צא מדירת שכל ושב בטיפשות

ארטיקלען און באטראכטונגען איבער דער חרדי'שער געזעלשאפט און קולטור

צא מדירת שכל ושב בטיפשות

הודעהדורך עצי שטים » פרייטאג יולי 01, 2022 12:22 pm

און.... דער עולם האט זיך אפגעפעקלט ב"ה! פרעג מיר נישט פארוואס, פרעג מיר נישט פארווען. פשוט.. ווייל אזוי!
איך בין אויפגעשטאנען היינט ציפרי צו א ליידיגע וויליאמסבורג. אהה... מען קען אביסל אטעמען... אזוי דארף אויסצוקוקן א נארמאלע שטאט וואס איז נישט איבערגעפילט צען מאל אזוי סאך ווי עס קען פארנעמען.
(בלויז פאר אילוסטראציע. איך וואוין ב"ה נישט אין וויליאמסבורג...)

פארוואס פינקט נעכטן האט מען מחליט געווען צו גיין צו די קאנטרי פרעגסטו? פארוואס נישט א וואך צירוק אדער א וואך ארים? איז עפעס היינט געווארן הייסער ווי נעכטן? האבן די פריצות'דיגע פרויען נישט באלאגערט וויליאמסבורג לעצטע וואך אויך? און פארוואס בלייבט מען דארטן פינקט פאר צוויי חדשים? איז נישט קיין קערצערע וואקאציע געניג? און אפשר איז דאס פאר געוויסע קינדער געבענטשטע פאמיליעס נאכאלטס נישט געניג?
אבער וואס פרעגסטו קשיות? אין די אומזעבארע לוח פון די אומזעבארע סיסטעם, פון זעבארע מאנקיס, שטייט, אז דאנערשטאג קורח פארט מען אין קאנטרי, טא אפיקורס, וואס פרעגסטו קשיות?

איך האב שוין א שטיק צייט ציריק געשריבן אז איך הייב אהן צו פארלירן מיין טראסט אין די מענטשהייט. איך פלעג זיך באמת איינרעדן אז מענטשן זענען קליג, אינטעלידזשענט, און קענען טראכטן זעלבסשטענדיג. אבער וואס א טאג עס גייט פארביי, זע איך פשוט ווי נעריש און סטופיד די מענטשהייט איז, אזש עס ווערט מיר באלט שווער צו לייקענען די טעאריע אז אונז שטאמען פון מאנקיס.

דאס האב איך געשריבן אין די אשכול איבער די פרישע תחקיר אויף פרשת ברלנד.

איך פארשטיי ממש נישט וויאזוי די חסידים זיינע קענען נאך האלטן פון אים, פשוט פון די ווילדע וואנזיניגע אויסברוכן, איך וואלט געטראכט אז עס קומט פון א בעל תשובה נאטור, אבער למעשה מרכז ויזניץ יוכיח, די רבי מעג זיין משוגה און זאגן פאריקטע סטעיטמענטס...און.. גארנישט...
איך בין נייגעריג אויב אין אנדערע פלעצער וואלט עס אויך געווען אזוי, מסתמה יעדע פלאץ אנדערש, מיט אנדערע פראצענטן וואס וואלטן פארלאזט די קהילות,

עד היום האט דער ברלנד נאכאלטס א ריזיגע סטאדע פון פארגלייבטע דזשיהאדיסטן, וואס האלב האלטן אז די אלע מעשיות איז לא היה ולא נברא, און די צווייטע האלב האלטן אז די צדיק מעג אלעס טון
מענטשן זענען דאך עפעס נישט נארמאל... אזוי פארגלייבט צו זיין, ממש אהן קיין שכל.. איך הייב אהן שטארק צו צווייפלען אין די אינטעליגענס פונעם מין האנושי...


איך וועל דא ארויפשטעלן צוויי קליפס וואס ווייזט ווי טיפשות האט פשוט נישט קיין גבול, מענטשן זענען אזוי גאלעבל און וואנזיניג, אז עס איז נישט צום גלייבן.
אט זעט ווי די קאמידיען מייקל קאסטא קאמפראנטירט טראמפ שטיצערס
https://youtu.be/hNIJH5gufaQ
אדער ווי קאמידיאן דזשימי קימעל פרעגט אויס "פעשין מבינים"
https://youtu.be/QZSbK_SMkf0
ביל מאר מאכט שוין די פוינט אפאר יאר צירוק, ווי די עולם איז פשוט סטאפיד.
https://youtu.be/rMOxj8w0K-c
איך קען שטיין און ברענגען קליפס אגאנצן טאג. די געדאנק איז אז דערוילעם איז פאר'תם'ט. דערוילעם האט נישט קיין אייגענע שכל. וואס די סביבה ארים אים טוט, זאגט, טראכט און האלט פאר ריכטיג, דאס גענוי וועט ער אויך טראכטן און זאגן און האלטן פאר ריכטיג.
און איך ווייס אז די קליפס זענען פון גוים... און אונז... האבן דאך גמרא קעפ.. אבער ליידער וויאזוי עס גוי'אישט זיך אידישט זיך, וישראל כשהם יורדים...
די טיפשות שרייט שוין היינט ארויס פון יעדע ווינקל ליידער.

