווייזט זיך, זאגט וואונדערליכע דברי תורה, דער ציבור וואס זעט אים ווערט איבערגענומען פון זיין גאונות און כאריזמע, און צוביסלעך פאנגען מער און מער אידן אן צו גלייבן אז דער גרויסער טאג איז דא. הנה מלכך המשיח בא!

דער ווינט האט זיך אנגעהויבן ביי די ספרדים, דערנאך אריבער צו די ליטווישע, און יעצט, אין אלול תשפ"ב, האט די משיחישע פיבער איבערגענומען די חסידישע וועלט. דער סקווערער רבי האט אין א שמועס מיט'ן לימנובער רב געדרוקט אין "בחצרות הקודש" געלאזט פאלן ווערטער אז ווי ס'קוקט אויס איז שבתי צבי דער משיח. דער סאטמארער רבי פון קרית יואל איז ציטירט געווארן אין אן ארטיקל אין "דער בלאט" אז שבתי צבי איז מרומז אין א שטיקל דברי יואל אין פרשת ויחי. דער באבובער רב האט געזאגט אז די סימנים שטימען מיט די ווערטער וואס דער קדושת ציון האט געלאזט פאלן פאר ער איז אומגעברענגט געווארן על קידוש ה'.

דער סאטמארער רבי פון וויליאמסבורג האט נישט געלאזט הערן קיין שום מיינונג, אבער ער האט אויפגענומען ביי זיך אין שטוב מיט גרויס הערצה הג"ר מלכיאל קאטלער וועלכער איז לעצטנס אריבערגעפארן קיין ארץ-ישראל פערזענליך מקבל מרות זיין פון שבתי צבי. דער רבי פון באבוב-45 האט אויך נישט גערעדט בפירוש פונעם משיח, אבער ווען ס'האט עמיצער פון די גרויסע חסידים אויסגעשריגן נאכ'ן דאווענען "שבתי צבי הוא המשיח" און אלע מתפללים האבן נאכגעזאגט זיבן מאל, האט דער רבי לייכט געשמייכלט.

עס איז פאראן א שמועה אז הג"ר אשר ווייס האט געזאגט פאר די נאנטע אז לבו אומר לו אז שבתי צבי איז א משיח שקר, אבער דערווייל איז ער נישט ארויסגעקומען ברבים מיט אזא דעקלעראציע. פארקערט, ווען נתן העזתי איז געווען ביי אים דורכשמועסן א גמרא, האט ער אים אויפגענומען מיט כבוד. די שטוב מענטשן טענה'ן אז הרב ווייס האט דאס געטון פשוט ווייל ער האט נישט געוואלט אויפרעגן די מיליאנען נאכפאלגער פון שבתי צבי. אבער דערווייל איז נישט דא קיין קלארע הוראה.

ס'איז נישט צו זאגן אז יעדער פאלגט נאך דעם משיח, מאנכע זענען סקעפטיש. אבער ס'איז קלאר אז עפעס דראמאטיש קומט דא פאר. צענדליגער טויזנטער משפחות האבן פארקויפט זייער האב און גוטס אין חו"ל, און האבן זיך אריבערגעצויגן קיין ארץ ישראל, און עס געדענקט זיך נישט פאר דורות אזא מצב פון שמחה און אויפהייטערונג ביי כלל ישראל. ס'איז די יארן ווען ס'איז קוים פארבליבן איבערלעבער פונעם האלאקאוסט, די סאמע לעצטע איבערלעבער זענען שוין אין די ניינציגער יארן, און די ביטערע קאשמארן פונעם קריג וועקן זיך אויף. מ'זאגט נאך א מאמר פונעם הייליגן רבי שלומ'קע זווהילער אז ער איז בטוח אז דער ביטערער חורבן איז געווען חבלי משיח, און אז עס וועלן זיין מלחמה-איבערלעבער וואס וועלן נאך זוכה זיין צו זען משיח. יעצט איז די צייט!

* * *

כ'קלער צו מיר, אין אזא מצב, וויאזוי וואלט איך געקענט איבערקומען דעם דראנג פון ווערן א שבתאי. וואס וואלט מיך אנגעדייט אז עפעס איז נישט בסדר דא? און איך האלט אז יעדער איד דארף זיך פרעגן די זעלבע פראגע: אויב וואלט זיך א שבתי צבי מעשה איבערגעשפילט בימיו, וואלט די אידישקייט וואס ער דינט בייגעקומען דעם נסיון? וואס וואלט געווען דיין סימן וואס וואלט דיך געגעבן דעם קוראזש צו טראכטן און זאגן, "ניין, איך גיי נישט מיט'ן ווינט. מיר קוקט אויס אז שבתי צבי איז א משיח שקר"?
האט איר הנאה געהאט פון מיין ארטיקל? גיט א 'לייק' און שיקט א לינק צו אייערע פריינט. אבער בשום אופן נישט קאפירן דעם גאנצן ארטיקל און שיקן ווייטער - אדם אוסר את שלו.
באניצער אוואטאר
העניך
שריפטשטעלער
שריפטשטעלער
 
הודעות: 725
זיך רעגיסטרירט: מאנטאג יאנואר 25, 2016 6:54 pm
האט שוין געלייקט: 773 מאל
האט שוין באקומען לייקס: 3187 מאל

