די פארכמארעטע לבנה שיין.

פענע-קונסט און נשמה-געזאנג

די פארכמארעטע לבנה שיין.

הודעהדורך שש משזר » דאנערשטאג אקטאבער 01, 2015 4:58 am

געשריבן אונטער די השראה פונעם פריש געמאכטן הארץ געזאנג פון @רויטע וואנצעס: איך פיהל.

ווען דער נפש קלאצט
א נשמה געזאנג שפראצט‎

די נשמה עס לעכצט‎
די הארץ מיט קרעכצט‎

א געוויין, קול דממה דקה‎
מיט טיפע געגועים געמישט טאקע‎

די פינסטערע נאכט מיטשפילט‎
אן אומעטיקייט אנגעפילט‎

א קשיא הענגט אין חלל‎
פארוואס בין איך פארלאזט כשלל‎

א ווידערקול טוט זיך הערן‎
צו וועמען קען איך מיך קערן‎

א טויטער זעל, ארעם פון שפראך‎
עפעס וויל ער, דערטאפט נישט די זאך‎

א שאטן שטעלט זיך, לאכט א בייזע געלעכטער‎
וואס וויל ער, דער שט"ן דער שלעכטער‎

פארקלאפט איז די נשמה, פארצווייפלט אזוי‎
ווער קען דאס אויסמאלן גענוי‎

לבנה כמארעס שמייכלט ראמאנטיש‎
דו ביזט מער נישט רעלעוואנטיש‎

א נארישער אור חוזר פונעם זון‎
שפאצירט ווי א קעניג, האט נישט קיין זין‎

מיר זענען אלע ווי דער לבנה‎
לאכן אדוכשפאצירנדיג א צירקל כל שנה‎

איידל מאיעסטעטיש, אנע אייגענע שיין‎
א טריף אין הארץ, יא, איך וויין‎

פלאסטישע גופים, פאלשע מענטשן‎
וועם זאל איך לויבן, ליבן, און בענטשן‎

אליינס פארכמארעט אין מיין ווינקל‎
יא, ס'איז חושך, פינסטער, און טינקל

ווען וועט די זון צוריק אויפשיינען
ווען וועל איך ענדיגן וויינען?!
באניצער אוואטאר
שש משזר
שריפטשטעלער
שריפטשטעלער
 
הודעות: 3334
זיך רעגיסטרירט: מאנטאג מערץ 30, 2015 11:55 pm
געפינט זיך: צווישן די הרי חושך און הר ההר.
האט שוין געלייקט: 6774 מאל
האט שוין באקומען לייקס: 15573 מאל

די ראמאנטישע לבנה שיין.

הודעהדורך שש משזר » מאנטאג נאוועמבער 02, 2015 12:03 am

ווי א תינוק בן שנה
פארלוירן ווי אן אלמנה
קוק איך היפנאזירט אויפן לבנה.

א בילד אזוי פיקאנטיש
וואס איז מיר רעלעוואנטיש
איר שמייכל אזוי ראמאנטיש.

שיינט אזוי איידל
צארט ווי א מיידל
ניטאמאל איינגעוויקלט אין א קליידל.

שיקט ליבליכע שטראלן
פון אירע ענדלאזע קוואלן
ליבע אינעם וועלט טוט פאלן.

שטיל אן גערודער
פאל איך ביינאכט אנידער
אינעם בעט - א מידער.

אבער דער לבנה שיין
אזוי איידל, שיין, און ריין
קוקט מיט ליבע אין פנים אריין.

זי טוט מיר דערמאנען
אז וואספארא מצב איז פארהאנען
אפילו אין די טונקל טוט זי שיינען.

נאך א געדאנק וויכטיג
זי זאגט מיר א טענה ריכטיג:
ווארט נאר צו, ס'ווערט באלד ליכטיג!
באניצער אוואטאר
שש משזר
שריפטשטעלער
שריפטשטעלער
 
הודעות: 3334
זיך רעגיסטרירט: מאנטאג מערץ 30, 2015 11:55 pm
געפינט זיך: צווישן די הרי חושך און הר ההר.
האט שוין געלייקט: 6774 מאל
האט שוין באקומען לייקס: 15573 מאל

הודעהדורך מי אני » מוצ"ש סעפטעמבער 28, 2019 10:58 pm

שש משזר האט געשריבן:א שאטן שטעלט זיך, לאכט א בייזע געלעכטער‎
וואס וויל ער, דער שט"ן דער שלעכטער‎

מ'קען אפשר זאגן בדרך דרוש אז דער יערות דבש (ב ט) לייגט צו צו די גמרא (יומא כ.) אז דער שטן האט נישט קיין רשות משטין צו זיין פון יוה"כ ביז דעם ערשטן טאג סוכות (ועד בכלל), ווייל ער קען נאר משטין זיין אזוי פיל טעג ווי די גימטריא פון שט"ן אן דעם ה' השימוש.

אין אנדערע ווערטער, דער שטן קען נישט משטין זיין אין חודש תשרי (פון יוה"כ) ביז נאך די לבנה און איר שיין איז במילואה [באמצע החודש].
"איך בין אפילו נישט זיכער אז איך עקזיסטיר, ווי אזוי קען איך זיין זיכער אז"... - יאיר דא
באניצער אוואטאר
מי אני
שריפטשטעלער
שריפטשטעלער
 
הודעות: 1199
זיך רעגיסטרירט: פרייטאג אקטאבער 05, 2018 4:32 pm
האט שוין געלייקט: 6142 מאל
האט שוין באקומען לייקס: 883 מאל


גיי צוריק פאעזיע

ווער איז יעצט דא?

באניצער וואס לייענען דעם פארום: נישטא קיין אנליין באניצער און איין גאסט