איך האב געכאפט א שמועס מיט מיין עלטערע ברידער איבער זיינע קאנטרי הוצאות, (אגב מיין ברידער מוטשעט זיך מיט פרנסה און דעקט קוים די חודש)
רעכענט ער מיר אויס אזוי, די באנגעלוי אליין, פאר אלעס, איז 9,000 $ פאר די גאנצע זימער, (צוויי בעדראם לעכל) קומט יעצט צו נאך 400 $ עיר קאנדישן פי, נאך 300 $ געז און 200 $ לעקטער, נאך 500 $ פאר וואש מאשין און דרייער, נאך 150 $ מקוה געלט, נאך 350 $ גארבידזש פי, און כגעדענק שוין נישט וואס נאך.
נאר די סווימינג פאל, די גראז, ליפט, מאסקיטאס, בלאטע, שימל, און שפין געוועבעכטץ איז יא אריינגערעכנט אין די פרייז.
און יעצט מוז מען שטייצעך עקסטער צאלן פאר דעיקעמפ.
פארוואס? פארווען? האט ער דען געלט דערפאר? איז נישט די הויז אינדערהיים שענער און געשמאקער?

ער קען נעמען די געלט און דינגען א ריזיגע הויז אין מאנסי פאר צוויי חדשים, מיט א פאל און גרויסע בעקיארד, (איך מיין אז עס גייט פאר ווייניגער ווי 6000 א חודש, און דאס איז שוין אויב וויל ער גיין קיין מאנסי. ווער רעדט אויב ער וויל פארן צו סיי וועליכע אנדערע וואקאציע ארט, און דינגען א נארמאלע הייזקע, נישט קיין 100 יאר אלטע גרויליגע שיפע ראטן חאטקע)
קען זיין אז קאנטרי איז יא די בעסטע אפציע פאר דיר, און עס קומט דיר יא אויס די ביליגסטע און געשמאקסטע. אבער האסטו אפילו אריינגעקוקט דערין? האסטו געניצט דיין קאפ פאר א האלבע סקונדע? אפשר לוינט זיך פאר די געלט צו גיין נאר פאר א האלבע זומער, אבער צו א שענערע פלאץ?
זוכער איז עס נישט די בעסטע אפציע פאר רוב ריבם פון כלל ישראל... נאר וואס דען.. זייט ווען טראכט מען???

יעדעס יאר זאגט מען איבער מיט א געשמאק די ווערטל, אז ווען די גאווערמענט וואלט געמאכט א גזירה אז מען מוז גיין אין קאנטרי וואלט מען גוזר תענית געווען.... און מען גייט ווייטער כאילו לא היה. עס איז ווי א חלק פון די סיסטעם זיך אפצורעדן דערויף און דערנאך גיין... פינקט ווי דער ביבער וואס וויינט, און גייט ווייטער אריין אין זיין טרעפ.

יעצט איך זאג נישט אז קאנטרי איז נישט געמאכט פאר קיינעם, און קיינער האט עס נישט ליב. מען וואוינט אין קליינע מעטש באקסעס מיט פיפצן קינדער, און מען מוז אסאך מאל פשוט ארויסגיין צו א אפענע פעלד פאר צוויי חדשים איידער די גאנצע הויזגעזונט גייט אראפ פון זינען.
אבער הא גופא קאטשקע, פארוואס וואוינסטו אין א ד' על ד'?
פארוואס הייבסטו דיך נישט אויף, און טוסט קליגע שריט פאר דיר, דיין משפחה, און באדזשעט?
גיי ארויס פון די צישטיפטע געגנטער, און צי דיך אריין צו א ברייטערע, ביליגערע, געשמאקערע, בע'טעמ'טערע געגנט? נעע... די סיסטעם לאזט נישט... די אייגענע שכל האב איך שוין לאנג אויפגעגעבן. מען טוט וואס יעדער טוט, מען מוטשעט זיך אזוי ווי יעדעם. מען וועט צאמשטעלן געלט פאר מיר ווען איך מאך חתונה אזוי ווי מען שטעלט צאם פאר יעדעם. און איך וועל אויך גיין אין קאנטרי ווי יעדעם, נישט קיין נפק"מ ווי נעריש עס איז, און צו עס איז גוט פאר מיר אדער נישט, אדער צו איך האב עס ליב צו נישט, און צו איך קען עס אפארדן צו נישט.
איך רעד שוין נישט פון די וואס גייען נאכנישט פאר די קינדער, נאר גייען טאקע בלויז ווייל... "מען" גייט.