הודעהדורך באר מים » דאנערשטאג יוני 17, 2021 12:04 pm

אפשר איז ער טאקע משיח?
באר מים
מאנשי שלומינו
מאנשי שלומינו
 
הודעות: 30
זיך רעגיסטרירט: מאנטאג יולי 06, 2020 2:08 pm
האט שוין געלייקט: 44 מאל
האט שוין באקומען לייקס: 10 מאל

הודעהדורך העניך » דאנערשטאג יוני 17, 2021 12:06 pm

דער דאזיגער אשכול איז אין "העמק דבר" און איז געמאכט פאר ערנסטע ענטפערס. ליצנות און סארקאסטישע באמערקונגען וועל איך פארמעקן.
באניצער אוואטאר
העניך
שריפטשטעלער
שריפטשטעלער
 
הודעות: 725
זיך רעגיסטרירט: מאנטאג יאנואר 25, 2016 6:54 pm
האט שוין געלייקט: 773 מאל
האט שוין באקומען לייקס: 3187 מאל

הודעהדורך כרם זית » דאנערשטאג יוני 17, 2021 12:29 pm

@העניך ביזט פיינע נייעס. די "לבי אומר לי" פון הגר"א לבן האט מיר געכאפט.

ערנסט גערעדט. אינז אידן גייען אלס ווי אין שו"ע ממילא ווילאנג דער משיח איז אן ערליכער (לאפוקי שבתי צבי) איז נישט קיין שום עולה צו גלייבן אין אים. און אויב שטעלט זיך ארויס ווי ר׳ אשר וייס, דאן איז ער כשאר מלכי בית דוד הכשרים וכמבואר ברמב"ם הלכות מלכים.

אגב שב ואל תעשה איז אלעמאל עדיף. אינז טרעפן נישט קיין שום מקור אז מדארף גלייבן אין א ספעציפישע משיח. ס"ה דארף מען גלייבן אז יבוא יבוא.
וידוע מאמר החכם: כשם שאי אפשר לתבן בלי בר, כך אי אפשר לכרם בלי קוצים.
באניצער אוואטאר
כרם זית
היימישער באניצער
היימישער באניצער
 
הודעות: 377
זיך רעגיסטרירט: מיטוואך מאי 06, 2020 6:41 pm
געפינט זיך: צווישן האמער און נאגל
האט שוין געלייקט: 540 מאל
האט שוין באקומען לייקס: 449 מאל

הודעהדורך רביה''ק זי''ע » דאנערשטאג יוני 17, 2021 1:04 pm

איך וואלט מן הסתם מיטגעגאנגען מיט'ן ווינט ווילאנג ער הייסט מיר נישט וואס צוטוהן.
@עדיאל - "Behind every great man there's a miserable woman"
קאוועשטיבל #למעשה: וויאזוי זיך ארויסצוזעהן פונעם "סיסטעם".
באניצער אוואטאר
רביה''ק זי''ע
חבר ותיק
חבר ותיק
 
הודעות: 4479
זיך רעגיסטרירט: דאנערשטאג פעברואר 15, 2018 9:46 pm
געפינט זיך: אין קוויטל-שטוב
האט שוין געלייקט: 4351 מאל
האט שוין באקומען לייקס: 3924 מאל

הודעהדורך berlbalaguleh » דאנערשטאג יוני 17, 2021 4:26 pm

העניך: נאך א מזל אז בימיו פונ'ם אריגינאלן שבתי צבי איז נישט געווען קיין טוויטער און אינסטאגראם...!

איך. (און כמעט א יעדער דא) כאפט דיין נקודה. אז ס'איז זייער גרינג מיט צו גיין מיט'ן שטראם. מ'קען אפילו טרעפן רמזים אין די תורה. און פארקערט. ס'איז זייער שווער זיך אקעגנצושטעללן די פאפולערע מיינונג...!

איך געב דיר רשות (כאילו דו פרעגסט מיך) צו פארמעקן מיין תגובה. נאר איין בקשה האביך. זיי מוחל ווארט 5 מינוט פאר דו פארמעקסט עס. ווייל איך ווילל אז כאטש א טייל פון מיינע גוטע פריינט זאללן עס קענען ליינען...!
באניצער אוואטאר
berlbalaguleh
שריפטשטעלער
שריפטשטעלער
 
הודעות: 14770
זיך רעגיסטרירט: דינסטאג יולי 17, 2012 12:57 pm
האט שוין געלייקט: 16971 מאל
האט שוין באקומען לייקס: 9652 מאל

