הכל מודים דבעינן נמי לכם

פענע-קונסט און נשמה-געזאנג
רעאגיר
שמן למאור
שריפטשטעלער
שריפטשטעלער
הודעות: 3068
זיך רעגיסטרירט: מאנטאג נאוועמבער 15, 2021 6:21 pm
געפינט זיך: וואו די כהן גדול גייט אליין...
האט שוין געלייקט: 3332 מאל
האט שוין באקומען לייקס: 8403 מאל

הכל מודים דבעינן נמי לכם

שליחה דורך שמן למאור »

האלב פאר מיר און האלב פאר דיר
א צעמישעניש עס הערשט אינטערן טיר

קרעימיש קעיק פון אלע סארטן
מילכיגע געבעקס און טארטן

אקדמות מיט א פלאם און ברען
קבלת התורה וואס וואו ווען

קרעפלעך דעם הארץ טוט נאגן
א קידוש ס'זאל זיין וואס צו זאגן

מגילת רות מיט פארגלייזטע אויגן
אויפבלייבן ביינאכט עס טוט נישט טויגן

א שטיקל בשר בהמה א געשמאקן
צום סעודה זיך זעצן אויף אלע באקן

תיקון ליל שבועות מיט אויגן פארקנאקטע
געטינקעכץ ביים עלות אין מקווה א געפאקטע

גראזן און פאומס עס גיבט א שטראל
שיינע בלומען געהאנגן איבעראל

לאנגע דאווענענס מגייט אראפ פון זינען
עשרת הדברות כ'בין נישט צום געפינען

א דעלקעלע איך גיב מיך א דערמאן
באלד וועט פארן טשיז-באבקע זיין די זמן

נמי לכם אדער גאר דער עיקר
ווער נעמט די פלאץ וואס איז דיקער

האלב א מלאך און האלב א גלח ממש אזוי
אויך אלע אנדערע טעג פון יאר גענוי

זאג מיר קלאר וואס וויל מען פון מיין לעבן
צושמעטערן די גוף אדער גאר אים נאכגעבן

מיר דאכצעך אז כוחות מיר טוען נישט פארמאגן
כי זה כל האדם קענען מיר זיך דען שלאגן

בין אור לחושך נישט אהין נישט אהער
אפשר אזוי קומט עס לכתחילה איך קלער

איך הער שוין אויף שלעפן די שטריק ביידע וועגן
א באלאנס פון אלוקית מיט בהמית מיר מעגן

זייער חלק מעג זיך יעדער אינגאנצן ערפילן ביטע
מיט הארמאניע צוזאמען לעבן ווי ברודער גוטע

אהה תחתונים עלזו ועליונים ששו
איי די טשיזקעיק געשמאק און דזשאוסי
"שמן למאור" - שמן זית זך להעלות נר תמיד

I can explain it to you but I can't understand it for you
Edward I. Koch-

אלע מיינע קאווע שטיבל ארטיקלען!!!

דער אשכול פארמאגט 9 תגובות

איר דארפט זיין א רעגיסטרירטער מעמבער און איינגעשריבן צו זען די תגובות.


רעגיסטרירן איינשרייבן
 
רעאגיר