קאווע שטיבל

די מטרה פון די אשכול איז צו ציען א שמועס מיט גראמען, איינער שרייבט א ליין, א צווייטער איז ממשיך מיט א ליין וואס האט א קשר און גראמט.


ס'איז ליל שישי ביינאכט, איך בין מיד ווי א פערד...

רויטע וואנצעס איז לאנגווייליג, האסט געהערט?

כבר קדמוך אחרים. שוין דא אזא אשכול האסט פון דעם נישט געקלערט?

נישט געוואוסט, ס'איז געווען טיף באגראבן אין די ערד.

געבעס אפאר שעה, און דער אשכול פארשפארט ווערט

דארף מען דא מאכן רולס ווען מ'קען אנהייבן א נייע גראם , האלטסט פארקערט?

קענסט אנהייבען ווען דו ווילסט. ווער קערט?

נאך אזא וואך אין שטיבל, חלום איך נאר פון אידן און בערד.

יענע אשכול לאזט מען נאר ביז דריי ווערטער א שורה

זאל יעדער זיך עס שניידן, וועם שטערט?

און אויך וויאזוי "ווייסע-זאקן-צושטרויבעלטע-בערד-אידן" שרייבן דא ווי אפגעפארענע און לייקס מ'שערט

פינטעלע איד'ס אבסעסיע צו לייקס ווי פאשקעווילן עס מערט, ס'שרייט אז איבער קריגן לייקס שוין איינמאל ער קערט. כ'האף אז נישט באליידיגט ער ווערט, ווארים אויב יא א לייק איז ער זיך ווערד. מאכן דיינע אויגן פארטרערט, לגמרי נישט דאס האב איך באגערט. כ'האב דזשאסט מיין פריוואטע אפינען גע-עירד, אז איך זעה גראמען דער עולם שערט. זיי אבער נישט סקערד, כ'בין טאקע שר צבא כ'האב אבער קיין שווערד. איך בין נישט אזא פערד, איך זעג נישט אידן און נישט בערד. נאר בלויז מיינע גראמען דערקלערט, ווייל דיין זיין אזוי ביזי מיט לייקס איז שוין אביסל weird. מעגליך פון מיינע שורות איך אליינס עססערט, אז יעך צו זיין א גראמער איז קלאר נישט באשערט. אוי וואלטן די עקספערטן אזא תגובה צעהאקט און ריפערד, איין זאץ צום צווייטן לחלוטין נישט גוט קאמפערד. כ'האף אבער האלסט נישט לכבוד דעם בין איך א נערד, אויב יא מיין מיטלסטען פינגער איז שוין פריפערד. איך זאג נישט זאלסט דערפאר גיין אין דער ערד, מ'זעמיר נישט קיין שונאים בלויז צו אן אספעקט זיך רעפעררד. ר' פינטעלע איר הערט?

[tag]יואב[/tag] האסט גערעד אזוי צום פינטעל, לאמיר נאר האפען אז עס וועט אים טרעפען אין פינטעל!

.

מיר וועלן וויסן אז די שטיין איז געלונגען אין פינטל.
ווען ער וועט בילן ווי א הונטל.

(גראמט נאר בהברת יוצאי מארמאראש)

ליצים א באנדע
אינאיינעם מיט גנדי

(גראמט נאר בהברת ר' פינקי וועבער דער אריגינעל)

יואב איך האב דיר געלייקט ווייל דיינע גראמען און יומער זענען מעכט(יג), אפילו אין תוך ביזטע נישט גערעכט, מיין שיטה איז עכט, דאס קען מען זען אן לעכט, ס'דא וואס זענען געווארן שלעכט, און פירן א געפעכט, צו ווייזן וויל לינק זיי זענען און ח"ו נישט רעכט, אלעס פאר א לייק פון די אויפגעקלערטע זייער נשמה ער שעכט.

אינדרויסען איז קאלט און פינסטער
עס האט זיך שוין אנגעהויבען די ווינטער

די גרויסע ווינטן אין די ביינער ער שפירט,
פון די שטארקע קעלט ממש ער פרירט,

מען זעהט שוין נישט קיין בלעטער
עס איז דאך אזא קאלטע וועטער

און די ווארימע דאכענע געפינט זיך יעדע איינער
מען ווארעמט זיך אן די ביינער

שרייבט דער הייליגער ישמח משה
אז עס איז דאך א שעת הכושר

ווען מען טוט אויף די געשמאקע שלאף מוותר זיין
ווערט עס גערעכנט ווי אין די א פייער שפרינגט מען אריין

דאס וועט דיר העלפן שיידן
פון דיין צער און ליידן

ווי אויך זאגט דאך ר' חייא
אז מען האט דעמאלט די זכיה

אז די שכינה וועט זיין קעגן איהם
ווער וויל דען נישט זוכה זיין צו דעם

עס דארף אויך ווערן און באטראכט גענומען
וואס עס שטייט און זוהר פון אונזער תנא ר' שמעון