הודעהדורך מי אני » דאנערשטאג יוני 17, 2021 5:17 pm

הגם עס איז ריכטיג אז חרדים, אפילו כהיום, גלייבן בעצם יא אין א ליטעראלן ״ביאת המשיח״, און גייען בעצם נישט קאַנשׁיסלי אננעמען אזוי ווי פּראפעסאר ליבוביץ און דר. שווארצטשיילד אז די געדאנק און אמונה במשיח איז אן אידעאל צו וואס מ׳קומט אלס נענטער און נענטער צו דערצו אָן עס קיינמאל גרייכן, איז אבער קען מען דאך טענה׳ן אז סאָבּקאנשעסלי נעמען זיי בעצם יא אָן (עכ״פ צו עפעס אן עקסטענט) אזוי ווי זיי. דאס איז ענליך צו וואס אונז הא׳מיר דא צוגעברענגט בענין אמונה בשדים וכו׳ כהיום ביי חרדים: מ׳צאלט פארשטייט זיך ליפּ-סערוויס דערצו און קאַנשׁיסלי גלייבט מען דערין (ווי עפעס אן ״ענין״) אבער למעשה למעשה ווען פּוּשׁ-קומט-צו-שׁאָוו זענען אפילו חרדים (עכ״פ סאָבּקאַנשעסלי) גאר שטארק סקעפּטיש. והיינו לענינינו אז טאמער קומט כהיום איינער אויף אז ער איז ״משיח״, מיט הסכמות פון רביס, גלייב איך אז אפילו אלגעמיינע חרדים וועלן דאך זיין (שטארק) סקעפּטיש דערצו. (איך פארשטיי אז דא איז עס בעצם נישט אזוי ווייט ״מופתי/סגולי״ און שטימט יא בעצם מיט׳ן געהעריגן מעכאניסטישן טבע וכו׳; אנדערש ווי ביי שדים וכדומה.)

איך פארשטיי אז מ׳זעהט דאך אז חרדים זענען יא גאר גאָליבּל צו גלייבן אין כל מיני אמונות טפילות, מופתים, וסגולות אא״וו. אבער ״משיח ל/במעשה״ איז שוין לכאורה אסאך מער האַרדקאָר און א העכערע, אָלטימעט, און עסכעטאלאגישע אידעאל (הגם דאס איז דאך יא פון די עיקרי אמונה) און פאדערט לכאורה דאך א שטערקערע עסענט. ויש לעיין.

איך פארשטיי אז למשל דאס איז אביסל סותר מיין הנחה. אבער איך גלייב אז איה״נ דער אלגעמיינער חרדי האט טאקע אויך געשמייכעלט דערפון, און טאקע (סאָבּקאַנשעסלי) מהאי טעמא.

אזויפיל יא, טאמער לא׳מיר זאגן דער אלגעמיינער חדרי׳שער גאס האט שוין יא אזוי אנגענומען, איז די שאלה ווי ווייט א ראציאנאלע מענטש וואלט געקענט ביישטיין דעם פסיכאלאגישן בּענדוועגאן עפעקט און גרוּפּטינק וכדומה.
רעדאגירט געווארן צום לעצט דורך מי אני אום דאנערשטאג יוני 17, 2021 6:06 pm, רעדאגירט געווארן איין מאל בסך הכל.
"איך בין אפילו נישט זיכער אז איך עקזיסטיר, ווי אזוי קען איך זיין זיכער אז"... - יאיר דא
באניצער אוואטאר
מי אני
שריפטשטעלער
שריפטשטעלער
 
הודעות: 2369
זיך רעגיסטרירט: פרייטאג אקטאבער 05, 2018 4:32 pm
האט שוין געלייקט: 8546 מאל
האט שוין באקומען לייקס: 1793 מאל

הודעהדורך אלע צוזאמען » דאנערשטאג יוני 17, 2021 6:04 pm

רוב עולם וואלט טאקע יא נשפע געווארן פון די ווינט, און אים נאכגעלאפן, אזוי ווי עס איז טאקע געווען ביי שבתי צבי ימ''ש.
אבער וואס יא, א ריזיגע חלק קאווע שטיבל חברים וואלטן נישט געווארן נאכגעשלעפט, ווייל די רבנים האבן געזאגט אז מ'זאל אים נאכגיין :P
אלע צוזאמען
ידיד השטיבל
ידיד השטיבל
 
הודעות: 170
זיך רעגיסטרירט: מאנטאג יאנואר 11, 2021 6:39 pm
האט שוין געלייקט: 155 מאל
האט שוין באקומען לייקס: 140 מאל

Re: שבתי צבי אין יאר תשפ"ב

הודעהדורך דער גאלדענער אדלער » דאנערשטאג יוני 17, 2021 6:45 pm

אלץ סיגוט/סאטמארער אפשטאמיגער, איז דאך אונז באקאנט די מעשה מיטן ישמח משה מיט וואשן די הענט נאך די פיש. במילא וועט דאס זיין פון די ערשטע זאכן וואס מ'וועט בודק זיין.
יוש! כ'שפיר שוין די שטרענגע בליקן פון העניך, אט אט קומט ער און ער דערלאנגט מיר מנה אחת אפים פאר'ן ענטפערן מיט ליצנות ביי עם אינדערהיים, ווען ער האט בפירוש אנגעזאגט שטרענג אז ער וועט נישט צולאזן בשום פנים ואופן דא ליצנות נאר ערענסטע תשובות.

