ל"ג נהפך ד"ם - א קינה

פענע-קונסט און נשמה-געזאנג
רעאגיר
אמת45
מאנשי שלומינו
מאנשי שלומינו
הודעות: 44
זיך רעגיסטרירט: מוצ"ש יולי 09, 2016 7:24 pm
האט שוין געלייקט: 48 מאל
האט שוין באקומען לייקס: 329 מאל

ל"ג נהפך ד"ם - א קינה

שליחה דורך אמת45 »

ל"ג נהפך ד"ם - א קינה

גאט האט געצערנט און געשלאגן,
א מכה ביי ר' שמעון,

מ'קען נישט צו זיך קומען,
און ווי קען מען דערטראגן,

די סעקונדע צווישן לעבן אין טויט,
פון טאנץ ביז טרעט,
פון פרייד ביז טרויער,

די שרעק פון געדרענג ביים שוועל פון לעבן,
גסיסה פלוצים,

די פאניק ביים פאלן, א מענטשן קבר,
צו אייגענע ברודער לייבן,

די שוידער פון שפירן פיס איבער די קערפער,
סקילה און חניקה אין הויף ר' שמעון,

די כאאס פון דערשטיקטע שטימעס,
שרייען הילף פארלוירן,
און זייער לעצטע געדאנקען אין א פרייליך פלאץ,

די פיין פון פארלוסט, ביטערניש פון טויט,
ייאוש אין אָרט פון האפענונג,

די צובראכנקייט פון א באטראפן פאלק,
אן אומגליק ווי א שווערד אין הארץ.
רעאגיר