למעם השם, בלייבטס טאקע דארטן אפילו נאכן זומער, לאז די אינטעליגענטע בלייבן דא מיט א ליידיגע שטאט, און אז ענק האבן אזוי ליב די קאקאראוטשעס, קענט עטס בלייבן דארטן אגאנץ יאר,
מיר וועלן שטיין און האלטן סיינס סוף זומען ביי די בי קיו אי, "גאו בעק טו די קעטסקילס"

רבוש"ע, וואס דארף איך יעצט ענטפערן פאר די כופר וואס שרייט אז מען וואלט גרינג געקענט אויסטראכטן און איינרעדן כלל ישראל וועגן מעמד הר סיני?
אז די אידן זענען די עם חכם ונבון? גיב מי א ברעיק...
I installed a high vocabulary comprehensive forum
signature in english, to make myself look intelligent

Otzie Shitim -

א וויכטיגע מעסעדזש פאר די מענטשהייט!!!
עצי שטים
שריפטשטעלער
שריפטשטעלער
 
הודעות: 1140
זיך רעגיסטרירט: מאנטאג נאוועמבער 15, 2021 7:21 pm
געפינט זיך: וואו די כהן גדול גייט אליין...
האט שוין געלייקט: 1043 מאל
האט שוין באקומען לייקס: 2461 מאל

הודעהדורך מחצה''ק » פרייטאג יולי 01, 2022 1:57 pm

ס'איז אמת אז סקאסט א הון תועפת אין נאכאלץ איז קאנטערי גאר געשמאק
אבער דאס איז א מיליאן דאללערדיגע קשיא פארוואס בלייבט מען נישט דארט
מחצה''ק
ידיד השטיבל
ידיד השטיבל
 
הודעות: 184
זיך רעגיסטרירט: מיטוואך מערץ 13, 2019 7:25 pm
האט שוין געלייקט: 77 מאל
האט שוין באקומען לייקס: 105 מאל

הודעהדורך סבא דבהתא » פרייטאג יולי 01, 2022 2:05 pm

לענ"ד זענען מענטשן גרייט צו צאלן ממון ודמים אבי זיך צי קענען "אומאפיציעל" סעפעראטירן פון דאס געזינדל פאר אפאר וואכן. ודו"ק כי קצרתי...
סבא דבהתא
מאנשי שלומינו
מאנשי שלומינו
 
הודעות: 61
זיך רעגיסטרירט: דינסטאג יוני 28, 2022 11:12 pm
האט שוין געלייקט: 26 מאל
האט שוין באקומען לייקס: 76 מאל

הודעהדורך מי אני » פרייטאג יולי 01, 2022 3:30 pm

דער פסיכאלאג אָטאָ פעניכעל האט געהאלטן אז דאס׳ן זיין סטוּפּיד (ברוב אופנים) איז א זאך וואס ״מען לערענט זיך״ און מען ווערט קאָנדישאָנד צו. מען ווערט סטוּפּיד ווייל מען וויל נישט פארשטיין, ווי איידער ווייל מען קען נישט פארשטיין, אלס׳ן מורא האבן צו טראכטן מחמת אז אז די תוצאות וכדומה גייען קעגן געוואוינהייט וכו׳ אא"וו. ועיין ערך ״שׁיִפּל [sheeple]".

דאס דערמאנט פון קאנט׳ס הגדרה פון ״השכלה״.