אבער ערענסט גערעדט, כלל ישראל איז שוין דורך איבער גענוג אזאנע משיחי שקר, אז ווער ס'וויל קען ארויסנעמען וועם יא און וועם נישט צוגלייבן. עכ"פ אזוי שפיר איך ביי מיר, ספעציעל נאך אזוי ווי דו לייגסט עס אראפ אז דער רבי און יענער רבי האבן מקבל מרות געווען, וואס דאס אליינס צינדט אן א רויטע פאן און שרייט אויס "שטיי אוועק" און גלייב נישט און די שטותים. אוודאי זענען דא אייביג וואס גלייבן אין כל מיני סגולות, אין קברים ג'גייעכטס, אין עין הרע ג'לעשאכטס, וכו' וכו' במילא וועלן שטענדיג זיין אזאנע וואס וועלן אין אזא איינעם אויך גלייבן, ספעציעל אויב ס'וועלן ארום צירקולירן אותות ומפתים, אבער בדרך כלל וועלן זיין גענוג מענטשן וואס וועלן זיין נזהר נישט צו גלייבן אין די סארט מענטשן, וגם אני הקטן והשפל.

אויך, היינט איז אנאנדערע וועלט ווי אמאל. די וועלט איז אסאך מער פארגשריטן מ'ווייסט אסאך מער און אינפארמאציע קומט אן אזוי שנעל כהרף עין. למשל היינצוטאגס וואלט מען נישט געקענט פארקויפן פאר'ן יוגענט, מחניים מעשה ביכלעך. אדער אידישע ליכט/שטראלן, בעש"ט אלעקסיי וואגן לופט פליען, סמבטיון שטיינער ווארפעריי, פריץ מיטן קרעטשמע, שפאלער זיידע מיט'ן בער טאנצעריי ועוד ועוד פיקציעס. במילא איז אסאך שווערער צו פארקויפן א משיח מעשה. כן נראה לפענ"ד.

Sent from my SM-G991U using Tapatalk
דער גאלדענער אדלער
ידיד ותיק
ידיד ותיק
 
הודעות: 935
זיך רעגיסטרירט: דאנערשטאג אפריל 27, 2017 6:30 pm
האט שוין געלייקט: 4276 מאל
האט שוין באקומען לייקס: 1679 מאל

Re: שבתי צבי אין יאר תשפ"ב

הודעהדורך דער גאלדענער אדלער » דאנערשטאג יוני 17, 2021 6:46 pm

אלע צוזאמען האט געשריבן:רוב עולם וואלט טאקע יא נשפע געווארן פון די ווינט, און אים נאכגעלאפן, אזוי ווי עס איז טאקע געווען ביי שבתי צבי ימ''ש.
אבער וואס יא, א ריזיגע חלק קאווע שטיבל חברים וואלטן נישט געווארן נאכגעשלעפט, ווייל די רבנים האבן געזאגט אז מ'זאל אים נאכגיין :P
מיין לייק איז פאר די אינטערשטע דריי שורות

Sent from my SM-G991U using Tapatalk
דער גאלדענער אדלער
ידיד ותיק
ידיד ותיק
 
הודעות: 935
זיך רעגיסטרירט: דאנערשטאג אפריל 27, 2017 6:30 pm
האט שוין געלייקט: 4276 מאל
האט שוין באקומען לייקס: 1679 מאל

הודעהדורך אישתישבי » דאנערשטאג יוני 17, 2021 7:00 pm

ווען דער טעיפ פין דער דיבוק האט דער ערשטער מאל ארויס, האבן רוב בחורים געגלייבט, יונגעלייט ווייניגער, און בעלעבתים נאך ווייניגער.

מן הסתם וואלט זיך דא אפגעשפילט דאס זעלבע.

ווי אויך, וואלטן די רבי'ס געשפילט פארעווע, נישט לכאן אדער לכאן, ווייל דורך געבען דער שבתי צבי אויטענטישקייט, לאזן זיי אריין אין שרעקליכע סכנה זייער גאנצע ביזנעס. טאמער עפעס וואלטען זיי עס אוועק געמאכט, ווייל עס מיינט מודה זיין אז עפעס איז גרעסער פין זיי, און דאס איז א נאו נאו.
א קונץ צו זיין אליהו הנביא? א קונץ צו זיין איש תשבי!
אישתישבי
שריפטשטעלער
שריפטשטעלער
 
הודעות: 3385
זיך רעגיסטרירט: מיטוואך מערץ 09, 2016 12:19 am
האט שוין געלייקט: 126 מאל
האט שוין באקומען לייקס: 1827 מאל

Re: שבתי צבי אין יאר תשפ"ב

הודעהדורך תוהו ובוהו » דאנערשטאג יוני 17, 2021 7:04 pm

מי אני האט געשריבן:איך פארשטיי אז מ׳זעהט דאך אז חרדים זענען יא גאר גאָליבּל צו גלייבן אין כל מיני אמונות טפילות, מופתים, וסגולות אא״וו. אבער ״משיח ל/במעשה״ איז שוין לכאורה אסאך מער האַרדקאָר און א העכערע, אָלטימעט, און עסכעטאלאגישע אידעאל (הגם דאס איז דאך יא פון די עיקרי אמונה) און פאדערט לכאורה דאך א שטערקערע עסענט. ויש לעיין.