ואין לך נחת רוח גדול יותר להקב''ה
פון דעם וואס אידישע קינדער נעמען זיך די מיה

און שטייען אויף ביים אשמורה
און לערנען די הייליגע תורה

מען קען בעטן אין יענע מינוטן
צו זוכה זיין צו אלעם גוטן

ביים כתב סופר האט פאסירט
ווען ער האט זיך געפיהרט

אז יעדן שבת איז ער אויפגעשטאנען
עטליכע שעה פארן דאווענען

און האט אנגעהויבן צו זאגן ברכות התורה
מיט א שטארקע התלהבות פארן הייליגען בורא

פון גרויס ברען האבן זיך געגאסן טרערן
אז די תורה זאל פאר איהם זיס ווערן

דערנאך האט דער כתב סופר גערופן אהין
צוויי בחורים צו זיך ווי אויך איינע פון זיינע זוהן,

א גלעזל קאווע איז פאר זיי געווען גרייט
און באלד אין ים התלמוד אריין מען גייט

ער האט מיט זיי געלערנט עטליכע שעות
גמרא פון מס' שבת און משניות

מיט פרייד און שמחה האט ער פאר זיי געזאגט
פון לערנען פארטאגס א גרויס תענוג ער פארמאגט

די קאפ איז דאך אזוי קלאר און ריין
די גמרא איז דאך אזא געשמאך מיט מלא חן

צו לערנען עטליכע שעה פארן דאווענען
אזא זיסן טעם איז דאך נישט פארהאנען

א גוי וועט דאס קיינמאל נישט פארשטיין
וואס האט בלויז א גוף פון פלייש און ביין

ווען מען לערנט שבת פארטאגס די טאג די קרוין
באקומט דאס לערנען א טעם ווי גן עדן העליון

געשריבען דורך גראמען סענטער
845 537 1487

לכבוד חודש אדר
אדר א' אזאך וואס איז נישט תדיר

דעם אשכול ציריק אויפמאכן
דער עולם זאל זיך אינטערהאלטן אין אביסעל לאכן

כדי די זעלבע זאכן נישט א גאנצע צייט דארפן איבערקייען
מיין איך אז עס וואלט געווען א גיטע רעיון

די מגילת אסתר שיין אויף יודיש איבערטייטשען
און מיט א שיינע גראם אין אים אריינקנייטשען

לאמיר האפן אז ביז פורים וועט עס שוין זיין פארטיג א שיינע שטיק
כדי מען זאל עס קענען נעמען גלייך צום דריק
און עס ארויסגעבן פארן פאבליק
זיי זאלן זיך אויך קענען געבן א דערקוויק

אויף דעם איז יעצט די צייט די שעת-איז
וזה החלי לעשות

די מגילה הייבט זיך אהן מראש
ויהי בימי אחשורוש

איך הייב ערענסט אן צו קלערן,
אז דו האסט אלקעהאל אין דיינע געדערן,
ווייל הגם צו זיין א גראמער טוסטו שטרעבן,
טוט איין ווארט מיט די צווייטע נישט קלעבן,
איך פארשטיי נישט קיין איין איינציג שורה,
גענוי ווי אן ערל וואס לערענט ברטנורה,
איז הער מיר אויס, פלעין יודיש,
לאמיך אייך אנפלעקן א מורא'דיגע חידוש,
ס'טאקע אדר איך הער דיין טענה,
אבער פארוואס רעדסטו נישט צום דבר ווי א צוקלאפטע הושענה?

שוין איינער האט זיך מרחם געווען אבער אין די פאלשע אשכול
www.kaveshtiebel.com/viewtopic.php?f=24&t=5945

[tag]פלעין יודיש[/tag] די מגילה האט איינער פארכאפט,
ס'איז אבער נישט קיין סיבה צו זיין געקלאפט,
אויפן הגדה קענסטו זיך שוין יעצט פארקוקן,
אין מיט דיינע שיינע גראמען אונז דערקוויקן,
מאך עס אבער קורץ און זייער זיס צוזאם,
אביסל צו פארזיסן די ביטער מרור טעם.

רויטע וואנצעס
איך וואלט נישט געזאגט אז די רעדסט נאן סענס

האסט גראדע פארגעשטעלט א גיטן פלאן
אבער מיר ווייסען דאך אז לכל זמן

א מחלוקת אין די גמרא פסחים ו: איז פארהאן
פון ווען אהן איז מען עוסק און הלכות פון יו''ט איז די גמרא דן

איין מ''ד האלט פון שלושים יום קודם החג
אין די צווייטע האלט דווקא צוויי וואכן פאר יו''ט דאס איז שיטת רשב''ג

עכ''פ הכל מודים ובזה כולי עלמא לא פליגי
אז צווי חדשים פארדעם איז נישט די זמן, ס'איז נישט קיין עצה א קליגע

מיר וועלען מיזען ציווארטען נאך אפאר וואכן
ביז דער עולם וועט די וויין פון פורים שוין האבן אויסגעבראכן

די ימי הפורים וועלען אריבערגיין לטובה די המן גיט אויסקנאקן
און דערנאך ווען אין לופט וועט מען שוין שמעקן די מצות באקען

דאן האפענטליך וועט מען קענען ציפרעדן שטעלן די גאנצע קהל
מסביר זיין שיין די גאנצע הגדה פון הא לחמא עניא ביז גאל ישראל