ועיין מכאן ולהלן, וואו איך האב צוגעברענגט פּראפעסאר קאַרלאָ קיפּאָלאַ׳ס ״געזעצן״ פון טיפשות. דר. וואָלטער פּיטקין האט אויך געזאגט אז טיפשות איז דאס ערגסטע סאציאלע רע מכח דעם ווייל עס זענען דא אזויפיל פון זיי (קיפּאָלאַ׳ס דריטע ״געזעץ״), הויכע פאזיציעס זענען ערפילט דורך טיפשים, און לעומת טיפשות האט דער אינדיווידואל עפעס אַן אנדערע טאלאנט לעומתה (עיין ערך סעלעבּריטיס). ועיין כאן.
"איך בין אפילו נישט זיכער אז איך עקזיסטיר, ווי אזוי קען איך זיין זיכער אז...?" - יאיר
"אלס וואס איך ווייס איז אז איך ווייס גארנישט (אחוץ דעם עצם פאקט)" - סקראטוס
און אפילו אין דעם בין איך אויך נישט זיכער
באניצער אוואטאר
מי אני
שריפטשטעלער
שריפטשטעלער
 
הודעות: 3707
זיך רעגיסטרירט: פרייטאג אקטאבער 05, 2018 4:32 pm
האט שוין געלייקט: 11234 מאל
האט שוין באקומען לייקס: 3388 מאל

הודעהדורך קהל'ס נער » פרייטאג יולי 01, 2022 4:04 pm

איך זעה האסט דיך עפעס פארלייגט אויף די קאנטרי, ביסט גערעכט מיט אלע דיינע קושיות פארוואס נישט א וואך פריער, פארשטייט זיך ווייל די סיבה צי קאנטרי האט גארנישט מיט פריצות, ס'איז פשוט זיך ציפילן הייליג, אזוי ווי ווען מען ריקט אריין אויף אלע באקן און מען זאגט רעבשאייעבערמוישע, די אמת'ע סיבה פאר קאנטרי איז ווייל דאס איז א שטאטישע מנהג וואס גייט שוין אן פאר הינדרעט/ער יאר.
לעניינינו די מאכסט אזוי חוזק פון קאנטרי, גיי לערן א מאנסיער/קרית יואל/ער קאנטרי, קיינער גייט נישט אין קאנטרי פאר לוקסוס, פאר דעים איז טאקע דא סאך שענערע און ביליגערע פלעצער, די סיבה פארוואס מען גייט אין קאנטרי איז די עקספיריענס, די חיי קהלה, די פרי פאר אלל לייפסטייל, איך האב גאר גיטע זכרונות פון קאנטרי, קאלעקטען סאלעמענדערס און פרעש, בויען חאטקעס, דריייוןן די גאלף קאר ווען די מענידזשער זעיט נישט, נישטא קיין דאגות, ס'שווער צי מסביר זיין א עקספיריענס, אבער ווער ס'האט שוין טועם געעוועהן קאנטרי עים קען מען נישט אפנארן.
לסיכום מען קען נישט אפפרעיגען קאנטרי גייערס מיט לאגישע קושיות, ווען די סיבה פארוואס זיי גייען איז א עמאציאנאלע.
"אין א וועלט פון משוגע, דארף מען זיין גיט משוגע, נישט צי וועלן זיין משוגע"
ישראלי גרין
קהל'ס נער
שריפטשטעלער
שריפטשטעלער
 
הודעות: 1228
זיך רעגיסטרירט: זונטאג אקטאבער 25, 2020 1:25 am
געפינט זיך: ווי א נער אויפן מארק
האט שוין געלייקט: 3379 מאל
האט שוין באקומען לייקס: 2334 מאל

הודעהדורך יאסל ראקאווער » פרייטאג יולי 01, 2022 7:10 pm

קהל'ס נער האט געשריבן: די סיבה פארוואס מען גייט אין קאנטרי איז די עקספיריענס, די חיי קהלה, די פרי פאר אלל לייפסטייל, איך האב גאר גיטע זכרונות פון קאנטרי, קאלעקטען סאלעמענדערס און פרעש, בויען חאטקעס, דריייוןן די גאלף קאר ווען די מענידזשער זעיט נישט, נישטא קיין דאגות, ס'שווער צי מסביר זיין א עקספיריענס, אבער ווער ס'האט שוין טועם געעוועהן קאנטרי עים קען מען נישט אפנארן.


פרי פאר אלל ווילי סטייל.

פרי פאר אלל לייפסטייל אבער די טאטע'ס לויפן ארום מיט לעדערנע שיך, לאנגע הויזען און לאנגע ארבעל און אסאך אפילו מיט רעקלעך אין ניינציג דעגרי היצען.

סארא קאנטראל און פחד די עולם לעבט. ס'איז א גרויסע רחמנות.
הנח לו ליוסל, איך בין נישט קיין נביא, איך בין נישט די משנה ברורה. מיינע ווערטער איז נישט געמאסטן!