איך מיין אז היא הנותנת, דהיינו א גרויס חלק פון די היינטיגע חרד'ישע טיפישע אמונות טפילות, איז אלעס צו מושג'זירן, ממילא אפי' ער גלייבט אפשר אז משיח איז למעשה א מענטש, מיט אלעס וואס דאס מיינט, און קומט רייטן אויף אן אייזל וואס גייט הכנות. דאך ''קען נישט קומען דער מענטש וואס וועט פארקערפערן אין זיך אלע אמונות טפילות אויף משיח..'',

פונקט ווי אויב זאל אברהם אבינו, אדער משה רבנו (צו אפילו אביי ורבא, און ביי געוויסע אפילו דער אר''י ובעש''ט) קומען צו גיין, וועט קיין איין זעלבסט רעספעקטירטע חרדי נישט מסכים זיין אז דאס איז אברהם, הלמאי זיין נאז רינט פונקט ווי מיינס, און זיין בויך איבלט?!
מ'רעדט דאך פון דער וואס הכיר את בוראו א שיינע פאר מאל אין לעבן, געזעהן/גע'חלום'ט גאט מיט מלאכים, א שראנק מיט מושגים און בחינות, כוונות, זענען דאך ארויפגעקלעפט אויף אים וכו' וכו' וכו'.

Sent from my KFDOWI using Tapatalk
תוהו ובוהו
ידיד השטיבל
ידיד השטיבל
 
הודעות: 176
זיך רעגיסטרירט: זונטאג נאוועמבער 01, 2020 9:08 pm
האט שוין געלייקט: 141 מאל
האט שוין באקומען לייקס: 209 מאל

הודעהדורך תרמב » דאנערשטאג יוני 17, 2021 7:08 pm

די עולם היינטיגע צייטן גלייבט שוין נישט גארנישט, איך גלייב שווער אז די עולם וואלט נאכגעגאנגען, חוץ מזה פארשטיי איך אז ווען משיח וועט קומען וועט זיין א הרגשה ביי יעדן אז דאס איז עס.
סתם אזוי האב איך געקלערט אז ווען משיח וועט קומען וועט זיין א פראבלעם אויב וועט ער זיין ליבאוויטשע רבי וועלן די ליטווישע בשום אופן אים נישט וועלן מקבל זיין, און טאמער נישט וועלן די ליבאוויטשע אים נישט אנעמען.
תרמב
ידיד ותיק
ידיד ותיק
 
הודעות: 619
זיך רעגיסטרירט: מיטוואך יולי 29, 2020 9:28 am
האט שוין געלייקט: 2153 מאל
האט שוין באקומען לייקס: 548 מאל

Re: שבתי צבי אין יאר תשפ"ב

הודעהדורך מאנטריאל » דאנערשטאג יוני 17, 2021 7:58 pm

די אלגעמיינע חרדים גלייבן אז תחית המתים גייט פארקומען גראד ווען משיח גייט קומען אן דעמאלטס גייט מען ווייזן מיט די פינגער ... נישט אזוי עפעס אומנאטורליך גייט פארקומען אויך עס איז בעסט אויף געוויסע מאמרים חזל

Sent from my SM-G930W8 using Tapatalk
מאנטריאל
א גאסט אין שטיבל
א גאסט אין שטיבל
 
הודעות: 19
זיך רעגיסטרירט: דאנערשטאג אקטאבער 08, 2020 12:04 am
האט שוין געלייקט: 0 מאל
האט שוין באקומען לייקס: 3 מאל

הודעהדורך תרמב » דאנערשטאג יוני 17, 2021 8:01 pm

דאס איז דאך א בפירושע פסוק, ווען משיח וועט קומען וועט ער ווייזן מיט די פינגער............
תרמב
ידיד ותיק
ידיד ותיק
 
הודעות: 619
זיך רעגיסטרירט: מיטוואך יולי 29, 2020 9:28 am
האט שוין געלייקט: 2153 מאל
האט שוין באקומען לייקס: 548 מאל

הודעהדורך ישעיה » דאנערשטאג יוני 17, 2021 9:27 pm

ליפא זינגט דאך שוין דער ציפעדיגע עגל ניגון
"ויחר אף ה' - לוי איז געווען גערעכט"
ישעיה
ידיד השטיבל
ידיד השטיבל
 
הודעות: 176
זיך רעגיסטרירט: מיטוואך אקטאבער 16, 2019 4:30 pm
האט שוין געלייקט: 237 מאל
האט שוין באקומען לייקס: 100 מאל

הודעהדורך אישתישבי » דאנערשטאג יוני 17, 2021 10:07 pm

אויף דער שאלה
אפשר איז ער טאקע משיח?


האט געענטפערט

העניך האט געשריבן:דער דאזיגער אשכול איז אין "העמק דבר" און איז געמאכט פאר ערנסטע ענטפערס. ליצנות און סארקאסטישע באמערקונגען וועל איך פארמעקן.


איך מיין אז עס איז א ערענסטע שאלה, טאמער געשעהט אזא זאך, אז יעדער זאגט ער איז משיח, מיט וואס איז ער א שבתי צבי?

