גור ברענגט ארויס טויזענטער אין הפגנה קעגן אנשי ר' שאול

נייעס און פאסירונגען אין הויפן
רעאגיר
באניצער אוואטאר
כלבאשבוע
שריפטשטעלער
שריפטשטעלער
הודעות: 1022
זיך רעגיסטרירט: דאנערשטאג יולי 03, 2014 10:12 am
האט שוין געלייקט: 4 מאל
האט שוין באקומען לייקס: 1098 מאל
קאנטאקט:

גור ברענגט ארויס טויזענטער אין הפגנה קעגן אנשי ר' שאול

שליחה דורך כלבאשבוע »

יעצט אווענט איז פארגעקומען א מאסיווע הפגנה אין פארנט פון ר' שלמה אלבוים'ס הויז אין בני ברק, די גאסן אין בני ברק זענען פאראלאזירט געווארן און די דרשנים אויף די הויכהילכער האבן מיט טרערן באוויינט די "רמיסת כבוד התורה", די גערער שאצן אז ס'האבן זיך באטייליגט אין די הפגנה 20,000 מענטשן.

על מה יצא הקצף?

שלמה אלבוים איז דער עורך דין מטעם הוועד מאנשי ר' שאול וועלכער גיבט זיך אפ צו פארטיידיגן ר' שאול'ס חסידים וואס ווערן נאכאנאנד גע'רודפ'ט דורך גור, ער האט לעצטענס אריינגעגעבן א תביעה אין בית משפט קעגן א גאנצע רשימה פון מענטשן וואס שטייען אין שפיץ פון די רדיפות, ובתוכם א זון פון גורער רבי אליין!

אין גור האט מען דאס שנעל פארוואנדעלט אין א זעראו-סאם געים פון הליכה בערכאות און א געראנגל קעגן חינוך הטהור, הישמע כזאת? אז מ'זאל נעמען האקעלע אינערליכע חינוך ענינים און דאס איבערגעבן פאר אפיקורסישע שופטים אז זיי זאלן מחליט זיין איזהו דרך הישר?

כלל ישראל איז שוין מלומד בניסים ווען סקומט צו היימישע רעזשימען וועלכע טרעפן זיך אין א מצב אז זייער מאכט און נכסים זענען אין א סכנה און פרובירן אלע ערליי מיטלען דאס צו פארמיידן, אין נאמען פון תורה"ק, שטייצעך.

אנגעהויבן פון אזעלכע סארט טענות כגון אז האדמו"ר הקדוש איז דער אויסשליסליכער אויטאריטעט, און אז בלויז די אייגענע פעיראל דיינים מעגן דן זיין בנידון (אדער דרויסענדיגע דיינים וואס זענען דירעקט אדער אומדירעקט כפוף לרוח פונעם רעזשים) וכו' וכו', באגלייט מיט אזעלכע באקאנטע סלאגאנען ווי "אל תגעו במשיחי!"

די שארפע פוילישע גערער זענען דא א היפש ביסל אינטערשטעליג, זיי קומען ערשט יעצט אן צו זאכן וואס אין סאטמאר און אנדערע פלעצער האט מען שוין עקספערימענטעט און מעלה גרה געווען מער ווי 25 יאר צוריק, אבער מיטן ארויסברענגנן צענדליגער טויזענטער מענטשן אין די גאסן פרובירט גער צו לייגן אסאך לחץ אויף אנשי ר' שאול אז זיי זאלן דאס נישט נעמען עד הסוף, דאס וועט לכאורה ווייניג צוגעבן צו זייער סוקסעס אין בית משפט (ס'קען אפילו זיין אז ס'ווייזט אז זיי זענען שוין מיואש און ווייסן אז זיי שטייען דארט מער אויס צו פארלירן).

פאר א דרויסענדיגער איז סאך גרינגער דורכצוזען די אחיזת עינים פונעם גאנצן געים און טאקע פארן עווריטש בני ברק'ער איינוואינער פארדריסט בעיקר אז גער האט אים היינט אריינגעלייגט אין שווערע טרעפיק צוליב פאליטישע מלחמות, אבער זעט אויס אז אין גער פילט מען אזוי באדראעט פון ר' שאול און זיין הצלחה אז זיי מוזן דאס טון ווייל ס'איז ממש כלו כל הקיצין.

גערער רביס קינדער ביי א אינערליכע מיטינג אין פארברייטונג צום דיון אין בית משפט און די געפלאנטע הפגנה
IMG_7721.JPG


ר' שלמה אלבוים אויפן וועג צום בית משפט
IMG_7723.JPG


אין בית משפט
IMG_7719.JPG


די גאסן אין בני ברק היינט
IMG_7720.JPG

IMG_7717.JPG


א אינטערוויא מיטן גערער יוסל וואלדמאן, דער העלד ר' שלמה אלבוים
https://omny.fm/shows/kan-moreshet/d6af ... fc00d49942

גער אליינס מעג גיין אין ערכאות ווען ס'פעלט זיי אויס
https://twitter.com/eliadler8295/status ... 83684?s=12



אביסל קאווערידזש פון די היימישע ישראלישע סייטס:

הגאון רבי אריה זילברשטיין, רב חסידי גור בבני ברק פרץ בבכי: "משפילים את הצדיקים, משפילים את התורה הקדושה"
https://www.bhol.co.il/news/1312714

“להפסיק את הטרור”: בן הרבי מגור ועסקנים על ספסל הנאשמים
https://ch10.co.il/news/708179/#.YbZMjS1h1pQ
לְבַר נַטְלִין, וְלָא עָאלִין, הַנֵי כִּלְבֵין דַחֲצִיפִין.

דער אשכול פארמאגט 28 תגובות

איר דארפט זיין א רעגיסטרירטער מעמבער און איינגעשריבן צו זען די תגובות.


רעגיסטרירן איינשרייבן
 
רעאגיר