פארטייטש מיך נישט, און ליין נישט צווישען די שורות
יאסל ראקאווער
שריפטשטעלער
שריפטשטעלער
 
הודעות: 478
זיך רעגיסטרירט: זונטאג סעפטעמבער 15, 2013 2:30 pm
האט שוין געלייקט: 227 מאל
האט שוין באקומען לייקס: 951 מאל

הודעהדורך berlbalaguleh » פרייטאג יולי 01, 2022 7:41 pm

יאסל ראקאווער: דו ביסט גערעכט. אבער ס'ארא פנים וועט עס האבן אויב א יונגערמאן פון די בני עליה (עכ"פ אזוי האלט ער זיך) וועלכער גייט שווארצע זאקן, א פלאטשיגס. און א געלן, וואלענעם טלית קטן. און אין קאנטרי לויפט ער ארום מיט סאנדאלס, קורצע הויזן. און א סליעוולעס שוירט. און ער האלט א ביר אין די הענט...!
באניצער אוואטאר
berlbalaguleh
שריפטשטעלער
שריפטשטעלער
 
הודעות: 17053
זיך רעגיסטרירט: דינסטאג יולי 17, 2012 12:57 pm
האט שוין געלייקט: 20700 מאל
האט שוין באקומען לייקס: 11959 מאל

הודעהדורך קהל'ס נער » מוצ"ש יולי 02, 2022 10:27 pm

יאסל ראקאווער האט געשריבן:
קהל'ס נער האט געשריבן: די סיבה פארוואס מען גייט אין קאנטרי איז די עקספיריענס, די חיי קהלה, די פרי פאר אלל לייפסטייל, איך האב גאר גיטע זכרונות פון קאנטרי, קאלעקטען סאלעמענדערס און פרעש, בויען חאטקעס, דריייוןן די גאלף קאר ווען די מענידזשער זעיט נישט, נישטא קיין דאגות, ס'שווער צי מסביר זיין א עקספיריענס, אבער ווער ס'האט שוין טועם געעוועהן קאנטרי עים קען מען נישט אפנארן.


פרי פאר אלל ווילי סטייל.

פרי פאר אלל לייפסטייל אבער די טאטע'ס לויפן ארום מיט לעדערנע שיך, לאנגע הויזען און לאנגע ארבעל און אסאך אפילו מיט רעקלעך אין ניינציג דעגרי היצען.

סארא קאנטראל און פחד די עולם לעבט. ס'איז א גרויסע רחמנות.


כ'ווייס נישט פון וועלכע קאנטרי די רעדסט, אבער זיך דיר שנעל א אנדערע קאנטרי.
אז מען לעיבט דארט אין קאנטראל און פחד איז טאקע א שאד צי גיין, אבער איין פארפרומטע קאנטרי פרעיגט נישט אפ מיין נקודה.
"אין א וועלט פון משוגע, דארף מען זיין גיט משוגע, נישט צי וועלן זיין משוגע"
ישראלי גרין
קהל'ס נער
שריפטשטעלער
שריפטשטעלער
 
הודעות: 1228
זיך רעגיסטרירט: זונטאג אקטאבער 25, 2020 1:25 am
געפינט זיך: ווי א נער אויפן מארק
האט שוין געלייקט: 3379 מאל
האט שוין באקומען לייקס: 2334 מאל

Re: צא מדירת שכל ושב בטיפשות

הודעהדורך כרם זית » מוצ"ש יולי 02, 2022 10:32 pm

@קהל'ס נער איך מיין אז @עצי שיטים מאכט נישט אוועק די פאקט אז מען קען דארט הנאה האבן. ער ברענגט נאר ארויס די אומ'אחריות'דיגער צוגאנג אז 'יעדער' מוז גיין אפילו די וועלכע קענען זיך נישט ערלויבן, אלס מה יאמרו משנה הבריות.
וידוע מאמר החכם: כשם שאי אפשר לתבן בלי בר, כך אי אפשר לכרם בלי קוצים.
באניצער אוואטאר
כרם זית
שריפטשטעלער
שריפטשטעלער
 
הודעות: 548
זיך רעגיסטרירט: מיטוואך מאי 06, 2020 6:41 pm
געפינט זיך: צווישן האמער און נאגל
האט שוין געלייקט: 1232 מאל
האט שוין באקומען לייקס: 691 מאל


גיי צוריק געזעלשאפט

ווער איז יעצט דא?

באניצער וואס לייענען דעם פארום: נישטא קיין אנליין באניצער און איין גאסט