איי ש"ץ אליין? ער איז געגאנגען צו ווייט צו שנעל.
א קונץ צו זיין אליהו הנביא? א קונץ צו זיין איש תשבי!
אישתישבי
שריפטשטעלער
שריפטשטעלער
 
הודעות: 3385
זיך רעגיסטרירט: מיטוואך מערץ 09, 2016 12:19 am
האט שוין געלייקט: 126 מאל
האט שוין באקומען לייקס: 1827 מאל

הודעהדורך מי אני » דאנערשטאג יוני 17, 2021 10:46 pm

וואס דו פרעגסט איז אז וויבאלד דא רעדט מען דאך בו בעת, און נישט אין רעטראָספּעקט לאחר המעשה, ווי אזוי ווייסט מען אז ער איז טאקע נישט משיח, בפרט אז ער האט (ווי נישט) הסכמות המנהיגים? אבער איך גלייב אז רוב, אויב נישט אלע, ליינערס דא האבן פארשטאנען פונקט ווי @העניך אז @באר מים איז דא סארקאסטיש. איז דאס אויב אזוי טאקע א ראיה לדברי אויבן אז כהיום אין אונזער עפאכע ווען פּוּש-קומט-צו-שׁאָוו וואלט ער, ולכאורה סתם חרדים דכוותיה כהיום, געזאגט און געהאלטן אין אזא פאל ״דריי מיר נישט קיין קאפ״.

וואס ווערט שווער אבער איז וואס האלטן די רבנים אליין? אבער מאידך גיסא קען מען זיי דען רעכענען ווי די ״אלגעמיינע״ געדאנקענגאנג פון א חרדי? ואולי קען מען אפילו זאגן אז איה״נ אז אפילו די רבנים אליין וואלטן דאס קיינמאל נישט אינדארסירט (אפשר מיט האלבע ווערטער המשתמע לתרי אנפין צו צייגן אויף זייער אלגעמיינע אמונה בזה פאר׳ן המון עם און אז זיי זענען ״חלילה נישט [קאַנשיסלי] סקעפּטיש״ אין די ליטעראלע אפטייטש פונעם עיקר, און ווי אויך אלס פראקטיש אויף זיי צו געבן דענייעבּיליטי ווען עס אינעוויטעבּלי פאלט צאם).
"איך בין אפילו נישט זיכער אז איך עקזיסטיר, ווי אזוי קען איך זיין זיכער אז"... - יאיר דא
באניצער אוואטאר
מי אני
שריפטשטעלער
שריפטשטעלער
 
הודעות: 2369
זיך רעגיסטרירט: פרייטאג אקטאבער 05, 2018 4:32 pm
האט שוין געלייקט: 8546 מאל
האט שוין באקומען לייקס: 1793 מאל

הודעהדורך קויפער » דאנערשטאג יוני 17, 2021 11:01 pm

ביי מיר וואלט ער קלאר געווען א משיח שקר, ע״פ משנתו של ישעי׳ ליבוביץ:

https://www.youtube.com/watch?v=Zz-QMDPW5RM

״מה זה בו״ה, בו״ה״ ~ליפא
באניצער אוואטאר
קויפער
מאנשי שלומינו
מאנשי שלומינו
 
הודעות: 25
זיך רעגיסטרירט: דאנערשטאג יוני 04, 2015 9:25 pm
האט שוין געלייקט: 10 מאל
האט שוין באקומען לייקס: 32 מאל

הודעהדורך בת קול » דאנערשטאג יוני 17, 2021 11:12 pm

וואס טוהט מען אויב טראמפ אנאנסירט ווען אז ער איז משיח?
.There is a voice that doesn’t use words
.Listen
באניצער אוואטאר
בת קול
שריפטשטעלער
שריפטשטעלער
 
הודעות: 947
זיך רעגיסטרירט: מיטוואך נאוועמבער 18, 2015 3:34 pm
געפינט זיך: אין מיינע געדאנקען
האט שוין געלייקט: 1136 מאל
האט שוין באקומען לייקס: 1103 מאל

הודעהדורך רביה''ק זי''ע » דאנערשטאג יוני 17, 2021 11:28 pm

כה אמר השם למשיחו לטראמפ (ע״פ ישעיהו מה א)
@עדיאל - "Behind every great man there's a miserable woman"
קאוועשטיבל #למעשה: וויאזוי זיך ארויסצוזעהן פונעם "סיסטעם".
באניצער אוואטאר
רביה''ק זי''ע
חבר ותיק
חבר ותיק
 
הודעות: 4479
זיך רעגיסטרירט: דאנערשטאג פעברואר 15, 2018 9:46 pm
געפינט זיך: אין קוויטל-שטוב
האט שוין געלייקט: 4351 מאל
האט שוין באקומען לייקס: 3924 מאל

הודעהדורך מי אני » דאנערשטאג יוני 17, 2021 11:29 pm

מאנטריאל האט געשריבן:די אלגעמיינע חרדים גלייבן אז תחית המתים גייט פארקומען גראד ווען משיח גייט קומען אן דעמאלטס גייט מען ווייזן מיט די פינגער ... נישט אזוי עפעס אומנאטורליך גייט פארקומען אויך עס איז בעסט אויף געוויסע מאמרים חזל

ובנוגע וואס האלטן חרדים (עכ״פ סאָבּקאַנשעסלי) בנוגע דעם דרייצענטן עיקר פון תחיית המתים, וואס איז שוין יא מער נסי עפ״י הרמב״ם באגרת תחיית המתים, און איז מקושר צום צוועלעפטן עיקר פון ביאת המשיח? איז עס אולי דאך דורך א סארט מער נאטורליכן מהלך ווי צב״ש כעין דר. פרענק טיפּלער׳ס אָמעגא פּונקט מהלך וואס האט דאך א חומריות׳דיגע אספעקט.

עס איז אבער א בכלל א באקאנטע מבוכה צווישן די פארשער (ווי צב״ש דר. ראבּערט קירשנער און דר. תמר רודאווסקי) צי דער רמב״ם האט באמת געהאלטן פון תחיית המתים על אף זיין אגרת. זיי טענה׳ן אז ער האט דאס געהאלטן און אוועקגעשטעלט אלס עיקר מכח אמונה הכרחית לההמון.

(דער רלב״ג, אין סוף ספר דניאל, האט נישט קיין פראבלעם מיט תחיית המתים בדרך נס, ועיין במלחמות ה׳ מאמר ו ח״ב פי״ב איבער זיין מער נאטורליכע קאָנסעפּשאן פון נס/מופת בכלל.)

דער עיקרים (מאמר א פכ״ג) טאקע האלט אז אמונה בביאת המשיח ובתחיית המתים, הגם שראוי לכל בעל דת שיאמין בהן און זיי זענען ענפים פון די עיקרי אמונה, זענען אבער נישט קיין עיקרים און שרשים און איינער וואס לייקענט אין זיי איז נישט קיין ״כופר״ בתורה (הגם ער איז א מקצת ״מין״ אבל יש לו חלק לעוה״ב, ועיין שם בעץ שתול בסוף הפרק). פונקט אזוי ווי דער וואס גלייבט אין בריאת העולם נאר אז ס׳איז יש מיש מחומר קדמון ע״ש.

אבער רבו האור ה׳ האט נישט געהאלטן אזוי ועיין שם במאמר ג ח״א כלל ד וכלל ח.
רעדאגירט געווארן צום לעצט דורך מי אני אום פרייטאג יוני 18, 2021 8:43 am, רעדאגירט געווארן 2 מאל בסך הכל.
"איך בין אפילו נישט זיכער אז איך עקזיסטיר, ווי אזוי קען איך זיין זיכער אז"... - יאיר דא
באניצער אוואטאר
מי אני
שריפטשטעלער
שריפטשטעלער
 
הודעות: 2369
זיך רעגיסטרירט: פרייטאג אקטאבער 05, 2018 4:32 pm
האט שוין געלייקט: 8546 מאל
האט שוין באקומען לייקס: 1793 מאל

הודעהדורך הקטן » דאנערשטאג יוני 17, 2021 11:43 pm

אישתישבי האט געשריבן:אויף דער שאלה
אפשר איז ער טאקע משיח?

האט געענטפערט
העניך האט געשריבן:דער דאזיגער אשכול איז אין "העמק דבר" און איז געמאכט פאר ערנסטע ענטפערס. ליצנות און סארקאסטישע באמערקונגען וועל איך פארמעקן.

איך מיין אז עס איז א ערענסטע שאלה, טאמער געשעהט אזא זאך, אז יעדער זאגט ער איז משיח, מיט וואס איז ער א שבתי צבי?
איי ש"ץ אליין? ער איז געגאנגען צו ווייט צו שנעל.

מיר איז אריין דער זעלבער מחשבה ווען איך האב געזען די קעפעל פינם אשכול

סאיז דאך אויך דא דער מעגליכקייט אז ער איז טאקע משיח, ווייל ס'איז אמאל געווען א שבתי צבי, איז וואס?
עמקות דריקט זיך אויס אמאל אסך בעסער מיט א ווארט אדער קארצע זאץ אבער לאו כל מוחא סביל דא
די שאלה קען געפרעגט ווערן אויך פין די אנדער זייט, "און אויב איז ער משיח ווען וועסטו אנפאנגען גלייבן אין אים?"


וואס וועט מיך מאכן האלטן איין וועג אדער די אנדערע, איז א ליידיגער שאלה, וואו לאנג איך ווייס נישט גענוי אלע פרטים וואס וועט דאן זיין-
פינקט אוזוי וואו יעדער אנדערע סארט שמיעה וואס א יעדער איז ביי זיך מחליט צי איז דאס אמת אדער נישט -
וואו גיט שטימט די רמז און די דברי יואל פרשת ויחי? וואס זענען די סיבות וואס די אדער יענער רבי איז פרא אדער אנטי? וואס איז ער מיך מחייב?
און נאך א מיליאן קליינע פרטים...
רעדאגירט געווארן צום לעצט דורך הקטן אום פרייטאג יוני 18, 2021 6:54 am, רעדאגירט געווארן 3 מאל בסך הכל.
I want atheism to be true and am made uneasy by the fact that some of the most intelligent and well-informed people I know are religious believers

Thomas Nagel
הקטן
חבר ותיק
חבר ותיק
 
הודעות: 2883
זיך רעגיסטרירט: דינסטאג מאי 15, 2012 7:30 pm
האט שוין געלייקט: 2156 מאל
האט שוין באקומען לייקס: 1316 מאל

הודעהדורך לבי ובשרי » דאנערשטאג יוני 17, 2021 11:48 pm

@העניך לייק עוורי טיים איז די בעסט! הויש איז דאס א נושא פון וואס כ'טראכט שוין פון פאר קאראנע...

דער אמת'ער און ערנסטער ענטפער צו דיין דילעמע איז דאך זייער פשוט און לכאורה ווייסט דאס יעדער איינער. דאס איז, אז דער רמב"ם שרייבט דאך אין הלכות מלכים (י"א א') אזויפיל דערוועגן ,און ער רעכנט אויס מיט א שטארקע קלארקייט וועלכע סימנים עס מיינט יא עפעס און וואס נישט, און וואס גענוי עס דארף פאסירן אז מ'זאל וויסן אז די רעדע איז פון משיח; א שטייגער ווי מלחמת גוג ומגוג וואס וועט פארקומען בעפאר, און דאס אז משיח וועט אויפבויען דעם בית המקדש, לוחם זיין מלחמת ה' און מקבץ זיין נדחי ישראל.

מאידך גיסא דארף מען געדענקען די ווערטער פונעם רמב"ם דארט:
"ואל יעלה על דעתך שהמלך המשיח צריך לעשות אותות ומותים ומחדש דברים בעולם או מחיה מתים וכיוצא בדברים אלו, אין הדבר כך" וכו',

ממילא איז ווידער גאר ווייט פון דאס וואס מענטשן מיינען אז די רעדע איז פון עפעס א יודע וצופה עתידות און עושה נפלאות.

און ווידער דאס איז דאך זיכער ווי דער רמב"ם שרייבט (אין פרק י"ב) אז אפילו אין ימות המשיח וועט דאך עולם כמנהגו נוהג און G&G וועט ווארשיינליך ווייטער בלייבן אפן און נישט אננעמען קיין דריטע פארטיי טשעקס...

מער דערוועגן קען זיין גאר באלערנד מעיין צו זיין אין ספר פרקי מחשבה פון מו"ר הגר"ע טויבער (י"ג עקרים, ימות המשיח און אינעם חלק ההשלמות מאמר ט"ז דאכט זיך).

נ.ב. אמאל אין א שמועס מיט א ליובאוויטשער משיח'יסט, האב איך צו אים גע'טענה'ט די אויבנדערמאנטע: היתכן דו קענסט זאגן אז דיין רבי איז משיח בעת ווען דער רמב"ם רעכנט אויס אזויפיל סימנים וכו'. דער ליובאוויטשער איז נישט דערשראקן געווארן און תיכף אנגעהויבן איבערגיין אויף אויסנווייניג אלע סימנים וואס דער רמב"ם שרייבט און אויסגעשמעוסט ווי אזוי מ'זעט אז דער רבי האט דאס אלעס מקיים געווען... א שטייגער ווי מקבץ זיין נדחי ישראל בכל מקומות מושבותיהם און נאך פארשידנס...

באט עניוועי העניך, ווי גאט יור פוינט טו די פוינט...
איסתרא בלגינא קיש קיש קריא
לבי ובשרי
שריפטשטעלער
שריפטשטעלער
 
הודעות: 665
זיך רעגיסטרירט: זונטאג נאוועמבער 19, 2017 11:02 pm
האט שוין געלייקט: 451 מאל
האט שוין באקומען לייקס: 358 מאל

הודעהדורך הקטן » דאנערשטאג יוני 17, 2021 11:53 pm

לבי ובשרי האט געשריבן:נ.ב. אמאל אין א שמועס מיט א ליובאוויטשער משיח'יסט, האב איך צו אים גע'טענה'ט די אויבנדערמאנטע: היתכן דו קענסט זאגן אז דיין רבי איז משיח בעת ווען דער רמב"ם רעכנט אויס אזויפיל סימנים וכו'. דער ליובאוויטשער איז נישט דערשראקן געווארן און תיכף אנגעהויבן איבערגיין אויף אויסנווייניג אלע סימנים וואס דער רמב"ם שרייבט און אויסגעשמעוסט ווי אזוי מ'זעט אז דער רבי האט דאס אלעס מקיים געווען... א שטייגער ווי מקבץ זיין נדחי ישראל בכל מקומות מושבותיהם און נאך פארשידנס...

ביז אהער איז אפשר דער ליובאוויטשער בחזקת משיח איינמאל וואס ער איז אבער געשטארבן איז ער שוין זיכער נישט משיח - לויט דער רמב"ם
וואו רבי עקיבא אויף ובר כוכבא
רעדאגירט געווארן צום לעצט דורך הקטן אום פרייטאג יוני 18, 2021 12:04 am, רעדאגירט געווארן איין מאל בסך הכל.
I want atheism to be true and am made uneasy by the fact that some of the most intelligent and well-informed people I know are religious believers

Thomas Nagel
הקטן
חבר ותיק
חבר ותיק
 
הודעות: 2883
זיך רעגיסטרירט: דינסטאג מאי 15, 2012 7:30 pm
האט שוין געלייקט: 2156 מאל
האט שוין באקומען לייקס: 1316 מאל

נעקסט

גיי צוריק העמק דבר

ווער איז יעצט דא?

באניצער וואס לייענען דעם פארום: נישטא קיין אנליין באניצער און 2 געסט